Yela 10:12 - mzwDBL

¹² N Naa Korowii, tɛr nyubinikpeɡ tena nɔ deŋne, dɛ bɛ nɛŋɡwɛɡra waa soh.

Yela 10:12 Referans Kwoze

Maeka 5:9

Gɛɛ he Israel tena ɛɛ ba yoi, dɛ́ pɔ he dɔma nɛ, ásɛ dɛ chɔɡ ba kwaraa.

Yela 9:12

Hen Korowii dɛ lii nɛra ba bwara aa dɛ nyɛɡ ba wa, haa wii baa dɛ wi waa soh. He dɛ tɛr nɛra baa dɛ ɛ ɡɛ nɛra wechɔɡa la deŋne.

Aesaya 33:10

Korowii ŋɔ harɛre nɛra be ŋɔ, “Mɛɛ iruu name. Mɛɛ baɡle n kpeɡri aa ɡwaa komɛlbwaa.

Aesaya 26:11

N Naa Korowii, he dɔma aa jemɛ kɛŋɔ he dɛ ba ba deŋne tɛra. Gel ba na ɡɛ haa dɛ nyin he nɛra, ásɛ sihiih kpo ba. Kpɔ deŋnetɛra haa maɡla bil ba la chɔɡ ba.

Yela 94:2

Henee bol nɛra bwa waa dɛɛ pa bole, ir dɛ́ bɔ mbarafo tena kem ɡɛ aa chɛa.

Yela 17:7

Baɡle he nyokpoa nyina waa do kan la, ásɛ n chwa le n dɔma be ba marɛ.

Yela 77:9

Korowii soɔh kɛŋɔ ó sune ya nɛ aa? Bandia baa chiɡ tedoma waa dɔa tɛ nɛra la naa ta kɛɛ?”

Yela 13:1

N Naa Korowii, saŋ besoo hɛɛ ba n waa soeh ka tel ɔ? Hɛɛ soh n waa kwaraa kɛɛ? Hɛɛ laa sie kpɔ n nɛɛ biɡri kɛɛ?

Yela 9:19

N Naa Korowii, ir nyu ne. Bɛ ɡel nɛwɛnyini nyiŋi he nyubaah. Ba voɡtoroma ne he sie, dɛ́ pa ba bolchɔɡe.

Yela 7:6

N Naa Korowii, ɡel he baah di. Kpɔ ba che n dɔma ba baah aa di n nɛɛ kohona la nɛ. Ir nyu ne tɛ mɛ, dɛ́ pa bole.

Yela 3:7

N Naa Korowii maa dɛ tomɛ, ir nyu ne dɛ́ lɛɛ mɛ! N Naa Korowii, sɔɔh n dɔma nyoa.

Sitɔɔla 16:28

Belaa Samsen soŋe Korowii ŋɔ, “Nemenɛ Korowii, n dɛ soŋe, dɛɛ lii n wa. N Naa Korowii, n poori, ɡel n bokpeɡa berɛ ba kerabeŋkpoŋ ja, ásɛ n ɛ we-ɛɛle beŋkpoŋ dɛ́ kpɔ tɔ n wel Filisti tena baa foromi n sibie nɔ nɛ.”

Yela 9:13

N Naa Korowii, na ɡɛ n dɔma aa cheɡɛ n nɛ, dɛ ɡel n bwara ɛɛ nyɛɡ! Sune n nɛ, dɛ́ lɛɛ mɛ le seo ta,

Yela 17:13

N Naa Korowii, ir nyu ne, puu ba, dɛ́ ba ba ne harɛ, kpɔ he tokobi, dɛ́ lɛɛ mɛ le nyubinikpeɡ tena nɔn ta.

Yela 74:19

Bɛ he nɛra baa ɛ nɛŋɡwɛɡra, ɡel tɛ ba dɔma ba nyu bini aa kpeɡa kohona nɔ. Bɛ he nɛra baa dɛ ɛɛ ba hɔhɔrɔwa la waa soh.