We-ɛɛla 7:16 - mzwDBL

¹⁶ Baa serewa la, ba kpɔ ba kaa Sɛkem, dɛ ka huɡ ba lalbɔɔ la Abraham fa aa yawa Hamɔ dea tena be la ta.

We-ɛɛla 7:16 Referans Kwoze

Josua 24:32

Gɛ saŋ baa le Ijipt harɛ ta dɛɛ ba la, ba kpɔ Josef hoɡa kaa dɛ ka huɡe Sɛkem. Harɛ Jekɔb aa yawa le Sɛkem bibaa Hamɔ bibaala be suuɡapoŋa lafa la ta. Harɛ la baa ɛ Josef naanar kapɛrɛ kon.

Mumpar 23:16

Asɛ Abraham sɛh dɛ bɔ suuɡapoŋa lafraanaarɛ, ɡɛ Efron aa di harɛ la yoɡ ba bala la bwa no la tɛo ba siwi ta. O bɔ ba ɡɛ ba bonadiire aa dɛ peɡra ɡɛ saŋ la.

Kaala 13:19

Mosis aa dɛ kaa la, o pa Josef hoɡa dɛkalkɛ Josef ɡelɔ Jekɔb bii fa ŋwɛɛ baɡlo. O ŋɔ, “Korowii ɛɛ ba lɛ heyaa, anomanta, a chɛ kɛ hé kpɔ n chɔɔ le bonɔ harɛ nɔ ta.”

Mumpar 50:13

Ba cheɡɔɔ kaa Keenan harɛ ta, dɛ ka huɡo bwebɔɔ waa lɔ Makpɛla. O bɛne Mamre wee leebɔr koo Abraham aa yawɔ le Hiti te Efron be dɛ kpɔ ɛ huɡri bɔr la.

Mumpar 35:19

Rakɛl aa sewa la, ba huɡo bwɛɛ Efrat la ŋwɛnɛ nyoa. Ba berɔ dɛɛ yerɔ Bɛtlɛham.

Mumpar 23:4

“N ɛ hɔɔh dɛ ba pu heyaa so, bonɔ laa n le. Anomanta, hé tɛ mɛ harɛ asɛ n yawɛ dɛ huɡe n haah.”

Mumpar 47:30

N dɛ nyin kɛ he ka huɡ mɛ bela baa huɡe n mɛɛwa. Kaa n ne bela ka huɡe.” Asɛ Josef sɛh ŋɔ, “Mɛɛ ɛ ɡɛɛ.”

Mumpar 50:12

Kenii a ɛ Jekɔb bibaala ɛ ɡɛ waa do ba ŋɔ ba ɛ la.