Yela 139:18 - mzwDBL

¹⁸ N ŋɔ n kura aa, a ɡwaa mpo nyoa hɛŋle. N chɔɔ dɛ har kwaraa naa, n ne henee ta.

Yela 139:18 Referans Kwoze

Yela 3:5

N dɛ chɔ dɛ́ chɔ dom kɛrɛdɛ, dɛ́ ir ja, dɛkalkɛŋɔ Korowiirii dɛɛ nyiŋi n nɛ.

Yela 139:3

Dɛ n chɔɔ kɛɛ n iro dɛ valɛ dɛɛ kaa laa, he te jemɛ anɔ la maa dɛ ɛ bwa.

Yela 40:5

N Naa Korowii yaa dɛ tomɛ, nyokpowe-ɛɛla haa ɛa la warɔ ɡa. Yaa won baɡle wejena haa vɔrɔwa bil tɛ yaa la, a warɔ kohona, yaa wola won kura.

Yela 17:15

N waa aa toɡra nomanta, mɛɛ nae, n chɔɔ ir aa, n sie ɛɛ lɛo kohona, ń na ɡɛ haa doa.

1 Tesalonika 5:10

Onee sewa tɛ yaa, ásɛ awola o balaa, dɛ ya soɡe mkpa ta noo, sewaa ya sewɛ oo, yá ne Korowii won pɛ.

Daneɛl 12:2

Nɛra ɡalɡa baa serewa ɛɛ berɔ ir, ásɛ bane kaa mkpa aa wola jaɡa dɔe bwa ta, bane ɡe kaa weweele aa wola jaɡa dɔe bwa ne sihiih ta.

Aesaya 26:19

Kɛ he nɛra baa serewa la ɛɛ iruu, dɛ́ berɛ dɔ bwadabii ja. He banɔ la haa lɔ lalbɔɔne bini, hé ir, dɛ́ ɡo silɛɛ yela! Gɛ mɛn yon ta kwaa ta aa do wer chɔɔbɔr la, ɡɛɛ Korowii ɛɛ ba banɔ la baa serewa la mkpa tɛɛ.

Yela 40:12

N dɔma baa wola nyoa dɔe bar mɛ cheme, n wechɔɡa ɡwaa n nɛ, maa jemɛ bela maa kpɔ. A warɔ ɡwaa n nyumpona kwara, a ɡel n hwɛɡa bwa ta.

Yela 40:6

Konaatena ne koŋkwaa baa kpɔa ɛ sarahare dɛɛ tɛɛ la, he sie aa a ta lɛ, he tɛ mɛ deŋne ŋɔ, n kpɔ no he wa. He siwi aa konaatena baa dɛ fuah ambire dɛɛ tɛɛ, ne sarahare baa ɛa, dɛ kpɔ dɛɛ soŋe nɛra wechɔɡa la su.