Yela 109:26 - mzwDBL

²⁶ N Naa Korowii maa dɛ tomɛ, cha mɛ, koh he nyina aa wola jaɡa dɔe bwa la waa dɛ́ lɛɛ mɛ.

Yela 109:26 Referans Kwoze

Yela 119:86

He Mmarare la wer, kɛ nɛn kpɔ o te dawɛ a ta kohona. Lɛɛ mɛ le nɛra baa hah mɛ pɛɛpɛɛ nɔn ta.

Hibru 5:7

Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.

Yela 69:13

Kɛ N Naa Korowii, henee n wi dɛɛ no, le saŋ haa dɛ nyin cheɡ dɛ́ chaŋ mɛ. Chaŋ mɛ he nyina waa kana la wa, he nyoa haa baɡ mɛ nomanta, hɛɛ lɛɛ mɛɛ.

Yela 57:1

N Naa Korowii, na n sum, dɛkalkɛ henee n chwa baa marɛ dɛ dɔ bosɔɔhna. He lɔɡaa n chwa baa sɔh, kɛŋɔ jal yon lawɛ o bii do o kena lɔɡre, ka tel saŋ harɛ chɔɡa aa baa kaa.

Yela 69:16

N Naa Korowii, che he nyina aa wola jaɡa dɔe ta, dɛ́ chaŋ mɛ. Berɛ sie n be, dɛ́ sune n nɛɛ kohona.

Yela 40:12

N dɔma baa wola nyoa dɔe bar mɛ cheme, n wechɔɡa ɡwaa n nɛ, maa jemɛ bela maa kpɔ. A warɔ ɡwaa n nyumpona kwara, a ɡel n hwɛɡa bwa ta.