We-ɛɛla 7:3 - mzwDBL

³ dɛ ba ŋɔ o be ŋɔ, ‘Gel he lolanar, dɛ́ le he harɛ haa lɔ o ta nɔ ta, dɛ́ ka so harɛ maa dɛ ba he baɡla la ta.’

We-ɛɛla 7:3 Referans Kwoze

Mumpar 12:1

Awola bɛl, Korowii ŋɔ Abram be ŋɔ, “Ir, dɛ́ le harɛ haa soɡe o ta la ta, ásɛ dɛ bɛ he nɛra dawɛ, bɛ he mɛɛ buse nɛra ɡe dawɛ, dɛ́ kaa harɛ maa dɛ ba he baɡla nɔ ta.

Hibru 11:8

Yarada taa a che Korowii aa le Abraham ŋɔ ó kaa harɛ waa baɡɔ nyoa la ta la, o le dɛ kaa. Waa dɛ kaa la, dɛ waa bela waa dɛ kaa jemɛ.

Josua 24:3

Asɛ n lawɛ he nabaa Abraham le Yufretis Moo la baŋ bela, dɛ tɔ o sie ba o ne Keenan harɛ ta, dɛ swee andɛɛɡa tɛo o dɔ naanar warɛ. O lolɛ Aesek,

Mumpar 15:7

O ŋɔ o be ja ŋɔ, “Menee Korowii, menee kpɔe le Ur waa lɔ Babelɔn harɛ ta, dɛ ba kpɔ harɛ nɔ tɛɛ o ɛ he ɡbabir kon saŋ bɛlbwa dɛɛ la.”

2 Kɔrent 6:17

Anomanta, n bolɔ ŋɔ, ‘Hé le ba bini! Hé pere he te le ba nɛɛ kwara! He bɛ komɛlbwa waa kah doŋa leɡe, ásɛ n lɛ heya,

Amanesoma Luk Aa Chwera Tɔn 14:33

Gɛ tentenee a chɛ kɛ he so lii mɔɔ. Nomɛlbwa ta o komɛlbwa ɡelaa, waa won ɛ n habɔteŋre.

Matiu 10:37

He naate haa dɛ nyin he nya ne he mɛɛ waa ɡwaa mɛ la ta chɛɛ kɛŋɔ he teŋɛ n nɛ, asɛ he naate ɡe haa dɛ nyin he bihaah ne he bibaa waa ɡwaa mɛ la ta chɛɛ kɛŋɔ he teŋɛ n nɛ.

Nehemia 9:8

He nao kɛŋɔ o waa dɔ kasinteŋ tɛɛ, asɛ he ne o fɔwɛ fɔo. He baɡɔ nyoa kɛŋɔ hɛɛ kpɔ Keenan ne Hiti ne Amɔre, ne Pɛrɛs ne Jebus, dɛ Girɡasi tena harɛree tɛ o naanar ba so a ta. He teŋɛ he nyobaɡa ta, dɛkalkɛ he waa dɔ kasinteŋ.

We-ɛɛla 7:4

Asɛ Abraham ir le o harɛ ta dɛ ka so Haran. O mɛɛ aa sewa habɔɔ laanee Korowii ɡel o ba so harɛ nɔ haa soɡe o ta fini nɔ ta.

Mumpar 20:13

Korowii aa ɡela n le n mɛɛ dem dɛ do pua dɛɛ ɡaaɡe la, n ŋɔ o be ŋɔ, ‘He dɛ nyin mɛ naa, bobɛlbwa yaa tel bwa la, he dɛ ba n waa bolaa, ŋɔ he dɔɔree men.’ ”