Wepila 22:3 - mzwDBL

³ Komɛlbwa Korowii aa taahno la aa bwɛɛ la taa do. Korowii ne Pebie la kookara la chebɔree bela, ásɛ o bonɔɔna ne toli ɛɛ tomɔ,

Wepila 22:3 Referans Kwoze

Matiu 25:21

Anee o dɔɔ la ŋɔ, ‘Jam, bonɔndɛɛɡe, kasinteŋ te! Tama nɔ haa kpɔ kasinteŋ dɛ ɛ a ne toma nɔ, mɛɛ kpɔe so andamanta nyoa. Ba puu mɛ so silɛɛ ta.’

Amanesoma Jɔn Aa Chwera Tɔn 12:26

Nomɛlbwa waa sɛh dɛɛ tom mɛ la, wɛ́ɛ teŋɛ n nɛ. Bobɛlbwa maa do la, belaa n toroma ɡe ɛɛ ba doe. N Mɛɛ la ɛɛ tɛ nomɛlbwa waa dɛ tom mɛ la sɔnee.”

Amanesoma Jɔn Aa Chwera Tɔn 14:3

Dɛ n kaa kwaa bɔr cheɡ heyaa bela aa, mɛɛ berɔɔ ba ásɛ dɛ ba kpɔ heyaa kaa bela maa lole, ásɛ bela maa so la, hé ɡe do bela.

Sekaria 14:11

Nɛra ɛɛ ba so Jerusalam deŋnesɔɔhna taa, nomɛlbwa aa wola won ba aah o nɛra dɛ́ chɔɡo kpa.

Ɛsekeɛl 37:27

Ba baahnee mɛɛ ba soɡa, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

Yela 17:15

N waa aa toɡra nomanta, mɛɛ nae, n chɔɔ ir aa, n sie ɛɛ lɛo kohona, ń na ɡɛ haa doa.

Yela 16:11

Hɛɛ baɡ mɛ mkpa ŋwɛnɛɛ. N lɔ he sie naa, n sie dɛ lɛ, n bwara ɡe ɛɛ sɔɔh mɛ saŋ bɛlbwa.

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Amanesoma Jɔn Aa Chwera Tɔn 17:24

N Mɛɛ, henee kpɔ ba tɛ mɛ. N dɛ nyin kɛ ba ja n nɛɛ bela maa lole, ásɛ dɛ won na n jirima haa kpɔa tɛ mɛ. He tɔ sie nyin mɛ mɔɔ dɛ ta harɛ, a waa he tɛ mɛ jirima la.

Mmarare 27:26

Ásɛ ba berɛ ŋɔ, ‘Nomɛlbwa waa wola Korowii Mmarare ne o webaɡla ta teŋɛ la, Kórowii taahno.’ Israel tena la bwa chaŋe ŋɔ, ‘Aamen!’ ”

Ɛsekeɛl 48:35

Harɛ la bwa jaŋne dɛ bar la ɛɛ ɛ naɡale kaɡboŋa fifraanɛ dɛ anuanɛɛ. Dɛ le awola dɛ kaa la, baa yerɛ bwɛjen la, ‘korowii lɔ bela.’ ”

Aesaya 51:11

Nɛra haa lɛɛ ba la ɛɛ berɔɔ ba jo Jerusalam, dɛ́ ɡo yela dɛɛ hɛɡre silɛɛ ne. Ba sie ɛɛ lɛo saŋ bɛlbwa, ásɛ sum ne hima le kwaraa.

Wepila 7:9

Anɔ la habɔɔ la, n nyiŋo dɛ na nɛnlaa nomɛlbwa aa wola won kur ba bela. Ba le wobol te bɛlbwa nɛra baa lɔ harɛ nɔ ta bobɛlbwa ta. Ba bwa do batakaarepoŋa, dɛ kpoŋe bambie daa a papooni do a ta, dɛ che kookara la ne Pebie la sie,

Wepila 7:10

dɛ kpɔ takpeɡ dɛɛ ŋɔ, “N Naa Korowii waa soɡe kookara ta la ne Pebie laanee lɛ yaa oo!”

Amanesoma Jɔn Aa Chwera Tɔn 13:32

Dɛ a cheɡɛ n nɛɛ Korowii dɔ jirima aa, aa che o nɛɛ ń ɡe dɔ jirima, dɛ́ dɔa taraken.