We-ɛɛla 8:10 - mzwDBL

¹⁰ Anomanta, bela bechale ne ba nomonjena bwaa cheɡ deŋne dɛ yon dɛɛ no o be, dɛ ta kane so dɛɛ nyiŋi o we-ɛɛla. Ba nyoa kpo o waa dɛ ŋɔ, “Jamɔ Korowii kpeɡnɛn baa dɛ yerɔ Kpeɡri Tenten Dɔɔ laanee nɔ.”

We-ɛɛla 8:10 Referans Kwoze

Jeremia 31:34

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘Jemɛ Korowii kɛ onee he Dɔɔ’ kpa, dɛkalkɛŋɔ ba bechale ne nomonome bwa ɛɛ jem mɛ kɛ ba Dɔɔree men. Mɛɛ sune ba nɛɛ, dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa bwa. Men Korowiirii bola.”

Wepila 13:3

Olchɔɡe la nyuune la bɛl ɛo kɛŋɔ ba fa aa doo bol o sewɛ dɛ ir, asɛ bol la tonɛ. O waa ɛ nɛra bwa nyokpoa ba teŋɛ o nɛ.

2 Pita 2:2

Nɛndamanta ɛɛ teŋɛ ba wedoŋa baa dɛ ɛ la taa, ásɛ a che a ta nɛra bol kasinteŋ ŋwɛnɛ wobochɔɡa kɛ waa were.

Ɛfesos 4:14

A taa aa ba cheɡa nɛra aa wola won neɡre yaa kɛŋɔ bechale. Dɛ ya ta kpeɡe kɛrɛdɛ o nɛɛ teŋa ta naa, bane ɛɛ ba baɡle yaa waa aa koraa, ya den sɛh warane dɛɛ tɛɛ ba kɛŋɔ peu yon ɡɔɔ kon ir nyundua dɛ kpɔ ka ta bobɛlbwa la. Nɛra bane won ba liire kpɔe dɛ́ teŋe nyosone á do kɛŋɔ kpelaa ken, dɛ́ won neɡre nɛra.

2 Kɔrent 11:19

Haa jemɛ waa kohona nomanta, he dɛ lawɛ bambile, dɛ kpɔ silɛɛ dɛɛ no ɡɛna be.

1 Kɔrent 1:24

Kɛ Juu tena ne Grik tena Korowii aa lee ba ŋɔ bá ba ɛ o nɛra la, Yeesu Kristo waa la ɛ Korowii kpeɡri ne o wejema ba te be.

We-ɛɛla 28:6

Dɛ bela tena la te soɡo dɛɛ nyiŋi kɛŋɔ Pɔɔl nɔn la ɛɛ ɔrɔɔ, dɛ ŋɔ ɡɛ laa ɡe aa, wɛɛ choloo buɡ ta dɛ́ sewɛ. Baa soɡa dɛɛ nyiŋu kɛŋɔ wɛɛ sewɔɔ waa wola sewɛ wobɛlbwa aa wola on ɛɛ la, ba berɔ ŋɔ voɡ bɛlee ken berɛ nɛn ba ba be la.

We-ɛɛla 14:11

Nɛra aa na waa nɔ la, ba bol waa ba Laikoonia wobol la ne kpeɡri nɛɛ dɛɛ ŋɔ, “Ya voɡaa berɛ nɛra dɛ ba ya be la!”

Jona 3:5

Niniwe tena la aa no waa la la, ba yarada Korowii dɛ ŋɔ, nomoa oo, bechala oo, bɛlbwa vɔwɛ nyoa dɛ́ kpɔ lweyal tɔ á baɡle kɛ ba charɛ ba liire dɛ le ba wechɔɡa ta.

Jeremia 8:10

Anomanta, mɛɛ kpɔ ba haahnaa tɛ jafala, dɛ kpɔ ba kooni do nɛnfala nɔɔra ta baa nyiŋi a ta. Nomɛlbwa, le bechale nɛɛ kaa nomonome nɛ, bɛlbwa dɛ nyin kwaa sibeɡra ne. Hale n keamere ne n sɔfore bwa, ba sie dɛ lɛ nɛra faahra ta.

Jeremia 6:13

Bechale ne nomonome bwa cheɡɛ sibeɡra ŋwɛnɛ ta dɛɛ nyin kwa, hale n keamere ne sɔfore dɛ teŋe nyosone.

Jeremia 42:1

Belaa laa nomonome la bwa, ne Karea bibaa Johanan ne Hosaya bibaa Jesania, dɛ nɛra baa kaa bwa, dɛ́ le bechale nɛɛ ba nomonjena bwa nɛ