Yela 100:4 - mzwDBL

⁴ Hé kpɔ silɛɛ ɡo yela jaamo, dɛ́ jo o Dea bini kpɛɛro. Hé jaamo dɛ́ kpɛɛ o sɔn la.

Yela 100:4 Referans Kwoze

Hibru 13:15

Anomanta, a chɛ kɛ ya che Yeesu nɛɛ dɛ ɛ ya saraha dɛɛ tɛ Korowii saŋ bɛlbwa. Saraha yaa dɛ ba ɛɛ laanee kɛŋɔ yáa dɛɛ kpɛɛroo dɛɛ yerɛ o sɔn.

1 Webena 29:13

N Naa Korowii yaa dɛ tomɛ, ya dɛ jaame, dɛɛ kpɛɛ he sɔnjen la.

Yela 66:13

Mɛɛ kpɔ saraha kwaa baa fuah ba tɛɛ he Dea, dɛ́ chuɡri n nyobaɡa maa baɡɛ la.

Aesaya 35:10

Baa valɔɔ ɡo silɛɛ yela ka jo Jerusalam, hɛɡra aa wola nyoa dɔe ne. Ba sie ɛɛ lɛo ba bwara sɔɔh ba, suna dii ne tebinichɔɡ le ba bini kwaraa.

Yela 96:2

Hé ɡo yela kpɛɛ Korowii sɔn! Hé bol o lɛɛ waa dɛ lɛ nɛra tɔpere bɛlbwa wa.

1 Webena 29:20

Belaa Kooro Devid ŋɔ nɛra la bwa be ŋɔ, “Hé kpɛɛ Korowii haa dɛ tomɔ.” Anomanta, ba kpɛɛ Korowii ba naawa aa tomɔ, dɛ chole kpɔ sie pi harɛ Korowii ne kooro sie.

Yela 65:1

N Naa Korowii, henee chɛ kɛ yá kpɔ duure tɛɛ bwɛjen Saayɔn, dɛ́ chuɡri ya nyobaɡa yaa baɡɛ la,

Yela 95:2

Hé ɡel ya ba o sie ba jaamo, dɛ́ ɡo silɛɛ yela kpɛɛro.

Yela 96:8

Hé kpɛɛ Korowii, dɛ́ kpɔ jirima aa chɛ o sɔn la tɛo. Hé kpɔ saraha kwaa ba tɛo o Dea.

Yela 99:3

Nomɛlbwa ɛɛ kpɛɛ o sɔn waa kana dɛ dɔ jirima laanee, onee do ɡoroŋ kohona.

Yela 122:2

Taraken Jerusalam, he doonyoonee ya che nɔ.

Yela 122:4

Belaa Israel deene bwa ɛɛ cheme dɛɛ kpɛɛ Korowii, ɡɛ waa do ba la.