We-ɛɛla 21:8 - mzwDBL

⁸ Tɔ aa pera la, ya le bela dɛ ba Sisaaria, dɛ ba choɡ Felep. Dɛ o ɛ nɛra banuanɛ ba fa aa lee ba Jerusalam ŋɔ báa nyiŋi suuɡa waa ta la bɛl. Dɛ o dɛ ɡaaɡe dɛɛ bol Korowii Wa.

We-ɛɛla 21:8 Referans Kwoze

We-ɛɛla 6:5

Nɛra la bwa sie lɛ waa la Yeesu toroma la aa bola la ta, dɛ le baa bɛl Korowii Domadɛɛɡe aa soɡe o nɛɛ kpeɡri nɛɛ wɛɛ yarada Korowii, dɛɛ tomɔ kasinteŋ ne baa yerɔ Steeven la. Nɛra baa jaa la ɡe sɔnaa Felep, ne Prokɔrɔs, ne Nikenɔ, ne Taemɔn, ne Paamenas, dɛ Nikolas. Dɛ Anteɔk tee Nikolas nɔ, asɛ wɛɛ tomɛ Korowii Juu tena ŋwɛnɛ baa dɛ tomɛ Korowii la ta.

Ɛfesos 4:11

Onee kɛ nɛra kwaa la. Kwaa waa kɛ nɛra laanee nɔ. O cha bane ba won che o kpeɡri ta dɛ ɛ o toroma, dɛ cha bane ba won che o kpeɡri ta dɛ bol o wa, dɛ cha bane ɡe baa bol o Amanesoma la. O cha bane ɡe baa nyiŋi o nɛra nɛɛ dɛɛ baɡ ba o ŋwɛnɛ ta teŋa.

2 Timoti 4:5

Kɛ he te, dɛɛ lawɛ he te wobɛlbwa ta. Wekpeɡa pui naa, lawɛ bambile. Dɛɛ lɔ Amanesoma la dawuro, ásɛ dɛɛ ɛ he toma bwa kɛ Korowii bonɔɔ.

We-ɛɛla 28:16

Waa ba Rom la, ba tɛo o ɡbo dea, dɛ ɡel sooja beŋkpoŋ ɛɛ daahno.

We-ɛɛla 16:13

Ona Tɔpere la ta la, ya le dem dɛ la bwɛɛ la moo nyoa. Dɛ ya dɛ lii kɛ Juu tena ɛɛ dɛɛ cheme belaa dɛɛ soŋe Korowii. Dɛ haahna bane cheme bela, asɛ ya so harɛ dɛ bol waa ba be.

We-ɛɛla 16:10

Pɔɔl aa na wepila la, men maa dɛ chwerɛ tɔn nɔ ne o kpɔ ya te dɛ kaa Makidoonia harɛ, dɛkalkɛŋɔ ya jemɔ kɛ Korowiirii dɛɛ nyin kɛ ya la ka bol Amanesoma la bela tena be.

We-ɛɛla 9:30

Sɔɔl bala asɔre tena la aa baa na ɡɛ la, ba kpɔɔ kaa Sisaaria, dɛ ka doo ŋwɛnɛ bela o kaa Taasos.

We-ɛɛla 28:11

Ya di korobie atoro bela mɔɔ dɛ dɔ Alɛksandrea tena stiimae bɛl baa dɛ yerɔ Voɡkpara la bini jo. Peujen saŋ la aa tela la, stiimae la tena baa so Mɔlta, ásɛ peujena la tonɛ mɔɔ ba le.

We-ɛɛla 27:1

Ba vɔrɔwɔ ŋɔ yá kpɔ nee ta kaa Itali harɛ bela Rom Koojen aa soɡa la. Anomanta, ba kpɔ Pɔɔl ne nɛra bane baa do ba ɡe dea ja o nɛɛ la tɛ Rom Koojen soojanomoa bɛl baa dɛ yerɔ Juleɔs la.

We-ɛɛla 23:23

Soojanomonjen la yerɛ o soojanomonome la banɛ, dɛ ŋɔ ba be ŋɔ, “Hé nyin soojare lafraanɛ, dɛ nyin soojare baa soɡe jaɡre ta dɛɛ yo la ɡe fifraanuanɛ, ne soojare baa dɛ yo lampea ne la lafraanɛ ásɛ ba la Sisaaria fini jwaana dɔŋ anuanaarɛ saŋ.

We-ɛɛla 20:13

Ya kaa kpɔ ya stiimae la kaa bwɛɛ bɛl baa dɛ yerɔ Asos la ta. Dɛ ya fe dɛ lii kɛ ya ka kpɔ Pɔɔl Asos bela, dɛkalkɛ dɛ ya ne o vɔrɔwɔ asɛ o ŋɔ wɛɛ kpɔ harɛɛ dɛɛ cheme yaa bela.

We-ɛɛla 20:6

Ya tɔpejena yaa dɛ di Paanoo Iisi Aa Wola Toole a ta la ɡarɔ mɔɔ ya che Felepae jo stiimae bini. Yaa le Felepae la, a tɔpera anuee ya ba puu ba Troas. Ya di yawanyoa Troas bela.

We-ɛɛla 18:22

Waa tel Sisaaria la, o la Jerusalam dɛ ka chɔɔ bela asɔre tena, dɛ le bela kaa Anteɔk.

We-ɛɛla 16:16

Awola bɛl, ya dɛ la Korowii soŋebɔr moo nyoa bela dɛ ka na bitolo bɛl. Dɛ nɛra bane yomii, asɛ kwaa ɡe ɛɛ ir o nɛ, asɛ o yon dɛɛ voɡɛ. Dɛ o voɡa la ɡelɔ nɛra baa dɔɔ la ɛɛ dɔ suuɡa taeh.

We-ɛɛla 10:1

Dɛ baa bɛl lɔ Sisaaria baa yerɔ Kɔnɛɛleɔs. Itali harɛ soojare bane nomoaa on.

We-ɛɛla 21:16

Yeesu habɔteŋra baa le Sisaaria la bane ɡe teŋɛ ya nɛɛ la, dɛ tɔ ya sie la ya ne baa la ya fe aa dɛ ba o dea choɡa la dem. O le Saepros, dɛ ɛ nɛnloɡla baa lɛ Yeesu waa la bɛl, asɛ baa yerɔ Meesan.