Wiile 4:18 - mzwDBL

¹⁸ Ya dɔma dɛ nyiŋi ya vala bwa bini, a ɡel yaa won fɔɡbaahna kwaaraa valɛ. Ya tɔpere telo tonɛ, a ka tamaa ken ya serewe.

Wiile 4:18 Referans Kwoze

Emɔs 8:2

Asɛ o bɔɔ mɛ ŋɔ, “Bɔkwaa hɛɛ na nɔ?” N chaŋe ŋɔ, “N na wɛɡrɛ daa nɔna aa bea do o bini.” Ate, Korowii ŋɔ n be ŋɔ, “N nɛra Israel tena tɔpere telo kɛ n tɛr ba deŋne, maa ba bwaraa kpɔ kɛ ba kpa.

Wiile 3:52

N dɔma hah mɛ pɛɛpɛɛ dɛɛ kpaah mɛ kɛŋɔ jumbie ken.

Jeremia 16:16

Korowii ŋɔ wɛɛ ɡeloo dɔma baa wara ba lawɛ nɛra nɔ, kɛŋɔ nɛra baa dɛ ɛ nee toma yon dɛɛ lawɛ pɛŋa la ken. Dɛ́ ɡel dɔma ɡaaɡe ba bɔr bwea ne deŋɡarere dɛ bwebɔɔne bwa ta, kɛŋɔ kpaahna yon dɛɛ nyin ola dɛ́ kpo la ken.

Ɛsekeɛl 12:27

“Nɛwɛnyini bie, Israel tena ta dɛ bol kɛŋɔ wepila haa naa ne waa haa bola ŋɔ aa bao la, fini laa, kerekere waa.

Jeremia 51:33

Koranar Bwa Kooro, Israel tena aa dɛ tomɔ la ŋɔ, “Babelɔn harɛ nɛra do kɛŋɔ baa kuu mea dɛ kpɔ kaa a lɔ bɔr, asɛ nɛra ba tiɡra do harɛ, aa biɡri bá chɔɡ harɛ la.”

Jeremia 1:12

O ŋɔ, “He bol kasinteŋ, kɛ n dɛ nyiŋi kɛŋɔ n waa maa bola la bwa ɛ ɡɛ.”

Yela 140:11

Bɛ ɡel nɛra baa teŋe nyosone dɛɛ dawɛ nɛra nɛɛ waa maɡre tɛɛ ba. Gel waa pu naɡrenyine, dɛ́ chɔɡ ba.

Job Tɔn 10:16

N ɛ wedɛɛɡa n baŋa pa kwaraa naa, he dɛ bɛɛ mɛ kɛŋɔ nyujente, dɛɛ aah mɛ dɛ́ do mɛ bol he nyokpowe-ɛɛla ne.

1 Samoɛl 24:14

Umee Israel kooro ɛɛ nyin o bɔr dɛ́ kpo nɔɔ? Men maa do kɛ nyoate lale maa wola toole wobɛlbwa bini, kɛɛ koŋɡaahle nɔ naa?

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Jeremia 37:13

Kɛ maa tel Bɛnjamen Doonyoa ta la, nomoa waa chɔ nɛra baa dɛ daah bela nyoa baa yerɔ Irija, o mɛɛ Sɛlɛmia, o nabaa ɡe sɔne Hanania, laɡ mɛ dɛ ŋɔ n be ŋɔ, “He chwao dɛɛ kaa Babelɔn tena be.”