We-ɛɛla 7:14 - mzwDBL

¹⁴ Belaa Josef kal o mɛɛ Jekɔb ŋɔ ó ne o bii ne o naanar bwa ba so o be Ijipt harɛ. Dɛ ba bwa lɔ nɛra fifraanuanɛ dɛ nɛra banue.

We-ɛɛla 7:14 Referans Kwoze

Mmarare 10:22

He naawa ba fa aa kaa Ijipt harɛ ta la, dɛ ba lɔ nɛra fifraanuanɛ ɡbo. Kɛ taraken Korowii ɡelɔ he mun ya he warɛ kɛŋɔ weweela ken.”

Kaala 1:5

Nɛra baa le Jekɔb luɡe ta nɔ bwa lɔ fifraanuanɛ, kɛ dɛ Josef te soɡe Ijipt harɛ ta.

Yela 105:23

Ate, Jekɔb ne o bii ir dɛ kaa Ijipt harɛ ta ka so kɛŋɔ hɔɔhra ken.

Mumpar 46:12

Juda ɡe bibaalaa nɔ, Ɛr ne Onan ne Seela ne Pɛrɛs dɛ Sɛra. Kɛ Ɛr ne Onan te sewɛ Keenan harɛ ta. Pɛrɛs bibaalaa nɔ, Hɛsrɔn ne Hamul.

Mumpar 45:13

He ka ŋɔ n mɛɛ be n kpeɡri maa dɔɔ Ijipt harɛ ta bonɔ, ne wobɛlbwa haa naa bonɔ bwa, ásɛ dɛ ɛ warane, dɛ́ kpɔɔ ba n be bonɔ.”

We-ɛɛla 2:41

Nɛra la kɛrɛdɛ yarada Pita wobol la, asɛ ba sɔ ba Korowii ne. Ba nɛra kaɡboŋa batoroo yarada Yeesu waa dɛ kpɔ ba te tɛo awola tɔpere la ta dɛ ba ja ba nɛ.