We-ɛɛla 27:2 - mzwDBL

² Stiimae bɛl le Adramitium ba, asɛ ya jo o ta dɛɛ kaa. Dɛ o dɛ kaa Eesia harɛ mpo nyoa bwɛɛre ta. Dɛ baa bɛl baa dɛ yerɔ Aristakus ja ya nɛ. Makidoonia harɛ bwɛɛ Tesalonika la taa o le.

We-ɛɛla 27:2 Referans Kwoze

We-ɛɛla 19:29

Ate, dɛ ɡbɔɡa tɔ bwɛjen la bwa, asɛ nɛnlaa la aa dɛ do ɡbɔɡa la lawɛ nɛra bane baa dɛ yer ba Gayos ne Aristakus la. Makidoonia harɛ tenaa ban, asɛ ba ne Pɔɔl ɛɛ valɛ. Nɛra la tɛɡ ba la bela ba bwɛɛ tena aa chema dɛɛ bol waa dɛɛ pa bole la.

Faelemɔn 1:24

Gɛɛ Mak ne Aristakus ne Demas dɛ Luk baa ɛ n bala tom-ɛɛra la ɡe ɛɛ nae.

Kolosi 4:10

Aristakus baa do n ne on dea la, ne Banabas nime Mak dɛ na heya. A ɡɛ Mak nɔ waa n faa bol he be la. O ba he be naa, hé lɛo silɛɛ ne.

We-ɛɛla 28:16

Waa ba Rom la, ba tɛo o ɡbo dea, dɛ ɡel sooja beŋkpoŋ ɛɛ daahno.

We-ɛɛla 28:12

Yaa lea la, ya kaa choɡ bwɛɛ bɛl baa dɛ yerɔ Serakius la, dɛ di tɔpera atoro.

We-ɛɛla 28:10

Ba kɛ yaa kwaa pirim. Yaa dɛ ba stiimae ta joe dɛ kaa la, ba tɛ yaa laala aa chɛ kɛ ya dɔ mɔɔ dɛ́ le la bwa.

We-ɛɛla 28:2

Bela tena nyiŋi yaa kɛrɛdɛ. Yaa dena jo bela dɛ bwaala dɛ nɛ asɛ waa do le kohona, asɛ ba mar nii tɛ yaa ya ŋwee.

We-ɛɛla 21:5

Ya kaala aa tela la, ya le bela dɛ chiɡ ŋwɛnɛ ta dɛɛ kaa. Ba ne ba haahna ne bii bwaa baa do yaa ŋwɛnɛ dɛ le bwɛɛ la ta, dɛ ka tel nee nyoa, asɛ ya ɡuŋi harɛ nee nyoa bela dɛ soŋe Korowii dɛ kal dɔŋa.

We-ɛɛla 19:19

Asɛ ba bini bane baa ɛ dobodobo ka mɔɔ dɛ ɛ asɔre tena la le ba tɔne baa nyiŋi a bini dɛɛ ɛ dobodobo la ne, dɛ kpaa nii do a ta bombaah bela. Baa kari tɔne la suuɡa la, aa do kanee. Aa tel suuɡapoŋa kaɡboŋa fifraanuee.

We-ɛɛla 17:1

Pɔɔl ne Silas aa ira dɛɛ kaa la, ba kaa kpɔ bwɛɛre ane baa dɛ yera Amfepɔles ne Apolonia ta dɛ ka le Tesalonika. Dɛ Tesalonika Juu tena dɔ cheremi dea bela.

We-ɛɛla 16:17

A ɡɛ bitolo la do lɔŋɔre teŋɛ ya ne Pɔɔl nɛɛ dɛɛ ŋɔ, “Nemenɛ Korowii tomɛ nɛra nɔ he be la! Waa haa ɛ ásɛ Korowii lɛ heyaa laanee baa bol la!”

We-ɛɛla 2:9

Ya bwa harɛre kokoɡrɔ. Ya bane le Paatea, bane le Midia ne Elam, bane ɡe le Mɛsopoteemea ne Juda, ne Kapadoosia. Ya bane ɡe le Pɔntos ne Eesia,

Amanesoma Luk Aa Chwera Tɔn 8:22

Awola bɛl, Yeesu ne o habɔteŋra la kaa jo ɡbera bini, asɛ o ŋɔ ba be ŋɔ bá kaa moo baŋ, asɛ ba taɡɛ ɡbera la do.