Wiile 2:11 - mzwDBL

¹¹ N wio kohona n sie bwa ɛɛ wee mɛ, n loo ɡe ku. N di suna dɛ ba koh, n nɛra chɔɡa baa chɔɡa wa, dɛkalkɛ bechale ne bechasɔɔhne bwa ɡwɛɡrɔ chɔ bwɛjen la fɔɡbaahna.

Wiile 2:11 Referans Kwoze

Wiile 1:20

N Naa Korowii, na n suna maa dɛ di, n loo kuu, n bambile chɔɡ n wechɔɡa wa. Nɛŋkpoa lɔ fɔɡbaahna, hale nɛra ɛɛ serewe deremi ta.

Wiile 1:16

A waa siniire ɛɛ yɔɔ mɛ kohona la. Nomɛlbwa aa won larawe n bwara, bɛlbwa ɡe aa won do mɛ ɡbemba. N dɔma pɔ n nɛ, n bii ta sidawa bɛlbwa dɔe kpa.

Job Tɔn 16:13

O ta hɛma le bobɛlbwa dɛɛ yaɡ mɛ, hɛma la yaɡ mɛ dɛɛ vah. O ɡel n teabini kwaa bwa chɔ baŋ, hale o ta n nɛɛ sune tamaa bɛlbwa.

Jeremia 4:19

Anee Jeremia ŋɔ, “N weweele kan, a kan kohona to! N bwara bwaa dɛɛ wee mɛ mɛɛ beɡre n te. N loo kuu, n bambile ɛɛ lɔ kohona! Maa won tɔ nyoa, dɛkalkɛ n no bɛla sii, dɛ no laa lɔŋɔre.

Aesaya 22:4

A waa n ŋɔ, “Hé ɡel mɛ n wi n nɛra. He bɛ n bwara larawe n nɛra baa serewa nɔ wa.”

Yela 22:14

N bokpeɡa tonɔ kɛŋɔ, baa fuɡe nee ta harɛ ken, asɛ n hoɡa bwa soɡre, n bambile chɔɡ, n ta hwɛɡa bɛlbwa dɔe kpa.

Yela 6:7

Maa na kɛrɛdɛ kpa, wii dɔma aa ɡela mɛɛ wi nomanta.

Amanesoma Luk Aa Chwera Tɔn 23:29

dɛkalkɛŋɔ tɔpere bɛl dɛ ba bala ásɛ he ŋɔ, nɛra baa wola lolɛ bwa ne banɔ la baa wola bii ɔrɛ bwa la na som.

Jeremia 44:7

Anomanta, men Korowii Maa Ɛ Koranar Bwa Kooro, Israel tena aa dɛ tom mɛ la dɛ bɔɔ heyaa ɡɛ aa ɛa hɛɛ ɛ ɡɛ wechɔɡa nɔ aa ɡure he nɛɛ nɔ. He dɛ nyin he ba chɔɡ baala ne haahna, bechale ne bechasɔɔhne ásɛ nomɛlbwa aa ka kpa kɛɛ?

Jeremia 14:17

Korowii do mɛ ŋɔ, ń bol n suna maa dɛ di waa ba be ŋɔ, “Siniire dɛ yɔɔ mɛ chɔɔ ne jwaana bwa aa wola tonɛ, n nɛra maa dɛ nyin ba, kɛŋɔ bitolo waa wola baa bɛlbwa jemɛ, ba doo bol kohona la wa.

Jeremia 8:19

Hé no n nɛra wii baa dɛ wi bojaŋ harɛ ta dɛɛ ŋɔ, “Korowii toole Saayɔn kpa kɛɛ? Saayɔn Kooro ɡe toole bela kɛɛ?” Asɛ Korowii waa ɛ ba kooro la chaŋe ŋɔ, “Ɛrɛɛ he kpɔ kwaa he ɡbabir aa ɛa dɛɛ muɡli n baah, dɛɛ tomɛ voɡa aa wola tɔnɔ dɔe, dɛ le harɛfala ta nɔɔ?”

Yela 69:3

N wio noe ŋɔ hé ba cha mɛ, dɛ ba koh, n lobi bwa holɔ. N nyiŋi he siwi ta, he ba cha mɛ kahonɛ.

Yela 31:9

N Naa Korowii, na n sum, dɛkalkɛ n dɛ na wahala kohona, wii kohona ɡelɔ maa na kɛrɛdɛ, n bwadabii bwa ɡwɛɡre.

1 Samoɛl 30:4

Devid ne o laa tena la wio kohona ka tel kɛŋɔ baa koah baa wola won wi kpa.

Aesaya 38:14

N wio n taa do jeɡaa kɛŋɔ kweah aa dɛ si ken. N ha sie nyiŋi nyundua dɛ ba koh. N Naa Korowii, ba lɛɛ mɛ le n wenaale bwa maa dɛ na nɔ ta.

Job Tɔn 30:27

N bambile bini dɛ wure, waa ɡel bwa, tɔpere bɛlbwaa wenaale ɛɛ puu mɛ.

Yela 38:8

N ɡwɛɡrɔ, n bwara bini bwa sɔɔh, suna dii ɡel mɛɛ pɛmɛ.

Yela 119:82

N nyiŋi waa haa baɡ mɛ nyoa la ŋwɛnɛ dɛ ba koh, dɛɛ bɔɔ ŋɔ, “Saŋ besoo hɛɛ ba n bwara larawa ɔ?”

Wiile 5:17

Gɛ ɡelɔ ya bambili bwa chɔɡ, siniire nomanta, ya sibie swɛɛrɔ, yaa wone dɛɛ na kɛrɛdɛ kpa,

Aesaya 51:20

He bii ɡwɛɡrɔ chɔ fɔɡbaahna, ba do kɛŋɔ kweɡla aa lɔ bel ta ken. Korowii baah di ba nɛ, aa noo ba kohona.

Wiile 1:11

Jerusalam tena bwa himo dɛɛ nyin kondikwaa dɛ́ di. Ba kpɔ ba laala a yoɡ aa kpeɡa dɛɛ charɛ kondikwa, dɛ́ won so. Dɛ ŋɔ, “N Naa Korowii, nyiŋi dɛ́ na wenaale yaa lɔ a ta taraken.”