We-ɛɛla 4:16 - mzwDBL

¹⁶ “Aah ɛrɛ tenee yaa ba baala nɔ ɛɛ yɔ? Jerusalam tena bwa nao dɛ jemɛ kɛŋɔ nyokpowaa ba ɛ ɡɛ nɔ. A te ta tɔŋla dɔe.

We-ɛɛla 4:16 Referans Kwoze

We-ɛɛla 6:10

Baa dɛ tɔŋlo la, Korowii Domadɛɛɡe la tɛ Steeven wejema kohona, dɛ ɡel wobɛlbwa waa bola la, baa wechɔɡe bɛlbwa na a ta. O bol waa la bwa bɔ ba.

Amanesoma Jɔn Aa Chwera Tɔn 12:18

Nɛnlaa baa noa kɛŋɔ o ɛ wejena nɔ la koh a waa dɛ ka chemo.

Amanesoma Luk Aa Chwera Tɔn 21:15

Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya.

Matiu 27:16

A ɡɛ saŋ la, dɛ ba do baa bɛl baa dɛ yerɔ Barabas nomɛlbwa aa dɛ no o sɔnchɔɡe dea.

Daneɛl 8:8

Booh la baa dɔ kpeɡri kɛrɛdɛ, kɛ o ta aa dɛ di kpeɡri la, o nyeɡlejen la kuu asɛ nyeɡlare anaarɛ aa kana le paaɡe o buɡ ta. Bɛl chaɡɛ weekaŋle nyundua, bɛl chaɡɛ wee leebɔr, bɛl chaɡɛ weekaŋle harɛbɔr, asɛ bɛl chaɡɛ wee cholibɔr.

Daneɛl 8:5

N ta aa dɛ lii dɛ́ jemɛ ɡɛ waa nɔ mun la, dɛ booh bɛl le wee cholibɔr ba, dɛɛ chwa wɔrɔbe nɛɛ bobɛlbwa, kɛ dɛ o nakpale ɡe aa harɛ leɡe. O dɔ nyeɡlejen beŋkpoŋ o pa o sibie baah ta.

Matiu 20:7

Belaa ba chaŋo ŋɔ, ‘Nomɛlbwa ta yaa o toma ta kpɔe.’ Anee baa la ŋɔ, ‘Gɛɛ te naa, hé ɡe kaa n koo ta bela ka ɛ toma.’