We-ɛɛla 15:2 - mzwDBL

² Pɔɔl ne Banabas ne ɡɛ nɛra la tɔŋle dɔŋa kɛrɛdɛ. Anomanta, ba tomɛ o ne Banabas ne Anteɔk asɔre tena la bane Jerusalam ŋɔ bá ka na Yeesu toroma la ne asɔre tena nomonome la a ɡɛ waa la wa.

We-ɛɛla 15:2 Referans Kwoze

Galaasia 2:5

Yaa wola nyin kɛ bá won berɛ Amanesoma la sie ásɛ kasinteŋ la do le tɛ heyaa la, ya ta ban sie tɛɛ kwaraa.

2 Kɔrent 11:5

Maa lii kɛ nɛra baa dɛ maŋkura ba te kɛ ba ɡwaa Yeesu Kristo toroma la ɡwaa mɛ ŋwɛnɛ bɛlbwa ta.

We-ɛɛla 15:4

Baa tel Jerusalam la, Yeesu toroma la ne bela asɔre tena ne ba nomonome lɛɛ ba kɛrɛdɛ. Pɔɔlwa baɡle toma Korowii aa cheɡɛ ba nɛɛ dɛ ɛ bwa.

We-ɛɛla 11:30

Ba ta a ɡɛ suuɡa la, dɛ kpɔ tɛ Banabas ne Sɔɔl ba ka tɛ Juda harɛ asɔre tena la nomonome.

Tɔn Jud Aa Chwera 1:3

N dandɛɛɡa, n siwi fe swɛɛrɔ mɛɛ nyin kɛ ń chwerɛ heyaa tɔn dɛ baɡle lɛɛ Yeesu aa lɛ n ne he bwa la wa, asɛ n berɛ na kɛŋɔ a chɛ kɛ ń chwerɛ heyaa buɡ nɔ ta dɛ́ do heyaa ɡbemba, ásɛ hɛɛ yo waa yaa dɛ yarada la wa. Korowiirii fa baɡle o nɛra ba wa aa toɡra ɡɛ baa dɛɛ tomɔ. Gɛ waa baɡ ba la aa berɛ bwa.

1 Kɔrent 1:1

Menee Pɔɔl aa too Korowii tea asɛ o lee mɛ ŋɔ ń ba ɛ Yeesu Kristo torome la. N ne n dɔŋ Sɔɔstenes bwaa chwerɛ tɔn nɔ dɛɛ tɛ he asɔre tena haa lɔ Kɔrent dɛɛ tomɛ Korowii la.

We-ɛɛla 21:18

Tɔ aa pera la, Pɔɔl kpɔ yaa la Jems be, dɛ asɔre tena nomonome la bwa lɔ bela.

We-ɛɛla 16:4

Baa valɛ bwɛɛre la ta dɛɛ kaa la, ba bol koŋkiila Yeesu toroma la ne Jerusalam asɔre tena nomonome la aa baɡla kɛ nɛ́ra ɛɛ ki la waa bela asɔre tena be.

We-ɛɛla 15:27

Ya ŋɔ Júdas ne Silas ɡe ja ba nɛɛ dɛ ba bol tɔn nɔ bini waa tenten hé no.

We-ɛɛla 15:25

Anomanta, ya chemo ya nyoa pɛ, asɛ ya ŋɔ yaa le nɛraa ásɛ ba ne Banabas ne Pɔɔl ba wa aa too ya tea kohona la ba he be.

We-ɛɛla 11:12

Belaa Korowii Domadɛɛɡe la ŋɔ n be ŋɔ n bɛ ɔmɛ, kɛ ń teŋɛ ba nɛɛ kaa. Yabala banumɛl nɔ baa le Jopa nɔ ɡe teŋɛ n nɛɛ la Sisaaria, asɛ ya bwa ka jo Kɔnɛɛleɔs dem.

We-ɛɛla 10:23

Belaa Pita ŋɔ ba be ŋɔ bá chɔ o be, ásɛ tɔɔ per ba kaa. Tɔ aa pera la, Pita bala asɔre tena baa lɔ Jopa la bane ja o nɛɛ asɛ ba ne toroma la kaa.

1 Samoɛl 8:7

Asɛ Korowii ŋɔ Samoɛl be ŋɔ, “No waa bwa nɛra la aa dɛ bol he be la, he laa ba vɛh kɛ ba kooro, men Korowiirii ba vɛh.

Kaala 18:23

He wono ɛ ken ɡɛ Korowii aa dɛ doe la aa, haa koeh ba kohona kpa. Ásɛ dɛ nɛra nɔ bini bɛlbwa berɔ dɛɛ kaa o dem aa, o kaa tetoora ne.”