Yela 102:21 - mzwDBL

²¹ Anomanta, baa kpɛɛ Korowii sɔn bwɛjen Saayɔnee, dɛ́ kpɔ duure tɛo Jerusalam,

Yela 102:21 Referans Kwoze

Yela 22:22

Mɛɛ bol he waa haa ɛa n nɛra bee, mɛɛ kpɛɛree ba chema binii.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

Ɛfesos 3:21

Hé ɡel o dɔ jirima Yeesu Kristo ne asɔre tena waa bini saŋ bɛlbwa! Aamen.

Aesaya 51:11

Nɛra haa lɛɛ ba la ɛɛ berɔɔ ba jo Jerusalam, dɛ́ ɡo yela dɛɛ hɛɡre silɛɛ ne. Ba sie ɛɛ lɛo saŋ bɛlbwa, ásɛ sum ne hima le kwaraa.

Yela 79:13

Ásɛ he nɛra yaa do kɛŋɔ peera he sie nɔ, ɛɛ kpɛɛre saŋ bɛlbwa dɛɛ la, dɛ́ le fini kaa ya naanar baa ka ba bwa nɛ.

Kaala 3:16

La ka cheme Israel nomonome dɛ́ ŋɔ ba be ŋɔ, ‘Korowii he naawa Abraham ne Aesek ne Jekɔb aa tomɔ la ba n be dɛ ba ŋɔ, o nyiŋo, dɛ na ɡɛ baa dɛ ɛ heyaa hɔhɔrɔwa Ijipt harɛ.

Kaala 3:17

Anomanta, o ŋɔ, wɛɛ lawɛ heyaa le Ijipt harɛ bela baa dɛ ɛ heyaa hɔhɔrɔwa kohona la, dɛ́ kaa he ne harɛpare ondɛɛɡe ta. Bela Keenan ne Hiti ne Amɔre ne Pɛrɛs ne Hivi dɛ Jebus tena aa soɡa la.’

Yela 79:11

No nɛra baa laɡ ba do dea la hima baa dɛ hime. Che he kpeɡri ta, dɛ́ lɛ nɛra baa dɛ ba ba kpoora.