We-ɛɛla 24:10 - mzwDBL

¹⁰ Belaa ba harɛ nomoa la kpɔ nɔn ɛ Pɔɔl ŋɔ ó bol wa, asɛ Pɔɔl ŋɔ, “Nomoa, n jemɔ kɛŋɔ haa lea di nomonome dɛ bol waa dɛɛ pa bole harɛ nɔ ta biɡro. Anomanta, a som n be kɛ haa dɛ ba n waa nɔ ta nyiŋa nɔ.

We-ɛɛla 24:10 Referans Kwoze

1 Pita 3:15

Hɛ́ɛ duu Yeesu Kristo dɛɛ ɔmɔ he bambile bini kɛŋɔ he Dɔɔree on. Hé kpɔ he te saŋ bɛlbwa, ásɛ nomɛlbwa bɔɔ heyaa he hwɛɡa haa dɔa nɔ wa aa, he won baɡlo a bini.

We-ɛɛla 26:1

Anee Kooro Aɡrepa ŋɔ Pɔɔl be ŋɔ, “N tɛɛ ŋwɛnɛ, ir dɛ́ bol he kon.” Waa ŋɔ ɡɛ la, Pɔɔl ir nɔn dɛ baɡle kɛŋɔ o dɛ ba o kon bola bá no, dɛ ŋɔ,

We-ɛɛla 23:24

Nyin konteehna tɛ Pɔɔl ásɛ o so bɛl ta, dɛ́ la o ne sɔnɔnɔɔ ka tɛ harɛ nomoa Fɛlekse.”

We-ɛɛla 21:40

Waa ŋɔ ɡɛ la, nomoa la tɛo ŋwɛnɛ, asɛ o che dea la sanjol ta dɛ kpɔ nɔn ɛɡɛ nɛra la ŋɔ bá tɔ nyoa. Ba tɔ nyoa surumm ken, asɛ Pɔɔl kpɔ Aram tena wobol dɛɛ bol waa ba be, dɛ ŋɔ.

We-ɛɛla 19:33

Bela Juu tena fe ɡelɔ ba bini bɛl baa dɛ yerɔ Alɛksanda la ir che, dɛ fe tɔh ba nyoa ŋɔ ba laa ba waa la ne. Anee o kpɔ nɔn ɛɡ ba ŋɔ bá tɔ nyoa, ásɛ o fe tɔh o bwɛɛ tena nyoa.

We-ɛɛla 18:15

Kɛ aa ɛ waa waa bola ne he bwɛɛ tena sɔna ne he bwɛɛ waa ɡbo waa nɔ te, hé ɡbaɡba ka nyiŋi a ta. Maa a ɡɛ waa nɔɔ bol.”

We-ɛɛla 13:16

Belaa Pɔɔl ir che dɛ kpɔ nɔn ɛɡ ba ŋɔ bá tɔ nyoa, dɛ ŋɔ, “N bala Israel tena ne he nɛra haa baa ja ya nɛɛ dɛɛ tomɛ Korowii, hé no n be.

We-ɛɛla 12:17

Anee Pita kpɔ nɔn ɛɡ ba ŋɔ bá bwa tɔ nyoa, asɛ dɛ baɡle ɡɛ Korowii aa leo o dea doe la ta bwa. O ŋɔ ba be ŋɔ bá ŋɔ Jems ne ba bala la kar la be, dɛ le kaa bobɛl.

Amanesoma Luk Aa Chwera Tɔn 18:2

O ŋɔ ba be ŋɔ, “Nomoa bɛlee fa lole dɛɛ bol waa dɛɛ pa bole kɔɔto, dɛ do bwɛɛ bɛl ta. Dɛ waa Korowii ɔmɛ, waa nɛn ɡe heeh.

Amanesoma Luk Aa Chwera Tɔn 12:14

Asɛ Yeesu ŋɔ o be ŋɔ, “Nɛmbaa, umee kpɔ mɛ cheɡ ŋɔ ń bol he waa dɛ́ bɔne he kapɛrɛ ɔ?”

1 Samoɛl 2:25

Nɛn ɛ o dɔŋ wechɔɡa aa, Korowiirii dɛ́ won kwaa ba baah. Kɛ dɛ nɛn ɛ Korowii wechɔɡa aa, nɛn toole dɛ́ cha naate kpa.” Bii la ta ba mɛɛ kaeh waa kah ba la noɛ, dɛ Korowiirii ɛa ɡɛ dɛ́ kpoo ba.

Amanesoma Luk Aa Chwera Tɔn 12:11

Dɛ ba yerɛ heyaa ka che cheremi deene bini ne harɛ nɔ ta nomonome sie naa, he bɛ ɡel waa haa bol dɛ lɛ he te la hiah heya,