We-ɛɛla 1:18 - mzwDBL

¹⁸ Waa yoɡ Yeesu la, o kpɔ o tonchɔɡa la suuɡa dɛ ka yawɛ harɛ bɛl. A ɡɛ harɛ nɔ taa o chole, o tea pere, o looni le, asɛ o sewɛ.

We-ɛɛla 1:18 Referans Kwoze

Yela 55:23

Kɛ hen Korowii, hɛɛ taɡɛ nɛra baa dɛ kpoo nɛra, ne nyosonteŋna laanee do ba lalbɔɔne bini, bá serewe mɔɔ ba saŋ tel. Kɛ n te, n kpɔ n te dawɛ hen Korowii nɛ.

Yela 55:15

N Naa Korowii, ɡel n dɔma piɡri serewe, ɡel ba huɡ ba dɛ ba siwi ta lole, dɛkalkɛ wechɔɡa lɔ ba bambile ne ba deremi.

Nɛra Kura 22:7

Ate, Moab nomonome ne Midian nomonome la kpɔ suuɡa baa kpɔ ka tomɛ toma la kaa. Baa la Balam be la, ba bol waa Kooro Balak aa ŋɔa la.

Matiu 25:15

Gɛ del ba bɛlbwa aa dɛ ba wona kpoŋe la taa o nyiŋi dɛ bɔne tɛɛ ba. O tɛ sitɔte la bɔre anue, dɛ tɛ nɛɛte la bɔre anɛ, asɛ dɛ tɛ toorote la ɡe bɔrbeŋkpoŋ, mɔɔ dɛ kaa o ŋwɛnɛ la.

Nɛra Kura 22:17

Mɛɛ bɔe kemee kɛrɛdɛ, ásɛ wobɛlbwa ɡe haa bol la, mɛɛ ɛo. Ba tomɛ ba toma tɛ mɛ.”

Sekaria 11:13

Asɛ Korowii ŋɔ n be ŋɔ, “Kpɔ do kon baa kpɔ suuɡa dɛɛ do o bini n Dea bela la bini.” Asɛ n kpɔ suuɡapoŋa fifraatoro baa kpɔa tɛ mɛ, dɛɛ lii kɛŋɔ a kan kohona la ta kon la bini.