Wiile 4:10 - mzwDBL

¹⁰ Wenaale aa chiɡ n nɛra nɛɛ nɔ, a ba wedoŋa kohona ne taeh, hale haahna baa dɔ tedoma tɛ ba bii daa ba ola chwe.

Wiile 4:10 Referans Kwoze

Wiile 2:20

N Naa Korowii, nyiŋi na. Umee he ɛ ken bwa nɔ? A chɛ kɛ haahna chwe ba bii baa dɛ nyin ba ola aa? A chɛ kɛ bá kpoo sɔfore ne Korowii keamere he Dea la bini naa?

Aesaya 49:15

Korowii ŋɔ, “Haah ɛɛ won soh o bilole waa ɔro wa aa? Dɛ nya ɛɛ soh o bie waa yaa, n te aa he waa soeh ba bwa.

Jeremia 19:9

Ba dɔma ɛɛ ba bar bwɛjen laanee dɛɛ nyin dɛ́ kpo o bini nɛra. Kwaa baa ma dɛ́ che a ta jo ba be ɛɛ do ɔmaa kohona, a ɡel lɔr chole o nɛra nɛ, ásɛ ba kpoo dɔŋa dɛɛ chwe, hale ba bibaala ne bihaahna bwa.’ ”

Ɛsekeɛl 5:10

A ɡɛ nomanta, mɛɛnanar ne nyare ɛɛ chwe ba bii olaa, ásɛ bii ɡe chwe ba mɛɛnanar ne nyare ola. Mɛɛ tɛr he deŋnee, ásɛ dɛ lɔ banɔ la baa ba ka la peɡre bobɛlbwa.”

Wiile 4:3

Kalampoŋa ɡba jemɛ ɡɛ waa ɔr o bie dɛ́ nyiŋi o nɛɛ ó kpeɡ. Kɛ n nɛra Jerusalam tena nyu bini kpeɡri ba bii nɛɛ, kɛŋɔ taataa ken.

Wiile 3:48

Siniire dɛ yɔɔ mɛ kɛŋɔ nenapale, kpoora baa kpoo n nɛra la wa.

Lewi Dea Tena 26:29

Lɔr la nomanta, hɛɛ chwe he bibaala ne he bihaahna olaa.

2 Koranar 25:3

A ɡɛ benanyoa la korobinaarɛ tɔpenuanaarɛ ta, dɛ lɔr o nyoa aa do kpeɡri kohona chole bwɛjen Jerusalam, kondikwaa toole nɛra di.

Wiile 2:11

N wio kohona n sie bwa ɛɛ wee mɛ, n loo ɡe ku. N di suna dɛ ba koh, n nɛra chɔɡa baa chɔɡa wa, dɛkalkɛ bechale ne bechasɔɔhne bwa ɡwɛɡrɔ chɔ bwɛjen la fɔɡbaahna.

Aesaya 22:2

Akwe! Lɔŋɔre ɡbo bwɛ, bwɛjen ɡbɔɡa ne silɛɛ aa sui. Kere laa ba kpɔ kpoo heya, laa ta ɡe laa he ka.