We-ɛɛla 1:5 - mzwDBL

⁵ Nee nee Jɔn sɔ nɛra Korowii ne, kɛ aa tɔpere bɛlee di ásɛ Korowii kpɔ o Domadɛɛɡe la sɔ heya. Anomanta, hé so kpao.”

We-ɛɛla 1:5 Referans Kwoze

Matiu 3:11

N te, nee n kpɔ dɛɛ sɔ heyaa Korowii nee dɛ chaɡle kɛ he charɛ he liire le wechɔɡa ta. Kɛ naate waa ba n habɔɔ la te, wɛɛ kpɔ Korowii Domadɛɛɡe ne niinii sɔ heya. O ɡwaa mɛ. Maa o napaa tee kwaraa dɔ.

Amanesoma Luk Aa Chwera Tɔn 3:16

Anomanta, Jɔn ŋɔ ba be ŋɔ, “Nee tenten nee mɛɛ sɔ heya. Kɛ nomɛl ta dɛ ba dɛ ɡwaa mɛ, maa wola o napaa teera kwaraa dɔ. O te, Korowii Domadɛɛɡe ne nii nee wɛɛ ba heyaa sɔe.

1 Kɔrent 12:13

Juu tena o, Grik tena o, yoma o, nɛra baa dɔ ba te noo, Korowii kpɔ o Domadɛɛɡe la sɔ ya bwa ne, asɛ ya ɛ beŋkpoŋ. O tentenee o ɡel ya bwa dɔ dɛ nyɔ do ya bini.

Taetos 3:5

o lɛ yaa ta. Ya te wedɛɛɡa ɛɛ waa laa o lɛ yaa ta. Sunaa o sune ya nɛɛ dɛ lɛ yaa ta, dɛ sɔ yaa nee ya won do kɛ baa bera kwaa lolɛ yaa. O Domadɛɛɡe waa kpɔa tɛ yaa o kwaa yaa la nɛɛ ya che dɛ dɔ mkpafale la.

Amanesoma Mak Aa Chwera Tɔn 1:8

Maa sɔ heyaa Korowii nee la, nee ɡbaɡbaa n kpɔ sɔ heya. Kɛ o te ɛɛ kpɔ Korowii Domadɛɛɡe laanee sɔ heya.”

We-ɛɛla 19:4

Belaa o ŋɔ ba be ŋɔ, “Nɛra baa charɛ ba liire dɛ le ba wechɔɡa ta laanee Jɔn sɔ Korowii ne. Jɔn fa aa dɛ baɡle nɛra waa la, o ŋɔ ba be ŋɔ naate o taa lɔ sie dɛɛ ba bala la baa ba naa, bá yaradao dɛ́ kpɔ ba te tɛo. A ɡɛ saŋ la, Yeesu waa wɛɛ bol la.”

We-ɛɛla 10:45

Juu tena baa ɛ asɔre tena ba ne Pita le Jopa ba aa na ɡɛ la, ba nyoa kpoo kɛŋɔ Korowii aa ɡela o Domadɛɛɡe la ba so nɛra baa wola Juu tena ɛɛ ɡba nɛ,

Amanesoma Jɔn Aa Chwera Tɔn 1:31

Dɛ n ɡbabir fa aa on jemɛ, kɛ o waa n ba dɛ baa sɔ nɛra Korowii nee ásɛ Israel tena jemɔ.”

Joel 3:18

Saŋ la telo aa, daa kooni ɛɛ warɔɔ dɛ́ tɔ bwejena ta, nae warɛ do deŋɡarere bwa ta, ásɛ Juda harɛ nenabɔɔne bwa ɡe su ne. Nenapale bɛl ɛɛ palɔɔ le Korowii Dea dɛ́ kaa Akaasia Fɛlembɔjen ta, dɛ́ sɔɔh bela harɛ la bwa.

Matiu 3:6

Ba bol ba wechɔɡa chaɡlo waa, dɛ o sɔ ba Korowii nee moo la ta.

Amanesoma Jɔn Aa Chwera Tɔn 1:26

Belaa Jɔn ŋɔ, “Nee n te kpɔ dɛɛ sɔ nɛra Korowii ne. Nomɛl lɔ he bini taraken haa wola on jemɛ.

Amanesoma Jɔn Aa Chwera Tɔn 1:33

N te fe aa jemɛ kɛ onee, kɛ Korowii waa lee mɛ ŋɔ ń ba kpɔ nee dɛɛ sɔ nɛra Korowii nee laanee ɡela n jemɔ. O ŋɔ n be ŋɔ, ‘Hɛɛ na n Doma laanee o ba so naate nɛ. On dɛɛ ba n Domadɛɛɡe kpɔe dɛ sɔ nɛra la.’