Yela 103:4 - mzwDBL

⁴ O lɛɛ mɛ dɛɛ le seo nyoa, dɛɛ swee mɛ andɛɛɡa o nyina ne tedoma waa dɔa tɛ mɛ ne.

Yela 103:4 Referans Kwoze

Yela 71:23

Mɛɛ do lɔŋɔre silɛɛ nee, mɛɛ ɡo yelaa kpɛɛre, he lɛɛ haa lɛɛ mɛ la wa.

Yela 56:13

He lɛɛ mɛ le seo ta, he ta ɡelɛ n dɔma pɔ n nɛ. Anomanta, mɛɛ wono dɛɛ valɛ he sie, he nii waa dɛ chaah dɛɛ tɛ nɛra mkpa la bini.

Yela 103:12

Gɛ wee leebɔr ne wee cholibɔr baah aa jaŋa la, ɡɛɛ ya ne wechɔɡa waa laa kpɔ ya nɛɛ la baah do jaŋne.

1 Pita 5:4

He dɛ ɛ ɡɛ naa, Peteɡra Bwa Dɔɔ la balaa, wɛɛ tɛ heyaa jirima kon o wer aa wola tu bwa, o ɛ kompoŋ haa yoa dɛ le ba vɔwɛ heya.

Yela 8:5

Tamaa kenii he ɡel nyundua toroma ɡwaa nɛwɛnyini, he ɡelɔ nɛn dɔ jirima asɛ komɛlbwa ɛɛ tɛo duure.

Yela 5:12

Kpela, Korowii he ɡelɔ nɛra ba wa aa toɡra na som. He nyina haa dɛ nyin ba la tɔ ba ɡbemɡbe, dɛ bar ba cheme.

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

Yela 34:22

Korowii ɛɛ lɛ o nɛraa, wɛɛ lɛ banɔ la baa chwaa kaa marɔ laanee.

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,

Yela 21:3

He swee andɛɛɡa tɛo kohona, dɛ kpɔ suuɡaswɛm kooɡbɛrɛ tenten piu.

Mumpar 48:16

Korowii torome waa lee mɛ le n wenaale bwa ta la swee bii nɔ andɛɛɡa. Korowii ɡel n sɔn ne n mɛɛ Abraham ne Aesek sɔn teŋɛ ba nɛ. Korowii ɡel ba dɔ bii ne naanar kohona.”

Yela 65:11

He wer haa doa nomanta, he ɡelɔ kondikwaa ba kohona, dɛ bu harɛ ta bobɛlbwa.

Aesaya 38:17

N weweele ɛɛ ber mɛ deŋnesɔɔhnaa. He cheɡɛ he nyina ta, dɛ lɛɛ mɛ le wekpeɡa a fe aa dɛ ba n nɛɛ bala ta, dɛ kpɔ n wechɔɡa bwa kɛ mɛ.

Aesaya 54:8

Bandia kohonaa ɡela n laa sie kpɔ he nɛɛ tama, kɛ n nyina aa wola jaɡa dɔe nomanta, mɛɛ dɔ tedomaa tɛɛ. Men Korowii maa ɛ he Lɛɛ bola.