Yela 112:3 - mzwDBL

³ Kondɔɔh ne suuɡa ɛɛ do naate demii, ásɛ o wobɛlbwa do wer, ó ɛ kondɔɔh saŋ bɛlbwa dɛɛ la.

Yela 112:3 Referans Kwoze

Sɛɡla 15:6

Nɛn o wa aa toɡraa dɛɛ dɔ kondɔɔh o dem, kɛ nɛnchɔɡa kwaa dɔe dɛ tɛɛ ba wa.

Sɛɡla 3:16

O dɛ tɛ mkpajaŋ, dɛ berɛ dɛɛ tɛ kondɔɔh ne jirima.

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Aesaya 33:6

Wɛɛ ɛo kɛŋɔ dea mumpar waa kpeɡa dɛ tɛ heyaa he saŋ, dɛ́ lɛ heya dɛ́ tɛ heya wejema ne waa mun noe kohona saŋ bɛlbwa. O ɔma taa hɛɛ ba cheɡa, dɛ́ dɔ ɡɛ waa nɔ bwa.

Yela 112:9

Waa nɔn nyore, o dɛ tɛ nyaara tɛɛ tenten, o wedɛɛɡa ɛɛ ta jaɡa dɔe, wɛɛ di kpeɡrii dɛ dɔ jirima.

2 Kɔrent 6:10

Ba dɛ ɛ yaa tebinichɔɡ wa, kɛ saŋ bɛlbwa dɛ ya lɔ silɛɛ ta. Ya ɛ nyaara, kɛ ya won nɛra chae kohona. Ya ta komɛlbwa dɔe, kɛ yan ɡee komɛlbwa.

Yela 111:10

Korowii ɔmaa dɛɛ ba ɡela he dɔ wejema. Nɛra baa dɛ teŋɛ o waa ta la, o ɡelɔ baa no waa mun kohona. Onee chɛ kpɛɛra saŋ bɛlbwa dɛɛ la.

Yela 111:3

Jirima ne nyanyini lɔ waa waa dɛ ɛ ta. O waa toɡrɔ saŋ bɛlbwa dɛɛ la.

Aesaya 51:8

Ba bwa ɛɛ heo kɛŋɔ, sɛɛle aa di laala kɛɛ dudule aa dɛ chɔɡ yabii ken. Kɛ toɡra n wa aa toɡra ɛɛ do le saŋ bɛlbwaa, ásɛ lɛɛ maa lɛ nɛra la chɔ ka le naanar baa ka ba bwa.”

Aesaya 32:17

Deŋnesɔɔhnaa dɛɛ ba waa aa toɡra la ta lee, dɛ́ ɡel bɔr sɔɔh, ásɛ ɔmee aa lee do kpa bwa.

Job Tɔn 5:24

Hɛɛ nao kɛŋɔ he dem sɔɔhnɔ kɛrɛdɛ, he kure he kondɔɔh, dɛ́ na kɛŋɔ bɛlbwa ta nyoɡrɛ.

Yela 34:10

Lɔr ɛɛ won kpo nyujentena a ɡwɛɡre, kɛ banɔ la baa dɛ no Korowii be la, kondɛɛɡa aa ban paŋɛ.

Yela 34:11

N bii, hé ba dɛ́ ba cheɡ deŋne no n be, mɛɛ baɡle heyaa ɡɛ haa kpɔ duure tɛ Korowii.

Sɛɡla 21:20

Nɛn waa jemɛ waa la dɛ́ dɔ kondɔɔh ne kondɛɛɡa, kɛ ɡɛnee dɛɛ chɔɡ o kwa.