Wepila 2:20 - mzwDBL

²⁰ Kɛ n dɔ he waane dɛ́ bol. Hanchɔɡe Jɛsɛbɛl la waa dɛ yerɛ o te Korowii keame la, he ɡelɔ o do he be dɛɛ baɡle heya, dɛɛ neɡre n bonɔɔna ne n toli baa bɔ jwamane, dɛɛ di ola baa kpoora dɛɛ tɛ voɡa.

Wepila 2:20 Referans Kwoze

Wepila 2:14

Kɛ n dɔ he waane tama. Bane lɔ he bini dɛɛ teŋɛ Balam webaɡla ta. Onee fa ɡela Balak neɡre Israel tena ba ɛ wechɔɡa, dɛ di ola baa kpoa tɛ voɡa, dɛ kaa bɔ jwamane la.

1 Koranar 16:31

O ta ɡelɛ a jaɡɛ bela dɛ ɡe ɛ Nɛbat bibaa Kooro Jɛroboam wechɔɡa la dɔŋa. O berɔ mo Sidon Kooro Etbaal bihaah Jɛsɛbɛl dɛ pa mun dɛɛ tomɛ voɡ Baal.

We-ɛɛla 15:29

Anee kɛ, he bɛ voɡa kwaa dɛɛ di, he bɛ chal dɛɛ di, he bɛ ol baa wola o baŋa teŋe o sewɛ dɛɛ di, hé laa he te kpɔ jwamane waa ta. Dɛ he wono dɛɛ ki anɔ bwa naa, he wobɛlbwa ɛɛ maɡroo tɛ heya. Kórowii cha heya.”

2 Koranar 9:7

A chɛ kɛ he kpo he dɔɔ Kooro Ahab luɡe nɛra, dɛ́ he ba kwaraa, ásɛ n bɔ Jɛsɛbɛl kem n keamere ne n bonɔɔna waa kpoo ba la wa.

We-ɛɛla 15:20

kɛ yá chwerɛ ba tɔn ŋɔ ba bɛ voɡa kwaa dɛɛ di, dɛ laa ba te kpɔ jwamane waa ta, dɛ bɛ kon baa wola o baŋa teŋe o sewɛ la dɛɛ di, dɛ bɛ chal dɛɛ di,

Wepila 2:4

Kɛ he webeŋkpoŋ maa dɔa laanee kɛŋɔ, nyina he fa aa dɛ nyin mɛ loɡla la ta ɡɛ doe kpa.

Kaala 34:15

Hé nyiŋi kɛrɛdɛ he ne ba bɛ fɔo bɛlbwa fɔwɛ, dɛkalkɛ ba kpɔ ba te tɛ ba voɡa la kɛŋɔ baa dɛ bɔ jwamane ken asɛ dɛ kpoo kwaa ɛ saraha dɛɛ tɛa, baa yerɛ heyaa ásɛ he di ane.

1 Kɔrent 10:28

Kɛ dɛ nomɛl ŋɔ he be ŋɔ voɡee ba kwaa, a kondikwaa yaa, naate waa baɡle ɡɛ waa nɔ ŋɔ he bɛ di la nyu bini liire nomanta, bɛ di, ásɛ o bɛ ba lii kɛŋɔ he ɛ wechɔɡa.

1 Koranar 17:4

Hɛɛ dɔ nee dɛɛ nyɔ. N do ɡaahɡaahre ŋɔ á baa tɛɛ kondikwa.”

1 Koranar 17:13

Anee Elaeja ŋɔ, “Bɛ ɡel a we he nɛ, he te kaa dɛ́ ka ɛ he kondikwaa la. Kɛ tɔ sie ɛ ane ba tɛ mɛ mɔɔ, dɛ́ ɛ he ne he bie la kwa.

2 Koranar 9:22

Kooro Joram aa na Kooro Jehu la, o bɔɔro ŋɔ, “Kooro Jehu, a somaa?” O chaŋe ŋɔ, “Ɛrɛɛ deŋnesɔɔhna ɛɛ ba wona do le nɔ? He nya Jɛsɛbɛl ɡelɔ nomɛlbwa ɛɛ tomɛ voɡa dɛɛ ɛ sɔm we-ɛɛla.”

Ɛsekeɛl 13:17

Korowii ŋɔ men Ɛsekeɛl be ŋɔ, “Nɛwɛnyini bie, eɡle sie ta haahna baa cheɡɛ ba ɡbaɡba liire ta dɛɛ bol waa aa dɛ ba ba nɛɛ bala kerekere la nɛ, kah ba,