Wiile 4:3 - mzwDBL

³ Kalampoŋa ɡba jemɛ ɡɛ waa ɔr o bie dɛ́ nyiŋi o nɛɛ ó kpeɡ. Kɛ n nɛra Jerusalam tena nyu bini kpeɡri ba bii nɛɛ, kɛŋɔ taataa ken.

Wiile 4:3 Referans Kwoze

Ɛsekeɛl 5:10

A ɡɛ nomanta, mɛɛnanar ne nyare ɛɛ chwe ba bii olaa, ásɛ bii ɡe chwe ba mɛɛnanar ne nyare ola. Mɛɛ tɛr he deŋnee, ásɛ dɛ lɔ banɔ la baa ba ka la peɡre bobɛlbwa.”

Wiile 4:10

Wenaale aa chiɡ n nɛra nɛɛ nɔ, a ba wedoŋa kohona ne taeh, hale haahna baa dɔ tedoma tɛ ba bii daa ba ola chwe.

Wiile 2:20

N Naa Korowii, nyiŋi na. Umee he ɛ ken bwa nɔ? A chɛ kɛ haahna chwe ba bii baa dɛ nyin ba ola aa? A chɛ kɛ bá kpoo sɔfore ne Korowii keamere he Dea la bini naa?

Jeremia 19:9

Ba dɔma ɛɛ ba bar bwɛjen laanee dɛɛ nyin dɛ́ kpo o bini nɛra. Kwaa baa ma dɛ́ che a ta jo ba be ɛɛ do ɔmaa kohona, a ɡel lɔr chole o nɛra nɛ, ásɛ ba kpoo dɔŋa dɛɛ chwe, hale ba bibaala ne bihaahna bwa.’ ”

Lewi Dea Tena 26:29

Lɔr la nomanta, hɛɛ chwe he bibaala ne he bihaahna olaa.

Tɔn Pɔɔl Aa Chwerɛ Rom Tena 1:31

Ba nya nfɛrɛ, ba waa ta kasinteŋ dɔe, ba chal toole dɔŋa nɛ, ba tea aa nɛn nɛɛ domɛ.

Aesaya 49:15

Korowii ŋɔ, “Haah ɛɛ won soh o bilole waa ɔro wa aa? Dɛ nya ɛɛ soh o bie waa yaa, n te aa he waa soeh ba bwa.

Aesaya 13:22

Kalampoŋare ɛɛ dɛɛ si dekpeɡa binii, ásɛ ɡboli si koranar dedɛɛɡa bini. Babelɔn chɔɡa saŋ telo, waa jaŋɛ kpa.”

Aesaya 34:13

ásɛ sɔɔhne le kooderemi, apeah ɡe le bwɛjena baa ma danjwɛkpeɡa bara, ne ba dekpeɡa ta. Wɛɛ berɛ kalampoŋare ne kwiure sobɔree.

1 Koranar 3:21

Tɔɔ aa pera chɔɔ n kpɔɔ ŋɔ o ɔr dɛ o sewɔ. Maa kpɔɔ le bochaah ta dɛ peseo la, dɛ n bie la laa.”