Yela 102:16 - mzwDBL

¹⁶ Wɛɛ berɔ ba kwaa ma bwɛjen Saayɔn ja, ásɛ dɛ forɛ le o jirima ne.

Yela 102:16 Referans Kwoze

Jeremia 33:7

N dɛ ba ɡela Juda ne Israel tena wobɛlbwa do wer tɛɛ ba, dɛ́ berɛ ɡel bá do kpeɡri ɡɛ ba fa aa doa wubwa la.

Yela 147:2

Korowii berɔ kwaa ma Jerusalam, dɛ lawɛ Israel tena baa laɡ ba kaa harɛfala ta la ba.

Maeka 2:9

He dɛ doŋi n nɛra haahna dɛɛ le ba deremi aa wera ta. He laa wedɛɛɡa maa sweera tɛ ba bii saŋ bɛlbwa la dɛɛ kpɔ.

Jeremia 31:4

Israel tena, mɛɛ berɔ lawɛ heyaa ir, ásɛ he berɛ kwaa che kɛrɛdɛ. Hɛɛ berɔ kpɔ he janjelaree le, he ne nɛra ba sie aa lɛa kaa sa.

Aesaya 66:18

Maa jemɛ ba liire ne ba we-ɛɛla nomanta, n dɛ ba ń yerɛ harɛre nɛra, ne wobol bɛlbwa tena bwa cheme, ásɛ ba na n jirima.

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Aesaya 60:7

Baa kpɔ Keda peera bwaa ba tɛ heya, Nɛbayɔt pebala ɡe ɛɛ he kwaa, ásɛ he kpoora saraha kon ta tɛ men Korowii, dɛ́ kpɔ jirima ba n Dea.

Aesaya 14:26

Waa nɔɔ n vɔrɔwe bil dɛɛ ba ɛɛ harɛ ta bobɛlbwa. N ir nɔn dɛ́ tɛr harɛre nɛra deŋne.”

Yela 97:6

Kwaa aa lɔ nyundua dɛ baɡle kɛ o waa toɡrɔ, asɛ harɛ nɔ ta nɛra bwa ɛɛ na o jirima.

Yela 69:35

Korowii ɛɛ lɛ Jerusalam tenaa, dɛ́ berɛ kwaa ma Juda harɛ bwɛjena, ásɛ o nɛra berɛ ka kpɔ harɛ la, dɛ́ so o ta.

Yela 51:18

N Naa Korowii, sune Saayɔn tena nɛ, dɛ́ cha ba, kwaa ma Jerusalam danjwɛɛ waa kuuɡa la.

Aesaya 59:19

Le wee leebɔr ba kaa wee cholibɔr, nɛra ɛɛ ɔmɔɔ dɛ́ kpɔ jirima tɛo. Dɛkalkɛŋɔ wɛɛ bao kɛŋɔ nepale ne peu a nyoa aa kpeɡa.

Aesaya 60:3

Harɛre nɛra ne koranar bwa ɛɛ ba he bochaah la taa.

Malakae 1:14

Nomɛlbwa waa dɔ pedɛɛɡe do o peera bini, dɛ baɡ mɛ nyoa ŋɔ wɛɛ kpɔɔ ba tɛ mɛ, dɛ berɛ kpɔ onɔ la waa di kirihiah ba ɛ saraha tɛ mɛ la, o neɡ mɛ. Nyotaahna lɔ o nɛ. N ɛ koojen, a chɛ kɛ harɛre nɛra bwa ɛɛ ɔm mɛ.”