Wepila 6:15 - mzwDBL

¹⁵ Harɛ koranar ne nɛnjena, ne soojare nomonome, ne dɔɔhna, ne bokpeɡa tena, ne nɛn te bɛlbwa, banɔ la baa ɛ yoma, dɛ banɔ la baa wola yoma ɛɛ bwa chwa ka sɔh bwebɔɔne ne bwetala aa lɔ bwejena ta lɔɡre,

Wepila 6:15 Referans Kwoze

Aesaya 2:19

Nɛra ɛɛ ɔmɔɔ kohona, dɛ́ chwa ka jo bwebɔɔne, dɛ́ kwi bɔɔne dɛ́ jo a bini, dɛ́ le Korowii bandia ne o kpeɡri, ne o jirima kohona la nyoa, ɡɛ saŋ waa ba jiɡri harɛ la.

Aesaya 2:21

Baa kpɔ ɔmee chwa ka jo bwebɔɔne, ne bwejena aa peɡra la baah, dɛ́ le Korowii bandia ne o kpeɡri, ne o jirima kohona la nyoa, ɡɛ saŋ waa ba jiɡri harɛ la.

Aesaya 2:10

Hé bwa chwa ka jo bwebɔɔne bini, hé takapɔ dɛ́ kwi bɔɔne dɛ́ jo a bini, dɛ́ le Korowii bandia ne o kpeɡri dɛ o jirima kohona la ta.

Hibru 11:38

Dɛ nɛra baa dɔ harɛ nɔ ta ɡbo liire ta chɛɛ kɛ ba ne a ɡɛ Korowii nɛra baa ɛ nɛnjena nɔ pɛ so. Ba ta soŋnibɔr dɔe, dɛ do pua hɛŋle ɡbo harɛ ne bwea dor dɛɛ ɡaaɡe, dɛɛ so bwebɔɔne ne bɔpɛɛne bini.

Maeka 7:17

Baa di teeraa kɛŋɔ harɛkon, kɛŋɔ kwaa aa dɛ tuuɡi tea ta ken. Baa le ba dekpeɡa taa bochela ne ɔmee ne, dɛ́ berɛ ba hen Korowii yaa dɛ tomɛ sie.

Aesaya 42:22

Kɛ nɛra nɔ, ba dɔma kah ba kwaa dɛ paa kaa, dɛ laɡ ba do bɔɔne bini dɛ tɔ ba do, dɛ do ba deene ɡe. Ba ɛ nɛra baa lɛ ba kwaa bwa ba be, nomɛlbwa aa wola toole dɛ́ lɛɛ ba.

Yela 76:12

O dɛ sɔɔh koranar bambikpeɡ nyoa, koranar baa lɔ harɛ nɔ ta bwa dɛ ɔmɔ.

1 Samoɛl 13:6

Israel laa tena la aa naa kɛŋɔ a kpeɡri tɛɛ ba name la, ba chwao ka sɔh bwebɔɔne ne sɔɔhne bini, ne bwea ne bɔɔne dɛ kɔlɔŋa bini dɛ́ lɛ ba nyuune.

Sitɔɔla 6:2

Midian tena nyu bini aa baa do kpeɡri Israel tena nɛɛ kohona la, ba chwao kaa bwejena bɔɔne bini ne bela baa wola ban na, dɛ kpɔ bela berɛ deene dɛ so a bini.

Mumpar 3:8

Awola jɔmɔra ne la, ba noɔ kɛŋɔ Korowii dɛ valɛ bodɛɛɡe baa du daa la bini, asɛ ba chwa ka sɔh baŋ pera daa la bini ásɛ o bɛ ban na.

Wepila 18:23

Kandea bɛlbwa aa belaa chaah kpa. Baa hanfala ne ba jaranar taa no bela bwa. He bonadiire ɛ nɛnjena ba dɔŋa aa wola toole harɛ nɔ ta bobɛlbwa. He wono berɛ harɛ nɔ ta nɛra bwa liire, ba nyoɡre kɛŋɔ baa kpɔ tɛɡchɔɡa dɛɛ berɛ nɛn liire la.