We-ɛɛla 8:2 - mzwDBL

² Nɛra baa dɛ ɔmɛ Korowiirii kaa huɡe Steeven dɛ wiu kɛrɛdɛ.

We-ɛɛla 8:2 Referans Kwoze

We-ɛɛla 10:2

O ne o dem tena bwa dɛ tomɛ Korowii. Dɛ o dɛ cha Juu tena baa ɛ nyaara la taeh, dɛɛ soŋe Korowii saŋ bɛlbwa.

We-ɛɛla 2:5

Dɛ nɛra baa dɛ ɔmɛ Korowii dɛɛ tomɔ ɡɛ Juu tena aa dɛ tomɔ la le harɛ ta bobɛlbwa dɛ ba su Jerusalam bwa.

Amanesoma Luk Aa Chwera Tɔn 2:25

A ɡɛ saŋ la dɛ baa bɛl lɔ Jerusalam baa yerɔ Simeon. O ɛ nɛndɛɛɡe, dɛɛ ɔmɛ Korowii, dɛ o dɛ nyiŋi naate waa dɛ ba ó ba lɛ Israel tena ŋwɛnɛ. Dɛ Korowii Domadɛɛɡe ir o nɛ,

Jeremia 22:18

Anomanta, ɡɛ Korowii aa bol Juda Kooro Josia, o bibaa Jehoiakim waa nɔ. “Nomɛlbwa aa Kooro Jehoiakim seo waa wi, kɛɛ dɛ ŋɔ, ‘Aku, n dam, he seo dɛ we, bwɛɛlɛ ne seo.’ Nomɛlbwa aa on wi ŋɔ, ‘Aku, n dɔɔ, kɛɛ n naa kooro, bwɛɛlɛ ne seo!’

Jeremia 22:10

Juda tena, he bɛ Kooro Josia wi, he bɛ o lwe kwaraa ɛ. Kɛ hé wi tɛ o bibaa Joahas kohona, dɛkalkɛ baa lawɔɔ kaa bojaŋ harɛfale ta waa wola berɛ ba kpa, waa harɛ baa lolɔ o taa na kpa.

2 Webena 35:25

Korowii keame Jeremia taa Kooro Josia wiile. Dɛ kpoŋe ba le fini haahna ne baala dɛ́ taa wiile, dɛ kpɔ dɛɛ lii Kooro Josia. Ba chwera do Israel tena Wiile Taara Tɔn bini a ɛ ba nawee wa.

2 Webena 32:33

Kooro Hɛsɛkea sewɔ ka pu o naawa, asɛ ba huɡo deŋɡare bɛl ta, bela baa dɛ huɡe Kooro Devid naanar. Juda ne Jerusalam tena bwa kpɔ duure tɛo o serewe wee. Asɛ o bibaa Manasɛ ba chiɡ o naa ta, dɛ di kora.

2 Samoɛl 3:31

Ate, Kooro Devid ŋɔ Joab ne nɛra baa ja o nɛɛ la be ŋɔ, “Hé kɛɛ he laala dɛ́ kpɔ lweyale tɔ á baɡle kɛŋɔ he loo kuu dɛ́ tɔ Abna lale sie.” Kooro Devid ɡbabir ɡe teŋɛ lale la nɛ.

1 Samoɛl 28:3

Samoɛl baa sewɛ, asɛ Israel tena bwa wiu, dɛ huɡo o ɡbaɡba bwɛ bwɛjen Rama. Dɛ Kooro Sɔɔl doŋi nɛra baa voɡa dɛɛ yerɛ lala ne voɡra bwa le harɛ la ta.

Mmarare 34:8

Israel tena la ɛ o lwe tɔpera fifraatoro Moab harɛ waa chɔa kaa la ta.

Nɛra Kura 20:29

Israel tena la bwa aa naa kɛŋɔ Arɔn sewɔ la, ba ɛ o lwe tɔpera fifraatoro.

Mumpar 23:2

Keenan harɛ ta bobɛl baa dɛ yerɛ bela Kiriat Aaba, dɛ berɛ dɛɛ yerɛ bela Hɛbrɔnee o ka sewɛ. Asɛ Abraham la ka ɛ o lwe dɛ wiu.

We-ɛɛla 8:1

Baa kpo Steeven la, Sɔɔl sɛoh ŋɔ o chɛ kpoe. Awola tɔpere la ba fiiɡi asɔre tena baa lɔ Jerusalam la, asɛ ba chwa peɡre Juda harɛ ne Samaria harɛ bwɛɛre la ta. Yeesu toroma la ɡboo wola chwae.

We-ɛɛla 8:3

Sɔɔl ɡe ɛ wobɛlbwa waa won dɛ́ chɔɡ asɔre tena la waa bwa, dɛ jo bela deremi bwa ta dɛ tɛɡre ba bini baala ne haahna bwa kaa do dea.

Mumpar 50:9

Baala baa soɡe kwaa aa do kɛŋɔ torɔɡo ba vɔwa pɛl jaɡre, ne nɛra baa soɡe jaɡre ta ɡe bwa jao dɛ teŋɛ la bɛl. Nɛnlaa tentenee laŋa.

Amanesoma Mak Aa Chwera Tɔn 6:29

Jɔn habɔteŋra la aa no waa nɔ la, ba balɔ dɛ ba kpɔɔ ka huɡe.