We-ɛɛla 8:7 - mzwDBL

⁷ dɛkalkɛŋɔ o wono doŋi kwaa aa dɛ ir nɛra la kɛrɛdɛ nɛɛ ta. Aa dɛ le la, dɛ a dɛ dooɡe lɔŋɔre. Felep chah nɛra ba bobɛla aa serewa ne boobie ɡe ja,

We-ɛɛla 8:7 Referans Kwoze

Matiu 10:1

Yeesu yerɛ o toroma fi dɛ banɛ la cheme dɛ tɛɛ ba kpeɡri báa kpɔ doŋi kwaa aa dɛ ir nɛra nɛ, ásɛ dɛ won chah weela bɛlbwa ɡe.

We-ɛɛla 5:16

Asɛ nɛra le Jerusalam bwɛjeɡre la ta dɛ ba pirim, dɛ che weela tena ne nɛra kwaa aa dɛ ir ba nɛɛ bwa ba, asɛ ba bwa dɔ bokpeɡa.

Hibru 2:4

Korowii ɡbaɡba cheɡɛ nyokpowaa ne wekpeɡa ɛɛ ta, ne o Domadɛɛɡe waa kpɔa bɔne nɛra ɡɛ waa dɛ nyin la ta dɛ di a danseɛ.

Amanesoma Jɔn Aa Chwera Tɔn 14:12

Kasinteŋ, n dɛ ŋɔ he be ŋɔ, nomɛlbwa waa yarada mɛ la, wɛɛ ɛ n we-ɛɛla dɔŋa bwa soo siwii. Wɛɛ won dɛɛ ɛ anɔ la aa ɡwaa n kwaa nɔ kwaraa, dɛkalkɛ mɛɛ berɔɔ kaa n Mɛɛ be.

Amanesoma Luk Aa Chwera Tɔn 10:17

Yeesu habɔteŋra fifraanuanɛ dɛ banɛ la la o toma la dɛ ba silɛɛ ne, asɛ ba ne o cheme. Ba ne waa chema la, ba ŋɔ o be ŋɔ, “Ya Dɔɔ, yaa kaa che he sɔn ta dɛ bol waa la, kwaa aa dɛ ir nɛra nɛɛ kwaraa ɔmɛ yaa.”

Amanesoma Mak Aa Chwera Tɔn 9:26

Ate, dɛ kwaa la sio kpeɡri ne dɛ taɡɛ bie la ta harɛ, asɛ o chɔ dɛɛ yo kɛŋɔ ɡbuŋɡbuŋri te ken mɔɔ a le o nɛ. Anee o chɔ kɛŋɔ waa sewa ken. Asɛ nɛra kɛrɛdɛ ŋɔ o sewɔ.

Matiu 11:5

Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Matiu 4:24

O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.

Aesaya 35:6

Ásɛ boobie ir che, dɛɛ jah kɛŋɔ kweɡli ken, amumure ɡe ɡo yela silɛɛ ne. Nee ɛɛ pili pua hɛŋle ɡbo harɛ taa, ásɛ nenabɔɔne chɔ harɛ waa hola ta dɛɛ palɛ.

We-ɛɛla 8:6

Nɛnlaa la aa na nyokpowaa waa dɛ ɛ, dɛ no o wobol la, ba cheɡ deŋne no o be,