Wiile 5:6 - mzwDBL

⁶ Ya koh kondikwaa yaa dɔ di wa, dɛ kpɔ ya te ka do Ijipt ne Asiiria tena lɔɡa.

Wiile 5:6 Referans Kwoze

Hosia 12:1

Israel tena wobɛlbwa ɛ wepɛɛ dɛɛ chɔɡ wa tɔpere te bɛlbwa. Ba chwao dɛɛ ti nyosone, asɛ naɡrenyin we-ɛɛla ɡe su ba bwa. Ba ne Asiiria tena fɔwɛ fɔo, ba ne Ijipt tena ɛɛ di bona.

Hosia 9:3

Korowii aa ɡel Israel tena so o harɛ la ta, baa berɔɔ ka so Ijipt harɛ ta, dɛ́ ka di kwaa baa kia Asiiria harɛ ta.

Hosia 7:11

Israel tena ta liire dɔe, ba do kɛŋɔ kweah waa ira, dɛ la dɛɛ ba waa wola sobɔr dɔe. Ba tɔ sie yerɛ Ijipt tena ŋɔ bá cha ba, dɛ berɛ chwa la Asiiria tena be.

Hosia 5:13

Israel tena na ba weela, asɛ Juda tena ɡe na ba ŋwɛra, asɛ Israel la Asiiria koojen be ŋɔ ó ba cha ba. Kɛ o ta wone chah ba weela, o ta wone chah ba ŋwɛra ɡe.

Jeremia 2:36

Ɛrɛɛ hɛɛ ɡaaɡe kohona dɛɛ charɛ he we-ɛɛla ɡɛ nɔɔ? Ijipt tena ɛɛ neɡre heyaa kɛŋɔ Asiiria tena ɡe fa aa neɡre heyaa la.

Jeremia 2:18

Tɔnɔ besoo Ijipt harɛ ta laŋa dɛ́ ka nyɔ Nael Moo nee ɛɛ ba lee tɛ heya ɔ? Bɔkwaa dɔ Asiiria harɛ ɡe ta laŋa dɛ́ ka nyɔ Yufretis Moo neɔ?

Mumpar 24:2

Asɛ o ŋɔ o bonɔɔna bwa nomoa waa dɛ nyiŋi o komɛlbwa ta dem bela la be ŋɔ, “Gɔɔ nɔɔra nyundua,

Ɛsekeɛl 17:18

Kooro la ŋwɛɛra waa ŋwɛɛra ne fɔo o ne Babelɔn kooro aa fɔwa la, o ta a ta teŋɛ. Anɔ waa ɛa nɔ bwa ɡelɔ waa won le a nyoa.”

Jeremia 50:15

Hé pa mun ka yo bwɛjen Babelɔn tena dɛɛ do laa lɔŋɔre, Babelɔn tena sɛoh dɛ ba ba te ne harɛ, ba dekpeɡa ne danjwɛɛre bwa kuuɡo. A ɛ kembɔr men Korowii aa kpɔa dɛɛ tɛr ba deŋne, bɛlbwa ɡe tɛr ba deŋne bɔ kem. Hé ɛɛ ba ɡɛ tenten baa ɛ ba bala la.

Aesaya 57:9

He dɛ fɔɡle ɔleve noo ne nosɔɔhsoma kohona dɛ kaa tomɛ he voɡ Molɛk. He tomɛ nɛra bojaŋ, hale lalabwɛ dɛɛ nyin voɡfala.

2 Koranar 10:15

Kooro Jehu aa le bela ɡe dɛɛ kaa la, o cheme Rekab bibaa Jɛhɔnadab. Asɛ Kooro Jehu jaamo dɛ pɛɛro ŋɔ, “N ne he liire bwa beŋkpoŋ, hɛɛ ja n nɛɛ kɛɛ?” Jɛhɔnadab chaŋe ŋɔ, “N sɛh ɡɛ.” Kooro Jehu ŋɔ, “Dɛ ɡɛɛ tenaa ɡwaa mɛ.” Asɛ ba ɡwa dɔŋa, Jehu chao dɛ lawɔ o teeh torɔɡo waa soɡe o bini la.

Wiile 4:17

Ya ta sie nyiŋi ŋɔ ya ken ɛɛ dɔ chae, dɛ ba kahonɛ. Ya cheɡɛ ya dejaŋa ta nyiŋi kɛŋɔ, yaa dɔ harɛ bɛl nɛraa bá ba lɛ yaa le ya dɔma nɔn ta kahonɛ.