We-ɛɛla 23:3 - mzwDBL

³ Belaa Pɔɔl ŋɔ, “Korowii ɛɛ lɔe bɔ kem, nɛra sie ta ɡboo he ɛ nɛndɛɛɡe kɛŋɔ dekɔɔh baa lɔɔ fula. Haa chema nɔ, ɡɛ Mmara aa chaɡla laa hɛɛ ba nyiŋa dɛ́ bol n wa aa? Aah dɛ haa ŋɔa bá lɔɔ mɛ nɔ, dɛ Mmara tɛ ŋwɛnɛ ɡɛ naa?”

We-ɛɛla 23:3 Referans Kwoze

Amanesoma Jɔn Aa Chwera Tɔn 7:51

“Mosis Mmara ta, yaa wonoo pa nɛn bolchɔɡe dɛ ya ta on yerɛ dɛ bɔɔro dɛ jemɛ waa waa ɛa mɔɔ naa?”

Emɔs 5:7

He berɛ waa aa ɛ kasinteŋ sie, dɛ tɔ waa aa toɡra ŋwɛnɛ.

Wejereme 3:16

N berɔ na waane harɛ nɔ ta ja, nyubinikpeɡ chiɡ kasinteŋ bole pae naa ta, wechɔɡa ɡe chiɡ waa aa toɡra naa ta.

Yela 94:20

He ne nɛnchɔɡa baa wola waa bol aŋwɛnɛ ta, ne nɛra baa kpɔ nyosone berɛ kasinteŋ la toole wobɛlbwa bini.

Lewi Dea Tena 19:35

He bɛ nɛra dɛɛ faah kwaa maɡa ta.

Lewi Dea Tena 19:15

Hé nyiŋi dɛɛ pa waa bole aŋwɛnɛ ta. Naate ɛ nyaaraa, he bɛ o nɛɛ sune, he bɛ suuɡa te ɡe siebɔr nyiŋi. Kpɔ kasinteŋ pa he dɔŋ bole.

Amanesoma Jɔn Aa Chwera Tɔn 18:24

Asɛ Anas ɡel ba la Yeesu ne Sɔfonomoa Kaefas be, dɛ o nɔɔra ta vɔrɔwɔ ɡɛ.

1 Koranar 22:24

Ate, Kenaana bibaa Korowii keame Sedekia la dɛ ka kpaa Korowii keame Mikaya lwɛɛma dɛ ŋɔ, “Saŋ besoo Korowii Doma ɡel mɛ dɛ ba bol wa he be bwa nɔ?”

We-ɛɛla 23:4

Anee nɛra baa cheɡɛ Pɔɔl jwɛɛh la ŋɔ, “Hei! Sɔfonomoaa hɛɛ chɛɡre naa?”