We-ɛɛla 2:14 - mzwDBL

¹⁴ Belaa Pita ne o bala Yeesu toroma fi dɛ beŋkpoŋ la ir che, asɛ Pita ɛɛ bol waa takpeɡ ne dɛ ŋɔ, “Yabala Juu tena ne he nɛra haa cheme Jerusalam bwa, hé cheɡ deŋne dɛ́ no waa nɔ aa dɛ ɛ nɔ mun.

We-ɛɛla 2:14 Referans Kwoze

Aesaya 51:7

He banɔ la haa jemɛ waa aa toɡra, dɛɛ teŋɛ me mmarare ta la, hé no n be. He bɛ bammuɡla nɛra aa dɛ ɛ heyaa la ɔmɛ, kɛɛ he bwara hwah chɛɡa baa dɛ chɛɡɛ heyaa la wa.

We-ɛɛla 5:35

Anee o ŋɔ nomonome la be ŋɔ, “Yabala Israel tena, hɛ́ɛ do nɛra nɔ dɛɛɡɔ kɛrɛdɛ.

Hosia 8:1

Korowii ŋɔ Israel tena be ŋɔ, “Hé hoh laa bɛla. He dɔma dɛ ba he nɛɛ kɛŋɔ kee aa le nyundua dɛɛ tu la, chɔɡa haa chɔɡ n ne he fɔo, ne deŋnekpeɡ haa ɛa men Mmarare ta la wa.

Aesaya 58:1

Korowii ŋɔ, “Kpɔ takpeɡ bol wa, bɛ hel! Gel he taa le kohona kɛŋɔ bɛla! Ŋɔ n nɛra Israel tena be ba deŋnekpeɡ ne ba wechɔɡa baa ɛɛ mɛ la wa.

Aesaya 51:1

Korowii ŋɔ, “He banɔ la he siwi aa swɛɛ waa aa toɡra ta, hɛɛ nyin he jem mɛ la, hé no n be. Hé lii he nabaa Abraham waa do kɛŋɔ bwe baa pɛɡre heyaa le o ta, ne bɔɔ baa kwi heyaa le o bini la.

Mmarare 27:9

Mosis ne Lewi dea sɔfore la ŋɔ Israel tena la be ŋɔ, “Israel tena, hé hel dɛ́ no! Hé lii kɛŋɔ he ɛ Korowii haa dɛ tomɔ nɔ nɛra.

We-ɛɛla 21:28

dɛ kpɔ takpeɡ dɛɛ ŋɔ, “Israel tena, hé ba cha yaa oo! Baa nɔɔ vala dɛɛ bol waa bobɛlbwa dɛɛ yaɡɛ ya Israel tena ne Mosis Mmara ne Korowii Dea nɔ la. Name te kwara doŋaa o kpɔ baa jo ya Korowii Dea nɔ bini. Nɛra baa wola Juu tena ɛɛ, Grik tena baa wola chɛɛ kɛŋɔ ba jo Korowii Dea la, banee o lawɛ baa jo o bini!”

We-ɛɛla 7:2

Anee Steeven chaŋe ŋɔ, “N mɛɛwa ne n dɔɔranar, hɛ́ɛ no waa nɔ maa dɛ ba bola nɔ! A ɡɛ saŋ la ya naa Abraham aa wola Haran kaalɛ mɔɔ la, Korowii waa ɛ jirima bwa dɔɔ la ba o be Mɛsopoteemea harɛ ta,

We-ɛɛla 2:22

N bala Israel tena, hé no waa nɔ. Yeesu waa le Nasarɛt la fa ɛ nɛn bɛl Korowii aa ɡela o won dɛɛ ɛ nyokpowa, asɛ he na dɛ won jemɛ kɛŋɔ Korowii kpeɡri nee wɛɛ ɛ o toma kpela. A ɡɛ waa nɔ ta heyaa wehɔɔhra ɛɛ.

We-ɛɛla 1:26

Baa ta bie la, Matayasee dia, asɛ ba kpɔɔ ja Yeesu toroma fi dɛ beŋkpoŋ la nɛ.

Aesaya 55:2

Bɔkwa waa hɛɛ chɔɡ suuɡa kwaa aa wola kondikwaa ɛɛ ta, dɛɛ koh kwaa aa wola vaɡɛ ta nɔɔ? Hé cheɡ deŋne kɛrɛdɛ dɛɛ no waa maa dɛ baɡle heya, ásɛ dɛ dɔ kondikondɛɛɡa di.

Aesaya 52:8

Nɛra baa dɛ daah bwɛjen la pɛo dɛɛ do lɔŋɔre silɛɛ ne! Ba na Korowii ba siwi ne kɛ waa bera dɛɛ ba Saayɔn!

Aesaya 51:4

N nɛra, hé no n be! N harɛ ta nɛra, hé cheɡ deŋne no waa maa dɛ bol nɔ. Mɛɛ ɡeloo he jemɛ me Mmarare, ásɛ n kasinteŋ ɛ kandea dɛɛ chaah harɛre nɛra.

Sɛɡla 8:32

N bii, name hé no n be, nomɛlbwa waa dɛ teŋɛ n waa ta la, o na som.

Jems 2:5

Yabala, hé no! Korowii we-ɛɛlaa kɛŋɔ ó le harɛ nɔ ta nyaara baa yaradao kɛrɛdɛ ásɛ ba yarada la ɛɛ ba kondɔɔh, ásɛ ba dɔ bɔr dɛ́ ja o Kora waa baɡɛ nyoa ŋɔ wɛɛ ɡeloo nɛra baa dɛ nyinu ja o ta la.

We-ɛɛla 13:16

Belaa Pɔɔl ir che dɛ kpɔ nɔn ɛɡ ba ŋɔ bá tɔ nyoa, dɛ ŋɔ, “N bala Israel tena ne he nɛra haa baa ja ya nɛɛ dɛɛ tomɛ Korowii, hé no n be.

Aesaya 40:9

Jerusalam tena, he teeh kaa bwejena dor, dɛ́ ka bol amanesoma la! Hé bola takpeɡ ne, he bɛ ɔmɛ, hé ŋɔ Juda harɛ bwɛɛre nɛra be ŋɔ, “Korowii haa dɛ tomɔ la dɛ ba.”

Matiu 2:1

Gɛ saŋ baa lolɛ Yeesu Bɛtlɛham waa lɔ Juda harɛ ta la, dɛ kooro bɛl baa dɛ yerɔ Hɛrɔd di kora. Belaa wejerema bane baa jemɛ weweela waa le wee leebɔr harɛ bɛl ta dɛ ba Jerusalam,