Wepila 5:5 - mzwDBL

⁵ Asɛ nomonome la bɛl ŋɔ n be ŋɔ, “Gel wii. Na! Naate waa le Juda dea baa yerɔ ba Nyujente, dɛ berɛ dɛɛ yerɔ Devid Naa la, o wono yo le. Anomanta, wɛɛ wonoo swe kwaa baa kpɔa marɛ tɔn la nyoa kera anuanɛ la dɛ́ pilu.”

Wepila 5:5 Referans Kwoze

Aesaya 11:1

Kooro bɛl ɛɛ le Jese bie Devid luɡe taa dɛ́ ba, kɛŋɔ daa yon pamɛ le o muŋkpul ta, dɛ dɔ kpala dɛ nɔnɛ la.

Wepila 22:16

Menee Yeesu, men tomɛ n torome ŋɔ ó ba baɡle waa nɔ, ásɛ he ka baɡle asɔre tena. Devid Dwee men. O Naa men. Menee Chɔmbibi Wewee waa dɛ chaah kɛrɛdɛ la.”

Hibru 7:14

Nomɛlbwa jemɔ kɛŋɔ Juda deaa o le. Mosis ɡe fa ta bolɛ ŋɔ Juda dea tena dɛ di sɔfore bwa.

Tɔn Pɔɔl Aa Chwerɛ Rom Tena 15:12

Asɛ Aesaya ɡe bol ja, dɛ ŋɔ, “Jese naa bɛl ɛɛ bao. On dɛ́ ir dɛ́ di kora nɛra baa wola Israel tena ɛɛ nɛ. O nɛɛ baa ba hwɛɡa dɔe.”

Tɔn Pɔɔl Aa Chwerɛ Rom Tena 1:3

Korowii Bie Yeesu Kristo waa ɛ ya Dɔɔ la, o waa Amanesoma la ɛɛ baɡle. O nɛwɛnyini ɛɛ be pera la, Kooro Devid deaa o le,

Aesaya 11:10

Awola tɔpere la, Jese naa waa dɛ ba bala la ɛɛ cheo tɛ harɛre nɛra bwa kɛŋɔ fraŋkaa, ba bwa ɛɛ ba cheme o siee bela waa lole la, dɛ́ kpɔ jirima tɛo.

Wepila 6:1

Maa dɛ nyiŋi la, n na Pebie la aa swe kwaa baa kpɔa marɛ tɔn la kera anuanɛ la bini sitɔ kon la. Asɛ n no hweera kwaa anaarɛ la bɛl taa kɛŋɔ bwaala aa dɛ kɔɡre la. O ŋɔ, “Ba!”

Wepila 4:4

N na kookane fifraanɛ dɛ anaarɛ a bar o kookara la cheme. Nomonome fifraanɛ dɛ banaarɛ do laalapoŋa dɛ pi suuɡaswɛm kooɡbɛrɛre dɛ so a ta.

Jeremia 31:16

Kenii Korowii ɛɛ bol, “Hé ɡel wii haa dɛ wi la, dɛ́ fee he siniire. Anɔ la haa ɛa tɛ he bii aa pɛɛ ɛɛ ba, hɛɛ dɔ a kembɔree, ba bwa ɛɛ berɔɔ le ba dɔma harɛ taa ba.

Wepila 7:13

Asɛ nomonome la bɛl pɛɛ mɛ ŋɔ, “Nɛra nɔ baa do yapoŋa nɔ, umewaa yɔ? Leperaa ba leɔ?”

Wepila 4:10

dɛ nomonome fifraanɛ dɛ banaarɛ la laa ba kooɡbɛrɛre pili bil kookara la sie dɛ ɡuŋi naate waa soɡe kookara la ta dɛ do le saŋ bɛlbwa la, dɛɛ duuru ŋɔ,

Wepila 1:1

Waa nɔ aa lɔ tɔn nɔ bini nɔ, Korowiirii kpɔa baɡle Yeesu Kristo, ásɛ o kpɔ baɡle o bonɔɔna ne toli bá won jemɛ wa aa dɛ ba ɛɛ taraken. Yeesu Kristo ɡelɔ nyundua torome bɛl ba o bonɔɔ Jɔn be dɛ ba baɡlo a wa.

Amanesoma Jɔn Aa Chwera Tɔn 20:13

Belaa nyundua toroma la bɔɔro ŋɔ, “N nya, bɔkwa waa hɛɛ wi ken nɔ?” Asɛ o ŋɔ, “Ba kpɔ n Dɔɔ kaa. Maa jemɛ bela baa kpɔɔ ka bil.”

Amanesoma Luk Aa Chwera Tɔn 7:13

Yeesu aa na luhaah la, o waa do o sum, asɛ o ŋɔ o be ŋɔ, “Dɛɛ berɛ wii.”

Nɛra Kura 24:9

Ba do kɛŋɔ nyujente waa chɔa, nyujente nee chɔɔ waa, umee dɛ́ won lɔ bambile chumu wɔ? Nomɛlbwa waa swee andɛɛɡa tɛ Israel tena dɔ andɛɛɡa, nomɛlbwa waa taah ba la, á ɡure o ɡbaɡba nyu ta!”

Amanesoma Luk Aa Chwera Tɔn 23:28

Asɛ Yeesu berɛ o te dɛ ŋɔ, “Jerusalam haahna, he bɛ wi tɛ mɛ. He wi tɛ he te ne he bii,

Amanesoma Luk Aa Chwera Tɔn 8:52

Dɛ nɛra baa lɔ bela la koh bie la waa dɛɛ wi. Anee Yeesu ŋɔ ba be ŋɔ, “He bɛ wi. Bie la ta sewɛ, domii o chɔ!”

Daneɛl 7:16

N suuhno tel nɛra baa cheɡɛ bela la bini bɛl, dɛ ŋɔ ó baɡ mɛ wepila la mun kɛrɛdɛ. Asɛ o baɡ mɛ ɡɛ oljena anaarɛ la aa cheɡa tɛ dɛ ŋɔ,

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.

Wepila 5:4

Anomanta, n wio kohona, dɛkalkɛŋɔ ba ta nomɛlbwa nae o chɛ kɛŋɔ ó pili tɔn la dɛ́ nyiŋi o bini.

1 Koranar 10:20

Ba ɛ nyujentena fi dɛ anɛ chɔŋre kwaa waa cheɡɛ a ta teeh kaa so kookara la ta. Ba ta ɡɛ kookara nɔ dɔŋ bɛlbwa ɛɛ ken tɛ koojen bɛlbwa harɛ nɔ ta bwa.

2 Webena 9:18

Ba ɛ bɔre anumɛl, bela waa che teeh kaa so kookara la ta. Ba ɛ komɛl waa do kɛ karajeɡa, dɛ kpɔ suuɡaswɛm ɛ o ta, o kpɔ nakpale dɛɛ chɔŋɛ o ta. Dɛ ɛ bela waa kpɔ nɔɔra dɛɛ dawɛ kara la ta, baŋne anɛ. Dɛ berɛ ɛ kwaane aa le nyujentena anɛ a che kara la jwɛh.

Job Tɔn 41:15

O nyaŋ pɛɡa kpeɡri dɛ tɔ o nɛ, dɛ marɛ dɔŋa kiŋkiŋ ken.