We-ɛɛla 3:25 - mzwDBL

²⁵ Korowii nyoa la waa baɡa dɛ ɡel o keamere bol la, heyaa o baɡɛ tɛ. Fɔo la Korowii ne he naawa aa fɔwa la laworomɛɛ hɛɛ di la. O ŋɔ Abraham be ŋɔ, ‘He naanar nɛɛ aa ba cheɡa n swee andɛɛɡa tɛ harɛ ta nɛra bwa.’

We-ɛɛla 3:25 Referans Kwoze

Mumpar 22:18

ásɛ a che ba nɛɛ ń tɛ nɛwɛnyina bwa hɛɛra. Mɛɛ ɛ ɡɛɛ dɛkalkɛ, he ɛ waa maa dɛ nyin.”

We-ɛɛla 2:39

dɛkalkɛŋɔ he ne he naanar ne bojaŋ tena Korowii aa dɛ yer ba ŋɔ bá ba o be la bwa waa o baɡɛ nyoa la la.”

Galaasia 3:8

Korowii Tɔn baɡlɔ kɛŋɔ yarada taa aa ba cheɡa ásɛ Korowii lɛ nɛra baa wola Juu tena ɛɛ la kɛ nɛndɛɛɡa ba waa su o siwi. Korowii fa bol Amanesoma la waa Abraham be dɛ ŋɔ, “He nɛɛ aa ba cheɡa Korowii swee nɛwɛnyina bwa andɛɛɡa.”

1 Webena 16:17

Korowii ne Jekɔb fɔwɛ fɔo, o do le saŋ bɛlbwa dɛɛ la.

Mumpar 12:3

Mɛɛ cha nɛra la baa soŋe andɛɛɡa dɛɛ tɛɛ la. Nomɛlbwa waa taahnee la, ɡɛɛ mɛɛ ba o ɡe taahna, ásɛ a che he nɛ nɛwɛnyini bwa dɔ andɛɛɡa.”

Wepila 7:9

Anɔ la habɔɔ la, n nyiŋo dɛ na nɛnlaa nomɛlbwa aa wola won kur ba bela. Ba le wobol te bɛlbwa nɛra baa lɔ harɛ nɔ ta bobɛlbwa ta. Ba bwa do batakaarepoŋa, dɛ kpoŋe bambie daa a papooni do a ta, dɛ che kookara la ne Pebie la sie,

Galaasia 3:16

Korowii Tɔn la baɡlɔ kɛŋɔ Korowii baɡɛ Abraham ne o naa nyoa. Korowii Tɔn la ta ŋɔe ŋɔ Korowii baɡɛ Abraham ne o naanar nyoa. Dɛ Abraham ne o naa. O baɡlɔ kɛŋɔ Abraham naa beŋkpoŋ, onee kɛ Kristo.

Tɔn Pɔɔl Aa Chwerɛ Rom Tena 4:13

Korowii nyoa la o fa aa baɡɛ Abraham ne o naanar ŋɔ harɛ nɔ bwa ɛɛ ba ɛ ba konee la, Mmara ta teŋa waa laa o baɡɔ ɡɛ nyoa la. Dɛ Abraham dɛ yarada Korowii, asɛ a che a ta o ɛ nɛndɛɛɡe o waa su Korowii siwi, a waa Korowii baɡɔ nyoa.

Galaasia 3:29

Dɛ he ɛ Yeesu Kristo nɛra te naa, ate Abraham naanaree heya. Kon Korowii aa baɡɛ Abraham nyoa la, he ɡee dɔɔ.

Yela 22:27

Harɛre nɛra bwa ɛɛ lii Korowii waa dɛ́ kpɛɛro, baa le harɛ jaɡa bwaa, dɛ́ ba o be, harɛre nɛra bwa ba ɡuŋi o sie.

Nehemia 9:8

He nao kɛŋɔ o waa dɔ kasinteŋ tɛɛ, asɛ he ne o fɔwɛ fɔo. He baɡɔ nyoa kɛŋɔ hɛɛ kpɔ Keenan ne Hiti ne Amɔre, ne Pɛrɛs ne Jebus, dɛ Girɡasi tena harɛree tɛ o naanar ba so a ta. He teŋɛ he nyobaɡa ta, dɛkalkɛ he waa dɔ kasinteŋ.

Mumpar 28:14

He naanar ɛɛ warɔɔ kɛŋɔ harɛ nɔ ta teera, dɛ́ yɛɛ kaa harɛ nɔ ta bobɛlbwa. He ne he naanar nɛɛ aa ba cheɡa, ásɛ n swee andɛɛɡa tɛ harɛ nɔ ta nɛra bwa.

Mumpar 26:4

Mɛɛ ɡeloo he naanar warɛ kɛŋɔ weweela, dɛ́ kpɔ harɛre nɔ bwa tɛɛ ba. He naanar nɛɛ aa ba cheɡa harɛ nɔ ta nɛra bwa dɔ hɛɛra.

Mumpar 20:7

Anomanta, berɛ ɡel haah la kaa o jaa be, dɛkalkɛ n keamee o jaa la. Wɛɛ soŋ mɛɛ, ásɛ he dɔ he nyu. Kɛ dɛ he ta o haah la berɛ ka tɛo te naa, hee he ne kwaa haa dɔa bwa ɛɛ ba hee.”

Mumpar 17:19

Ate, Korowii ŋɔ, “N noɔ, kɛ Saara ɛɛ lolɛ bibaalee tɛɛ he pa o sɔn Aesek. Onee mɛɛ ba ɡela n fɔo la chɔ n ne o baah ta, dɛ́ chɔ tɛ n ne o ɡe naanar. Wɛɛ ɛ fɔo waa wola jaɡa dɔe bwa.

Wepila 14:6

Belaa n na nyundua torome bɛl waa ira kpɔ nyundua, dɛ kpoŋe Amanesoma aa wola tonɛ bwa, dɛ kpɔ dɛɛ la ka bol wobol te bɛlbwa nɛra baa lɔ harɛ nɔ ta bobɛlbwa be.

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,

Tɔn Pɔɔl Aa Chwerɛ Rom Tena 15:8

dɛkalkɛŋɔ Yeesu Kristo wono ɛ toma Juu tena bini, asɛ dɛ chaɡle kɛ Korowii waa dɔ kasinteŋ. Anee Korowii ɛ dɛ chuɡri o nyobaɡa waa baɡɛ Israel tena naawa la,

We-ɛɛla 13:26

Yabala, Abraham naanar ne he nɛra haa wola Juu tena ɛɛ dɛɛ tomɛ Korowii bwa, ya bee waa aa dɛ ba nɛwɛnyini lɛɛ nɔ ba.

Amanesoma Luk Aa Chwera Tɔn 1:72

dɛ́ na ya sum ɡɛ waa baɡɛ ya naawa nyoa la, dɛ́ lii o fɔo o ne baa fɔwa la.

Yela 96:7

Nɛra haa lɔ harɛ ta bwa, hé kpɛɛ Korowii. Hé kpɛɛro, o jirima ne kpeɡri waa dɔa wa.

Mumpar 18:18

Akai, o naanar ɛɛ yao dɛ́ do kpeɡri, ásɛ ba sɔn le a che o nɛɛ ń tɛ nɛra baa lɔ harɛ nɔ ta bwa hɛɛra.

1 Webena 16:16

Fɔo o ne ya naa Abraham aa fɔwa, ne nyoa waa baɡɛ Aesek la.