13 Henee ta n bwa, dɛ ta mɛ pɛ n nya tea bini.
“N tɔ sie lee cheɡ dɛ tɛɛ mkpa, mɔɔ ba lolɛ la, dɛ n lee cheɡ, menee lee ŋɔ hé ɛ n keame harɛre nɛra bwa nɛ.”
Henee ta mɛ, dɛ kpɔ nɔn tɔ n nɛ. Tɛ mɛ waa mun noe, ń kpɔ hweli he Mmarare la.
Menee Korowii maa ta heya, dɛ jemɛ heyaa mɔɔ ba lolɛ heya, dɛ cha heyaa la. He bɛ ɔmɛ, he ɛ n bonɔɔna maa le heyaa tɛ n te, n bambile lawɛ heya.
Korowii waa ta mɛ do n nya tea bini laa ta ba ɡe aa? O tenten laa ta ya bwa do teene bini naa?
Israel tena haa kaa la bwa, hé no n be. Menee nyiŋi he nɛɛ le ɡɛ saŋ baa lolɛ bwa.
N soɡa bini bwaa n le, dɛ kpɔ n te dawɛ he nɛ, baa lol mɛ bwaa he le, dɛ kpɔ nɔn tɔ n nɛ. Mɛɛ kpɛɛree saŋ bɛlbwa.
Hé ba ya ɡuŋu dɛ́ tomɔ, yá ɡuŋi Korowii waa ta yaa la sie!
Dɛ bwadabii fe dɔ siwi ɡbo, deŋne ta jae yaa, ɛrɛɛ o fe ɛɛ ba waa noe yɔ? Dɛ bwadabii fe ɛ deŋne ɡbo o ta mee dɔe yaa, ɛrɛɛ o fe ɛɛ ba sɔɔh noe yɔ?
