We-ɛɛla 2:5 - mzwDBL

⁵ Dɛ nɛra baa dɛ ɔmɛ Korowii dɛɛ tomɔ ɡɛ Juu tena aa dɛ tomɔ la le harɛ ta bobɛlbwa dɛ ba su Jerusalam bwa.

We-ɛɛla 2:5 Referans Kwoze

We-ɛɛla 8:2

Nɛra baa dɛ ɔmɛ Korowiirii kaa huɡe Steeven dɛ wiu kɛrɛdɛ.

Amanesoma Luk Aa Chwera Tɔn 2:25

A ɡɛ saŋ la dɛ baa bɛl lɔ Jerusalam baa yerɔ Simeon. O ɛ nɛndɛɛɡe, dɛɛ ɔmɛ Korowii, dɛ o dɛ nyiŋi naate waa dɛ ba ó ba lɛ Israel tena ŋwɛnɛ. Dɛ Korowii Domadɛɛɡe ir o nɛ,

Kolosi 1:23

Dɛ he ta kpoŋe waa haa dɛ yaradaa la bini, he ta habɔɔ leɛ, dɛ dɔ hwɛɡa le Amanesoma la baa bola baɡle heyaa he no la ta kɛŋɔ nomɛlbwa aa won chɔɡ he liire he bɛ dɛɛ hwɛɡɛ kpa aa, amɔ hɛɛ wonoo che o sie. Ba dɛ bol Amanesoma nɔ bobɛlbwa. N ɡbabir dɛ bola, dɛkalkɛŋɔ Korowiirii lee mɛ.

We-ɛɛla 22:12

Damaskɔs bela la, dɛ baa bɛl lole baa yerɔ Ananias. Dɛ o ɛ nɛn waa dɛ tomɛ Korowii kɛrɛdɛ dɛɛ teŋɛ Mosis Mmara la ɡe ta kɛrɛdɛ, asɛ Juu tena baa lɔ bela la bwa ɛɛ tɛo duure kohona.

We-ɛɛla 13:50

Anɔ bwa aa dɛ ɛ la, dɛ bela Juu tena la ir bela bwɛjen nomonjena ne haahna bane baa ɛ nɛnjena dɛɛ tomɛ Korowii la bwaawee, asɛ ba baah di Pɔɔl ne Banabas nɛ, ba hah ba dɛ doŋ ba le ba bela bwɛɛre la ta.

We-ɛɛla 10:7

Nyundua torome la aa bol waa tonɛ la, o kaalɔ, asɛ Kɔnɛɛleɔs yerɛ o bonɔɔna banɛ ne sooja bɛl waa dɛ tomɛ Korowii kohona dɛɛ teŋɛ o Kɔnɛɛleɔs nɛɛ saŋ bɛlbwa la,

We-ɛɛla 10:2

O ne o dem tena bwa dɛ tomɛ Korowii. Dɛ o dɛ cha Juu tena baa ɛ nyaara la taeh, dɛɛ soŋe Korowii saŋ bɛlbwa.

We-ɛɛla 8:27

Felep iro chiɡ ŋwɛnɛ ta dɛɛ kaa, dɛ ka na Itiopia harɛ haŋkooro Kandase nomoa waa dɛ cheɡ o suuɡa dɛɛ nyiŋi o kondɔɔh bwa la. Dɛ ba fɔɡɛ a ɡɛ baa nɔ lur. O la Jerusalam ka tomɛ Korowii dɛ berɛ dɛɛ kaa o bwɛ.

We-ɛɛla 2:1

Ba tɔpejen baa dɛ yerɔ Pɛntekɔs la telo, asɛ ba bwa cheme bobeŋkpoŋ.

Amanesoma Jɔn Aa Chwera Tɔn 12:20

Dɛ Grik tena bane ja nɛra baa kaa Jerusalam dɛɛ la ká tomɛ Korowii Galekaa tɔpere la ta la nɛ.

Amanesoma Luk Aa Chwera Tɔn 24:18

Asɛ ba nɛra banɛ la bini bɛl baa dɛ yerɔ Kliopas la chaŋo ŋɔ, “He te ta waa aa chiɡ bonɔ tɔpera anɛ nɔ noɛ kɛɛ? Jerusalam nɛŋhɔɔhree hen kɛɛ?”

Amanesoma Luk Aa Chwera Tɔn 17:24

Gɛ bwaala yon nyɛɡle nyundua bwa chaah la, ɡɛɛ Men Nɛn Bie la bala ɛɛ ba doe, nomɛlbwa na mɛ.

Matiu 24:14

Baa bol Korowii Kora Amanesoma nɔ waa harɛ nɔ ta bobɛlbwaa, ásɛ nɛwɛnyini te bɛlbwa no mɔɔ waa bwa jaɡa saŋ la tel.”

Sekaria 8:18

Koranar Bwa Kooro bol waa men Sekaria be ja ŋɔ,

Aesaya 66:18

Maa jemɛ ba liire ne ba we-ɛɛla nomanta, n dɛ ba ń yerɛ harɛre nɛra, ne wobol bɛlbwa tena bwa cheme, ásɛ ba na n jirima.

Mmarare 2:25

Fini tɔpere nɔ, mɛɛ pa munii dɛ́ ɡel harɛre bwa nɛra baa no he waa la ɛɛ ɔmɛ kohona, dɛ́ kpɔ ɔmee ne bochela ta ba nɛ.’

Kaala 23:16

Hé di Koo Kondikwaa Koma Tɔpejen la he koo kondikonloɡla ne. Hé di Koo Kondikwaa Nyoa Boara Tɔpejen la, benanyoa la aa ba kaa o jaɡa he yon boa he kooni kondikwaa bwa nyoa ba cheɡ dem la ta.