We-ɛɛla 23:12 - mzwDBL

¹² Tɔ aa pera la, Juu tena la bane chemo dɛ vɔrɔwe waane. Ba ŋwɛɛ ntam ŋɔ dɛ ba ta Pɔɔl kpoe yaa, ba bɛlbwa bɛ kwaa di, o bɛ nee nyɔ. Ba ŋɔ nomɛlbwa waa to ntam la, Kórowii kpoo.

We-ɛɛla 23:12 Referans Kwoze

We-ɛɛla 23:30

A habɔɔ la, n berɔ ba no kɛŋɔ ba vɔrɔwe o vɔrɔwa dɛɛ nyin o kpoe, asɛ n ŋɔ a chɛ kɛ ń ba o ne he be buɡ ta. N ŋɔ nɛ́ra o ne baa dɔa la ɡe ba he be, dɛ́ ba baɡle waa la aa lɔ o ne ba baah ta. N jaɡɛ bonɔ.

We-ɛɛla 23:21

Kɛ bɛ Pɔɔl kpɔ tɛɛ ba, dɛkalkɛ ba nɛra dɛ ɡwaa fifraanaarɛ sɔh ŋwɛnɛ ta dɛ́ kpoo. Gɛ nɛra la ŋwɛɛ ntam ŋɔ ba ta Pɔɔl kpoe yaa, baa kwaa di, baa nee ɡee nyɔ. Ba ɛ wobɛlbwa tonɛ. He siwi taa baa nyiŋi.”

We-ɛɛla 23:14

Ba la Sɔfonomonome ne bwɛɛ nomonome be dɛ ka ŋɔ ba be ŋɔ, “Ya ŋwɛɛ ntam ŋɔ dɛ ya ta Pɔɔl kpoe yaa, yaa kwaa di.

Yela 31:13

N noɔ nɛra ɡalɡa ɛɛ ŋwalɛ ŋɔ, ɔmee kohona chole n nɛ. Ba dɛ vɔrɔwe n vɔrɔwa, dɛ́ kpo mɛ.

We-ɛɛla 25:3

ó cha ba dɛ́ ba Pɔɔl ne Jerusalam ba tɛɛ ba. Dɛ ba dɔɔ vɔrɔwe cheɡ kɛ dɛ ba dɛ ba Pɔɔl ne naa, nɛ́ra ba sɔh ŋwɛnɛ ta dɛ́ kpoo.

Jeremia 11:19

Dɛ n do kɛŋɔ pebie waa pwɛra ba lawɔ dɛɛ kaa kpobɔr ken. N ta jemɛ kɛŋɔ ba dɛ vɔrɔwe n bwara wechɔɡa ŋɔ, “Hé ɡel ya kpo Jeremia ɡɛ ba yon chɔɡ daa ne o nɔna bwa la, dɛ́ kpoo le harɛ nɔ ta, ásɛ o sɔn den he kwaraa.”

Matiu 26:4

dɛ ka so dɛɛ nyin ŋwɛnɛ baa che o ta dɛ́ lawɛ Yeesu dɛ́ kpoo nomɛlbwa aa wola jemɛ.

2 Koranar 6:31

A habɔɔ, kooro la ŋwɛɛ ŋɔ, “Dɛ n ta Safat bibaa Elaesa nyu teŋe fini naa, Korowii kpo mɛ!”

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

1 Kɔrent 16:22

Nomɛlbwa waa wola ya Dɔɔ nyin la, Korowii nyotaahna lɔ o nɛ. Ya Dɔɔ, ba!

1 Koranar 19:2

Anee o haah la tomɛ torome Elaeja be ŋɔ, “N ŋwɛɛrɔ kɛŋɔ kere saŋ nɔ dɛ n ta hen kpoe kɛŋɔ haa kpoo voɡ tena la aa, voɡare la kpo mɛ.”

1 Samoɛl 14:24

Lɔr kpo Israel tena ba ɡwɛɡre awola, dɛkalkɛ dɛ Kooro Sɔɔl ŋwɛɛrɔ kɛŋɔ ba bini bɛlbwa waa di kondikwaa mɔɔ wee le la, nyotaahna lawɛ naate mɔɔ ó tɔ o dɔma wel. Anomanta, o laa tena la bɛlbwa ta kondikwaa dii.

Matiu 27:25

Anee nɛra la ŋɔ, “Ɔɔh, hé te ɡel o seo wobɛlbwa dawɛ ya ne ya naanar nɛ!”

Matiu 26:74

Asɛ Pita ŋɔ, “N ŋwɛɛ Korowii kɛ dɛ n jemɛ baa nɔ bobɛlbwa naa, ó bɛ men ɡel!” Buɡ la ta, dɛ jabal sio,

Nehemia 10:29

Ba bwa kpɔ ba te ja ba sitɔɔla nɛɛ dɛ ŋwɛɛ ntam kɛŋɔ, baa teŋɛ Korowii Mmara waa cheɡɛ o bonɔɔ Mosis nɛɛ dɛ kpɔ tɛ la taa, dɛ́ nyiŋi kɛrɛdɛ dɛɛ teŋɛ o waa waa do ba a ta ne o webaɡla bwa ta. Ba ŋɔ, dɛ ba ta a ta teŋaa, Kórowii taah ba.

Josua 7:15

Naate maa lawɔ ŋɔ kwaa maa ŋɔa ba le cheɡ mɛ la lɔ o be la chɛ kɛŋɔ, bá fuh o ne komɛlbwa waa dɔa. O chɔɡ n fɔo n ne baa fɔwa la, dɛ ɛ sihihwa Israel harɛ ta.”

Josua 6:26

Bwɛjen Jeriko paɡra bini la, Josua ŋwɛɛ ntam kɛŋɔ Korowii taah nomɛlbwa waa berɛ ba vɔrɔwe Jeriko ja. “Nomɛlbwa waa ba pe bwɛjen la mun la, o bibanloɡle sewɛ. Nomɛlbwa waa ba cheɡ o doonyoo la, o bibambechala sewɛ.”

Lewi Dea Tena 27:29

Dɛ nɛn kwaraa ba kpɔ ba tɛ mɛ ɡɛ ŋwɛnɛ la ta naa, nɛn aa won berɛ yawɔ kpa. Kpoe dena chɛ kɛ bá kpoo.

Josua 7:1

Israel tena la ɛ deŋnekpeɡ, dɛ kpɔ kwaa baa lea cheɡ tɛ Korowii waa ŋɔa ba bɛ kpɔ la ta. Baa bɛl baa dɛ yerɔ Akan, o mɛɛ sɔne Kaami. Kaami ɡe mɛɛ sɔne Simri, asɛ o nabaa sɔne Sɛra, o le Juda dea. A ɡɛ Akan nɔɔ kpɔ kwaa baa lea cheɡ tɛ Korowii waa ŋɔa ba bɛ kpɔ la, asɛ a che a ta Korowii baah di ba nɛɛ kohona la.

Mumpar 37:18

Waa dɛ tel bela la, o dɔɔranar la te tɔ sie nao kɛŋɔ o taa lɔ bojaŋ. O ne bela tela la, dɛ ba te vɔrɔwɔ tonɛ kɛŋɔ ba kpoo.

Jeremia 44:25

Koranar Bwa Kooro, Israel tena aa dɛ tomɔ la ŋɔ, ‘He ne he haahna we-ɛɛla dɛ baɡle waa haa ŋwɛɛra dɛ ŋɔ hɛɛ sɛoh fuh daawiile dɛ́ fuɡe sen ɛ sarahare tɛ Nyundua Haŋkooro la.’ Hé teŋɛ he nyobaɡa la ta! Hé ka ɛ ɡɛ haa ŋwɛɛra la!

We-ɛɛla 9:23

Aa biɡra tama la, Juu tena la chemo dɛ vɔrɔwe ŋɔ bá fe kpo Sɔɔl,

We-ɛɛla 9:24

asɛ o no ba waa baa vɔrɔwa la. Dɛ ba dɛ daah bwɛjen la doonyoone chɔɔ ne jwaana bwa dɛɛ nyin bɔr dɛ́ kpoo.

We-ɛɛla 23:13

Ba nɛra ba nyoa aa pɛa ba vɔrɔwe ɡɛ waa nɔ la ɡwaa nɛra fifraanaarɛ.

2 Kɔrent 11:26

N ɡaaɡebala nɔ ta la, neerare suuɡo dɛ tɔ mɛ do, n do siswɛm ta ka, asɛ ŋwɛɛra baa dɛ kpo nɛra dɛɛ kpɔ ba laala ɡe fe ɛɛ nyin n kpoe. N bala Juu tena ne nɛra baa wola Juu tena ɛɛ bwa ɡe cheɡɛ n nɛɛ dɛ fe ɛɛ nyin n kpoe. Bwɛjena ta ne kpɔɡ baah ne mpo ta bwaa n na sibeɡrewa. N na sibeɡrewaa nɛra baa wola asɔre tena kpelakpela ɛɛ be.

1 Tesalonika 2:16

dɛkalkɛŋɔ ba dɛ tɔ yaa ŋwɛnɛ ya bɛ Korowii Waa la bol chaɡle nɛra baa wola Juu tena ɛɛ la, ásɛ Korowii bɛ ban lɛ. Anomanta, ba wechɔɡa dɛ warɛ tɔpere bɛlbwa, ásɛ Korowii bwaawee ir ba nɛ.

Ɛsta 2:22

Mɔdekae no waa la, dɛ ka taa baɡle kooro haah Ɛsta. Asɛ o ɡe kpɔ ka taa kooro be kɛŋɔ, ɡɛɛ Mɔdekae no dɛ ba bol o be.