Wepila 6:2 - mzwDBL

² N nao kɛŋɔ jaaɡɔpoŋ bɛl aa lea, nɛn so o ta dɛ kpoŋe to. Ba kpɔ kooɡbɛrɛ tɛo, asɛ o dɔ kpeɡri dɛ le kaa, dɛ ka yo laa dɛ pɔ o dɔma nɛ.

Wepila 6:2 Referans Kwoze

Sekaria 1:8

“Awola jwaana la, men Sekaria na baa bɛl wepila ta o so jaaɡɔswɛm ta. Dɛ o cheɡɛ daa ane baa dɛ yera mɛtel baah ta fɛlembɔjen bɛl bini, asɛ nɛra bane ɡe so jaaɡɔswɛɛma, ne jaaɡɔkɔla dɛ jaaɡɔpoŋa ta o habɔɔ.

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.

Wepila 14:14

Asɛ n nyiŋi dɛ na bampoŋ bɛl, nomɛl so o ta kɛŋɔ nɛn, dɛ pi suuɡaswɛm kooɡbɛrɛ, dɛ kpoŋe kerenyɛɡ.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Aesaya 25:8

Wɛɛ le seo nee waa wola lee do kpa bwa. Nemenɛ Korowii ɛɛ fee nomɛlbwa siniiree, dɛ́ laa sihiih o nɛra aa dia kpɔ harɛ nɔ bwa ta. Korowiirii bola.

Yela 110:2

Korowii ɛɛ tɛɛ kpeɡrii Saayɔn, ásɛ he di kora he dɔma baa bare cheme nɛ.

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

Wepila 15:2

N na bobɛl o do kɛŋɔ mpo aa chɔa dɛ do ɡereŋ asɛ nii do o ta. Asɛ nɛra baa pɔ olchɔɡe la ne kon la baa mao la nɛɛ dɛ vɛh o namba waa cheɡa tɛ o sɔn la kpoŋe Korowii janjelare dɛ che nee la jwɛh,

Wepila 11:18

Nɛra baa lɔ harɛ ta baah diu, kɛ tɔpere baa nyɔ he danana nee la ɡe telo. He bole pae tɔpere telo, hɛɛ ba dɛ́ ba bol nɛra baa serewa la waa dɛ́ pa bole, dɛ́ bɔ he bonɔɔna baa ɛ he keamere ne he nɛra ne banɔ la baa dɛ ɔmɛ la kem, ba bini nɛnjena ne nɛmpɛɛne bwa, dɛ́ chɔɡ banɔ la baa dɛ chɔɡ harɛ la.”

1 Kɔrent 15:25

Yeesu Kristo chɛ kɛŋɔ ó di kpeɡri komɛlbwa waa lɔ harɛ nɔ ta nɛɛ ka tel kɛŋɔ waa pɔ o dɔma bwa nɛ.

Yela 98:1

Hé ɡo yelfale tɛ Korowii, dɛkalkɛ o ɛ waa aa dɛ kpo nyoa! O cheɡɛ kpeɡri ne ɡoroŋ waa doa ta, dɛ pɔ o dɔma nɛ.

Wepila 19:14

Nyundua dɔm baa dɛ la laa do yapondɛɛɡa aa wera, dɛ so jaaɡɔpoŋa ta dɛ teŋɛ o nɛ.

Matiu 28:18

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

Yela 76:7

N Naa Korowii, he ɡbosoo nɛra bwa ɛɛ ɔmɛ, he baah diu waa, nomɛlbwa aa won che he sie.

Wepila 9:7

Tontombɛre la le jaɡre baa kpɔa dɛɛ la ka yo laa. A dɔ kwaane a nyuune ta aa le suuɡaswɛm kooɡbɛrɛre, asɛ a siebɔr le nɛn.