Wiile 1:20 - mzwDBL

²⁰ N Naa Korowii, na n suna maa dɛ di, n loo kuu, n bambile chɔɡ n wechɔɡa wa. Nɛŋkpoa lɔ fɔɡbaahna, hale nɛra ɛɛ serewe deremi ta.

Wiile 1:20 Referans Kwoze

Wiile 2:11

N wio kohona n sie bwa ɛɛ wee mɛ, n loo ɡe ku. N di suna dɛ ba koh, n nɛra chɔɡa baa chɔɡa wa, dɛkalkɛ bechale ne bechasɔɔhne bwa ɡwɛɡrɔ chɔ bwɛjen la fɔɡbaahna.

Ɛsekeɛl 7:15

He leɔ kɛrɛ aa, he lɔ laa ta, he berɔ so dem ɡe aa, he ne weechɔɡa ne lɔree. Laa taa banɔ la baa lɔ kpɔɡ bini ɛɛ ba serewa. Banɔ la ɡe baa lɔ bwɛjen la ta la, weechɔɡa ne lɔree dɛɛ ba ba kpoora.

Aesaya 16:11

N dɛ hime Moab wa, n tea bini chɔɡ kohona Kir Haresɛt wa.

Mmarare 32:25

Laa ɛɛ chole he nɛɛ he serewe fɔɡbaahna, ɔmee kohona chole he deremi. Toli ne bonɔɔna serewe, hale bechale ba taa dɛ ɔr ne banjeni kwara aa kae ba.

Jeremia 4:19

Anee Jeremia ŋɔ, “N weweele kan, a kan kohona to! N bwara bwaa dɛɛ wee mɛ mɛɛ beɡre n te. N loo kuu, n bambile ɛɛ lɔ kohona! Maa won tɔ nyoa, dɛkalkɛ n no bɛla sii, dɛ no laa lɔŋɔre.

Job Tɔn 30:27

N bambile bini dɛ wure, waa ɡel bwa, tɔpere bɛlbwaa wenaale ɛɛ puu mɛ.

Habakuk 3:16

N noɔ asɛ n bambile teŋe, n nyoa kpo a ɡɛ ɡbɔɡa la wa, n bwara yɔrɔ, n nakpale bwa ɛɛ sa. Kɛ n sɔɔh bwara dɛɛ kpa tɔpechɔɡe wee Korowii aa ba tɛr nɛra baa dɛ yo yaa deŋne.

Hosia 11:8

Israel tena, ɛrɛɛ mɛɛ ba wona ɡel heya ɔ? Ɛrɛɛ mɛɛ ba wona le heyaa tɛɔ? Mɛɛ won chɔɡ heyaa kɛŋɔ Adma tena aa? Ɛrɛɛ mɛɛ ba wona chɔɡ heyaa kɛŋɔ Seboiim tena ɔ? N liire aa men ɡɛ baɡle, nyina maa dɛ nyin heyaa la kan taeh.

Wiile 1:18

Korowii te waa toɡrɔ tɛ mɛ, kɛ menee vɛh waa waa do mɛ a ta. Hé no n be, he nɛra haa lɔ bobɛlbwa, dɛ́ na wenaale maa lɔ o ta. Ba lawɛ n bonɔɔna ne toli bwa laa ta kaa harɛfala ta.

Wiile 1:11

Jerusalam tena bwa himo dɛɛ nyin kondikwaa dɛ́ di. Ba kpɔ ba laala a yoɡ aa kpeɡa dɛɛ charɛ kondikwa, dɛ́ won so. Dɛ ŋɔ, “N Naa Korowii, nyiŋi dɛ́ na wenaale yaa lɔ a ta taraken.”

Wiile 1:9

Bɛlbwa na wechɔɡa waa ɛa dɛ kpɔ doŋa kah o te, o ta waa aa dɛ ba o nɛɛ chiɡa kerekere waa liire. O chola waa chola la ɔma kohona, nomɛlbwa toole dɛ́ larawe o bwara. O ŋɔ, “N Naa Korowii, sune n nɛ, dɛkalkɛ n dɔma pɔ n nɛ, dɛ kpɔ wenaale ba ta n nɛ.”

Jeremia 48:36

N wio dɛɛ tɛ Moab ne Kir Haresɛt tena, kɛŋɔ baa dɛ hoh kalipe dɛɛ ɡo lweyela ken. Ba kondɔɔh baa dɔa bwa le ba nɔn ta.

Jeremia 31:20

Anee Korowii ŋɔ, “Israel tena, he do kɛŋɔ bibaa maa dɛ nyinu kohona. Saŋ bɛlbwa maa yerɛ he sɔn la, he nyina waa dɛ do n bini kohona. N bambile dɛ lawɛ, n dɔ tedoma tɛ heya.

Jeremia 14:18

N leɔ kaa kpɔɡ bini naa, n dɛ na nɛra baa kpoo ba laa ta, n berɔ ba bwɛjen la bini ɡe aa, n dɛ na nɛra lɔr aa kpo ba ba serewe. Korowii keamere ne sɔfore bwa lɔ harɛ la ta, baa jemɛ waa Korowii aa ŋɔa bá ɛ.”

Jeremia 3:13

He ɡbabir lɛ he wechɔɡa do, he ɛ men Korowii haa dɛ tom mɛ la deŋnekpeɡ, he kpɔ he te tɛ voɡare dajena lɔɡre bwa, he ta n waa ta teŋɛ.’ Men Korowiirii bola.

Jeremia 2:35

he dɛ bol ŋɔ, he ta bolchɔɡe bɛlbwa dii, Korowii baah ta he nɛɛ dii, Kɛ men Korowii ɛɛ bol he waa dɛ́ pa bole, dɛkalkɛ he ŋɔ he ta wechɔɡa ɛɛ.

Aesaya 38:14

N wio n taa do jeɡaa kɛŋɔ kweah aa dɛ si ken. N ha sie nyiŋi nyundua dɛ ba koh. N Naa Korowii, ba lɛɛ mɛ le n wenaale bwa maa dɛ na nɔ ta.

Sɛɡla 28:13

Nɛn waa dɛ tɔ o wechɔɡa ta la aa wer do, kɛ nɛn waa wona bol o kwaa dɛ ɡel a ɛɛ la, Korowii dɛ́ na o sum.

Yela 22:14

N bokpeɡa tonɔ kɛŋɔ, baa fuɡe nee ta harɛ ken, asɛ n hoɡa bwa soɡre, n bambile chɔɡ, n ta hwɛɡa bɛlbwa dɔe kpa.

Job Tɔn 33:27

Asɛ bɛlbwa ba che nɛra baah ta dɛ ŋɔ, ‘N ɛ wechɔɡa, dɛ le waa aa toɡra ta, Korowii ta ɡelɛ n dɔ deŋnetɛra aa chɛ mɛ.

Yela 38:8

N ɡwɛɡrɔ, n bwara bini bwa sɔɔh, suna dii ɡel mɛɛ pɛmɛ.

Jeremia 14:20

Ya na ya wechɔɡa ne ya naawa bolchɔɡe baa dia, ya bwa ɛ wechɔɡa dɛ jo he nɛɛ kohona.

Wiile 1:8

Jerusalam do kɛ nɛn waa ɛ wechɔɡa kohona dɛ kah doŋa ken. Nomɛlbwa aa jirima kpɔe dɛɛ tɛo kpa, dɛkalkɛ ba na o sihiih waa dia, ne hima waa dɛ hime dɛ laa sie berɛ.

Daneɛl 9:5

Ya ɛ wechɔɡa dɛ koni, dɛ ɛ nyubinikpeɡ, dɛ le he habɔɔ. Ya bɛɡɔ le waa haa do yaa a ta ne he Mmarare ta.

Wiile 5:16

Komɛlbwa toole ya won dɛɛ tamane o waa kpa. Ya ɛ wechɔɡa nomanta, wenaale kohona ba ya nɛ.