Yela 11:1 - mzwDBL

¹ Korowiirii n chwa kaa marɛ, bɔkwa waa hɛɛ ba wona ŋɔ n be ŋɔ, “Ir kɛŋɔ jumbie, dɛ́ kaa bwejen la ta,

Yela 11:1 Referans Kwoze

Yela 56:11

He nɛɛ n kpɔ n te dawɛ, maa wola ɔmɛ, bɔkwaa nɛwɛnyini waa won sewa ɛɛ ba wona ɛɛ mɛ nɔ?

Yela 25:2

Korowii maa dɛ tomɛ, he nɛɛ n kpɔ n te dawɛ. Bɛ ɡel sihiih kpo mɛ, kɛɛ dɛ́ ɡel n dɔma pɔ n nɛ.

1 Samoɛl 23:14

Devid kaa sɔh Sif pua hɛŋle ɡbo harɛ ne o deŋɡarere ta. Tɔpere bɛlbwaa Kooro Sɔɔl ɛɛ ɡaaɡe o bɔr, kɛ Korowii ta ɡelɛ o dɔ Devid lawɛ.

Amanesoma Luk Aa Chwera Tɔn 13:31

Yeesu taa cheɡɛ buɡ la ta la, Farisii tena bane ba o be dɛ ba ŋɔ o be ŋɔ, “A chɛ kɛ he le bonɔ dɛ kaa bobɛl, dɛkalkɛŋɔ Kooro Hɛrɔd dɛ nyini dɛ́ kpoe.”

Sɛɡla 6:5

Ɛ warane kɛŋɔ welo aa na kpaah, dɛ laa o te kpɔ, kɛɛ jumbie aa na nɛn waa dɛ harɔ bel la.

Yela 16:1

N Naa Korowii, kpɔ nɔn tɔ n nɛ, he nɛɛ n sie dawɛ kɛ mɛɛ dɔ n nyuu.

2 Webena 16:8

Itiopia tena ne Lebya laa tena fa ta warɛ taeh dɛ dɔ kwaa aa do kɛŋɔ torɔɡore, ne nɛra baa dɛ so jaɡre ta naa? Kɛ haa kpɔ he te dawɛ Korowii nɛɛ la, o ɡelɔ he pɔ ba nɛ aa?”

Yela 31:14

Kɛ n Naa Korowii, henee mɛɛ yarada, henee Korowii maa dɛ tomɛ.

Yela 9:10

N Naa Korowii, nɛra baa jemɛ kɛrɛdɛ bwa ɛɛ yaradae, haa banɔ la baa dɛ nyin he bɔr la vɛh.

Yela 7:1

N Naa Korowii, n chwao baa marɛ. Lɛɛ mɛ dɛ́ kpɔ nɔn tɔ n nɛ, dɛ́ le nɛra baa cheɡɛ n nɛɛ nɔn ta,

2 Webena 14:11

Asɛ Kooro Asa yerɛ Korowii waa dɛ tomɔ dɛ ŋɔ, “N Naa Korowii, nomɛlbwa toole dɛ́ won cha nɛra baa wola kpeɡri bɛlbwa dɔe, bá won ka yo nɛra baa kpeɡa kɛ hen. N Naa Korowii yaa dɛ tomɛ, cha yaa, he nɛɛ ya kpɔ ya te dawɛ. He sɔn taa ya ba, dɛɛ ba ba yo laa tena baa wara nɔ la. Bɛ ɡel nɛwɛnyini pɔ he nɛ.”

1 Samoɛl 20:38

Anee o kɔr bie la ŋɔ, “Ɛ warane kaa. Bɛ che!” Bie la kaa kpɔ hɛm la dɛ berɛ ba o nomoa be.

1 Samoɛl 27:1

Devid baa lii o nyu bini ŋɔ, “Tɔpebɛl Kooro Sɔɔl ɛɛ ba kpo mɛɛ. Chwae chɛ kɛ ń chwa kaa Filisti tena harɛ ta ka so. Anee dɛ́ ɡel ó ɡel n bɔr ɡaaɡa Israel harɛ ta bobɛlbwa, dɛ bɛ men dɔ lawɛ.”

1 Samoɛl 22:3

Devid le bela dɛ la Mispa waa lɔ Moab harɛ ta, dɛ ka ŋɔ bela kooro be ŋɔ, “Hɛɛ sɛoh dɛ́ ɡel n mɛɛ ne n nya ba so he be bonɔ ka tel saŋ maa na waa Korowii aa ɛ tɛ mɛ naa?”

1 Samoɛl 19:11

Kooro Sɔɔl tomɛ bonɔɔna ŋɔ bá la Devid dem jwaana ka kpaahno, ásɛ bɔr ne chaahna la dɛ ba kpoo. Kɛ Devid haah Mikal kaoh ŋɔ, “Dɛ he ta bɔr nyine dɛ chwa jwaana nɔ ne naa, tɔɔ ne pera dɛ ba kpoe.”

Nehemia 6:11

Anee n chaŋe ŋɔ, “N do ken dɛ́ chwa aa? Nɛn waa do kɛ men koh n nyu lɛɛ waa dɛ́ chwa ka sɔh Korowii Dea aa? Akai, maa la!”

Yela 7:2

ásɛ ba bɛ n bini peeɡe kɛŋɔ nyujente, dɛ́ toɡri n bini nomɛlbwa aa wola won lɛɛ mɛ.

Jeremia 48:14

Moab tena, ɛrɛɛ hɛɛ ba wona ŋɔ, ‘Ya ɛ banyoola, baala yaa kpeɡa dɛ won laa yoi kohona ɔ?’