Wiile 1:13 - mzwDBL

¹³ Korowii ɡelɔ nii le nyundua dɛ ba jo n bini fuh n hoɡa. O har mɛ bel dɛ ɡel n chole harɛ, asɛ dɛ ɡel mɛ bela, n do weweele ta tɔpere bɛlbwa.

Wiile 1:13 Referans Kwoze

Habakuk 3:16

N noɔ asɛ n bambile teŋe, n nyoa kpo a ɡɛ ɡbɔɡa la wa, n bwara yɔrɔ, n nakpale bwa ɛɛ sa. Kɛ n sɔɔh bwara dɛɛ kpa tɔpechɔɡe wee Korowii aa ba tɛr nɛra baa dɛ yo yaa deŋne.

Job Tɔn 30:30

N bwadabii sie biro dɛɛ sɔle, n bwara bwa wɔrɔbɔ kɛŋɔ kabul aa laɡ mɛ ken.

Ɛsekeɛl 17:20

Mɛɛ harɔɔ belii dɛ́ lawɔ. Mɛɛ lawɔ kaa Babelɔn, dɛ́ tɛr o deŋne bela, dɛkalkɛ o le n habɔɔ.

Yela 22:14

N bokpeɡa tonɔ kɛŋɔ, baa fuɡe nee ta harɛ ken, asɛ n hoɡa bwa soɡre, n bambile chɔɡ, n ta hwɛɡa bɛlbwa dɔe kpa.

Job Tɔn 19:6

Hé jemɛ kɛŋɔ Korowiirii ɡela wenaale nɔ ba n nɛ, o harɛ bel dɛ laɡ mɛ.

Hibru 12:29

dɛkalkɛŋɔ ya Korowii nɔ do kɛ nii aa wona dɛɛ chɔɡ kwaa kohona.

Neehum 1:6

O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.

Ɛsekeɛl 12:13

Mɛɛ ta asawii dɛ́ lawɔ, dɛ́ kpɔɔ kaa bwɛjen Babelɔn ta waa wola belaa na dɛ́ sewɛ bela.

Yela 66:11

He ɡelɔ ya le bel haa harɛ yaa ta, dɛ kpɔ bontɔɡa dawɛ ya nɛ.

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,

Hosia 7:12

Mɛɛ ta asawii dɛ́ laɡ ba, kɛŋɔ baa dɛ lawɛ jumbii ken, dɛ́ tɛr ba deŋne wechɔɡa baa ɛa la wa.

Ɛsekeɛl 32:3

Anomanta, mɛɛ ta asawii lawɛ, ásɛ dɛ ɡel nɛra warɛ, dɛ́ tɛɡre ba ta baŋ.

Wiile 5:17

Gɛ ɡelɔ ya bambili bwa chɔɡ, siniire nomanta, ya sibie swɛɛrɔ, yaa wone dɛɛ na kɛrɛdɛ kpa,

Wiile 1:22

Pa ba bolchɔɡe ba wechɔɡa baa ɛa wa, dɛ́ tɛr ba deŋne ɡɛ haa tɛr n deŋne n wechɔɡa waa nɔ. N hima kan kohona n jum jah.”

Jeremia 44:6

Anomanta, n kpɔ n bandia ba ta Juda bwɛɛre nɛ, ne Jerusalam fɔɡbaahna, dɛ kpaa nii do a ta. A bwa kuuɡo dɛ berɛ dimɡbeeni dɛ do ɔma, nomɛlbwa aa wola nyin kɛ o nyiŋi, dɛ ba le fini.

Aesaya 42:17

Kɛ nɛra baa dɛ yarada voɡa, dɛɛ yerɛ kwaa baa sɛah, kɛɛ voɡa ba ‘naa’ la te, mɛɛ vɛɛh baa bá di sihiih kohona.”

Yela 129:5

Kórowii ɡel sihiih kpo nɛra baa hah bwɛjen Saayɔn la, bá berɛ habɔɔ kaa.

Yela 35:4

Gel sihiih kpo nɛra baa dɛ nyin mɛ dɛ́ kpo. Nɛra baa dɛ vɔrɔwe n vɔrɔwa la, ɡel ba wili, dɛ́ berɛ kaa.

Yela 31:10

Suna dii ɡelɔ n ɡwɛɡre, wii kohona ɡelɔ maa won biɡri kohona. Wahala nae ɡelɔ n ɡwɛɡre, hale n hoɡa bini sɔɔhnɔ.

Job Tɔn 18:8

Ba ɡbaɡba soɡa bini we-ɛɛla dɛ laɡ ba kɛŋɔ bel ken, ba valɛ kaa jo o ta.

Mmarare 28:65

A ɡɛ harɛre nɛra la bini la, haa bosɔɔhnaa dɔ bobɛlbwa, haa onaa dɔ bobɛlbwa haa la. Wɛɛ ɡeloo he bambile chɔɡ, he sie che chiŋ he bwara yɔr.

Yela 38:8

N ɡwɛɡrɔ, n bwara bini bwa sɔɔh, suna dii ɡel mɛɛ pɛmɛ.

Yela 140:5

Mbarafo tena sɔɔh dɛ haɡre mɛ bela, ba kpɔa bil ŋwɛnɛ maa dɛ kpɔ o ta la ta, ásɛ dɛ dɔɔ mɛ lawɛ.

Kaala 12:9

He bɛ ola la an lwɛɛ kɛɛ an daala chwe. Hé wɔɔ ane a nyuune ne nakpale ne a tea bini kwaa te bwa.

Wiile 3:11

O tuɡ mɛ le ŋwɛnɛ ta, dɛ peeɡe n ola, dɛ ɡel mɛ n ɡbo chɔ.