Wepila 4:2 - mzwDBL

² Buɡ la ta, Korowii Domadɛɛɡe la den ir n nɛ, asɛ n na kɛŋɔ kookara bɛl cheɡɛ nyundua, nomɛl so o ta.

Wepila 4:2 Referans Kwoze

Wepila 1:10

Awola bɛl, ya Dɔɔ Tɔpere ta, Korowii Domadɛɛɡe ir n nɛ, n no takpeɡ bɛl n habɔɔ kɛŋɔ bɛla aa dɛ si ken.

1 Koranar 22:19

Korowii keame Mikaya berɛ teŋɛ dɛ ŋɔ, “No waa Korowii aa bola. N nao kɛŋɔ Korowii aa soɡe o kookara ta nyundua, o dɔm baa ja o nɛ dɛɛ tomɔ che baro.

Aesaya 6:1

A bena Kooro Ussia aa sewa, men Aesaya na Korowii chaahna ta, dɛ o soɡe kookara waa daŋa dɛ ɡwaa komɛlbwa ta, asɛ o laala tɔ Korowii Dea bela harɛ bwa.

Ɛsekeɛl 1:26

Kon waa bɔle hweera kwaa la nyundua la, n na komɛl waa do kɛŋɔ kookara, ba kpɔ bwedɛɛɡa ane aa ɛ burum baa yera safaaya ɛ o doa, asɛ a do kɛŋɔ nɛn soɡe kookara la ta ken.

Wepila 5:1

Asɛ n nyiŋi dɛ na kɛŋɔ naate waa soɡe kookara la ta la kpoŋe tɔn bɛl o nɔndiɡ ta. Tɔn la sie ne habɔɔ bwa taa ba chwerɛ, dɛ ɡuɡru, dɛ marɔ kera anuanɛ.

Wepila 4:9

Saŋ bɛlbwa hweera kwaa anaarɛ la aa kpɔ jam dɛɛ tɛ naate waa soɡe kookara la ta dɛ do le saŋ bɛlbwa la, dɛɛ duuru, dɛɛ tɛo jirima la,

Wepila 4:5

Dɛ kookara la waa lɔ baah ta la bɔr dɛ ɡbɔɡre kɛŋɔ, bwaala aa dɛ nyɛɡle dɛɛ jiɡri dɛɛ kɔɡre la. Kandere anuanɛ ɡe cheɡɛ kookara la sie dɛɛ hɔ. Korowii Domare anuanɛ laanee.

Daneɛl 7:9

Men Daneɛl berɔ na kɛŋɔ kookane aa baa che, asɛ Nɛn Waa Lole Saŋ La Bwa ba so kane la bɛl ta. O tɔ yal o to kɛŋɔ yabi, asɛ o nyumpona to kpelkpel kɛŋɔ pee pona. Ninlao ɡboo o kookara la, asɛ kara la nakpale do kɛŋɔ saaker nakpale dɛɛ hɔ.

Wepila 5:13

Asɛ n berɛ no komɛlbwa Korowii aa taa a do nyundua, ne komɛlbwa waa lɔ harɛ nɔ ta ne mpo bini bwa, ne nɛra baa serewa kwaara bwa aa dɛ ŋɔ, “Naate waa soɡe kookara la ta la ne Pebie la chɛ kpɛɛra ne duure ne jirima, dɛ dɔ kpeɡri bwa saŋ bɛlbwa dɛɛ la.”

Wepila 21:10

Anee Korowii Domadɛɛɡe ir n nɛ, asɛ nyundua torome la kpɔ mɛ kaa bwejen bɛl doa. O kpeɡo kɛrɛdɛ. Belaa o baɡ mɛ Korowii bwɛjen Jerusalam la kɛ waa le Korowii be nyundua dɛɛ ba harɛ.

Hibru 8:1

Waa yaa dɛ bol laanee kɛŋɔ ya dɔ Sɔfonomoa. O soɡe nomombɔr Korowijen kookara la jwɛɛh nyundua.

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.

Ɛsekeɛl 10:1

Men Ɛsekeɛl nyiŋi kon waa bɔle Kerobim la doa, dɛ na komɛl kɛŋɔ kookara baa kpɔ bwedɛɛɡa ane aa ɛ burum baa yera safaaya ɛo.

Ɛsekeɛl 1:28

Gɛ bwaala deŋɡare yon le baama ta bɔr chaah la, ɡɛɛ bɔr waa chaahna bar kookara la do. A dɛ baɡle ɡɛ Korowii jirima aa doa. Maa nao la, n cholo dɛ kpɔ sie pi harɛ, asɛ dɛ no taa bɛl.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.

Wepila 19:4

Nomonome fifraanɛ dɛ banaarɛ la ne hweera kwaa anaarɛ la ɡuŋo dɛɛ duu Korowii waa soɡe o kookara ta la, dɛɛ si, “Aamen. Hé kpɛɛ N Naa Korowii!”

Wepila 21:5

Anee naate waa soɡe kookara la ta la ŋɔ, “Taraken n ɡelɔ wobɛlbwa berɛ anfala.” Dɛ berɛ ŋɔ, “Chwerɛ ɡɛ waa nɔ, dɛkalkɛŋɔ n wobol nɔ ɛ kpela, neɡra toole a ta.”

Wepila 17:3

Belaa Korowii Domadɛɛɡe ir n nɛ, asɛ nyundua torome la kpɔ mɛ kaa pua hɛŋle ɡbo harɛ ta, asɛ n na haah bɛl o so olchɔɡe bɛl nɛ. Olchɔɡe la swɛɛrɔ dɛ dɔ sɔnchɔɡa o bwa, a bwa ɛ chɛɡa dɛɛ yaɡɛ Korowii. O dɔ nyuune anuanɛ, o nyeɡlare ɡe ɛ fi.

Wepila 12:5

Haah la lolɛ bibaa waa dɛ ba kpeɡri kpɔe dɛɛ nyiŋi harɛ nɔ ta nɛra bwa nɛɛ aŋwɛnɛ ta. Waa lolɔ la, ba lao kee kaa Korowii be o do o kookara la bɔr.

Wepila 6:16

dɛɛ ŋɔ bwejena la ne bwetala la be ŋɔ, “Hé choɡli tɔ ya nɛ, ásɛ naate waa soɡe kookara la ta la bɛ yaa na, ásɛ he le yaa Pebie la bandia ta,

Jeremia 17:12

Jeremia ŋɔ, “Saŋ la bwaa Korowii Dea yaa dɛ tomɔ o bini do kɛŋɔ kookara Korowii jirima aa lɔ o ta, asɛ o che bwejen doa.

Yela 11:4

N Naa Korowii lɔ o Dea waa lea cheɡ tɛ o te bini nyundua, dɛɛ di kora, dɛɛ nyiŋi nɛwɛnyini bobɛlbwa, dɛ jemɛ ɡɛ baa dɛ ɛ.

Matiu 22:43

Anee Yeesu berɛ pɛɛ ba ŋɔ, “Aah ɛrɛ waa Korowii Domadɛɛɡe la aa ir Devid nɛɛ la o berɛ yerɔ o dɔɔ nɔɔ? Devid fa ŋɔ,

Wepila 4:10

dɛ nomonome fifraanɛ dɛ banaarɛ la laa ba kooɡbɛrɛre pili bil kookara la sie dɛ ɡuŋi naate waa soɡe kookara la ta dɛ do le saŋ bɛlbwa la, dɛɛ duuru ŋɔ,