Wepila 18:10 - mzwDBL

¹⁰ Baa che bojaŋee, dɛkalkɛŋɔ baa ɔmɛ o hɔhɔrɔwa waa dɛ na laanee dɛ́ɛ ŋɔ, “Akwe! Akwe! Bwɛjen Babelɔn la o tena fa aa dɛ di kpeɡri ɡa la, waa puu kerabeŋkpoŋ o paɡre.”

Wepila 18:10 Referans Kwoze

Wepila 18:19

Ba loo ɛɛ kuu, bá ɛ teera ta ba nyuune ta, dɛ́ɛ wiu dɛ́ɛ dooɡe lɔŋɔre, dɛ́ ŋɔ, “Akwe! Akwe! Waa pu bwɛjen kondɔɔh aa su o bwa, dɛ ɡel nɛra baa dɔ stiimaere do mpo ta berɛ dɔɔhna la. O paŋɛ komɛlbwa dɔŋhwere beŋkpoŋ.

Wepila 18:8

Anomanta, tɔpebeŋkpoŋii wahala ne weela ne tebinichɔɡ ne lɔr ɛɛ ba o kpoe, ásɛ nii fuuh, dɛkalkɛŋɔ N Naa Korowii waa dɛ ba o waa bola dɛ́ pa bole laanee dɔ kpeɡri bwa.”

Wepila 14:8

Nyundua torome nɛɛte ɡe iro teŋɛ onɔ la nɛɛ dɛ ŋɔ, “O paɡrɔ! O paɡrɔ! Babelɔn bwɛjen la waa ɡela pɛlchɔɡa ne wedoŋa dɛɛ harɛ nɔ ta bwa nɛra kɛŋɔ sen asɛ ba waa fuh Korowii baah la paɡrɔ.”

Emɔs 5:16

Anomanta, Nemenɛ Korowii Waa Ɛ Koranar Bwa Kooro ŋɔ, “Nɛra ɛɛ wi fɔɡbaahnaa, ásɛ lokua wii do bela nɛra aa dɛ cheme bwa. Baa yerɛ paara bwaa cheme ba wi tɛ nɛra baa serewa, dɛ́ ka kpɔ nɛra bá ba wi.

Joel 1:15

Tɔpere Korowii aa lea cheɡ la telo, saŋ On Kpeɡri Bwa Dɔɔ la aa ba chɔɡa ne la. Wɛɛ ba ɔmee kohona nee ba ta nɛra nɛ.

Wepila 17:12

Nyeɡlare fi haa naa la cheɡɔ tɛ koranar fi baa wola kora dii mɔɔ. Ba tɔpere telaa, baa di koraa dɔŋhwere beŋkpoŋ ɡbo. Ba ne olchɔɡe la bwaa dɛɛ ba pɛɛ di kora.

Jeremia 30:7

Tɔpechɔɡe bɛl dɛ ba, baa won kpɔ tɔpere bɛlbwa maɡɔ. Wɛɛ ɛ suna dii tɔperee tɛ Jekɔb naanar, kɛ ane a bwa, baa le a nyoaa.”

Aesaya 21:9

Na, baa bɛl waa cheɡɛ kon waa do kɛ torɔɡo bini ne jaɡre dɛ ba. Asɛ nɛn waa dɛ daah la ŋɔ, “Bwɛjen Babelɔn paɡrɔ! O paɡrɔ! Voɡare aa lɔ o ta bwa, ba paɡre a bwa burbur ken bil harɛ.”

Nɛra Kura 16:34

Nɛra la aa joa dɛɛ kaa harɛ bini dɛɛ wi la, Israel tena baa lɔ baah bela chwao dɛɛ dooɡe lɔŋɔre ŋɔ, “Hɛɛ chwa! Harɛ dɛ ba pera ya ɡe jo o bini kaa.”

Aesaya 47:9

Gɛ webele anɛ nɔ ɛɛ piɡri tɔpebeŋkpoŋii. Ane he kaberere bwa, hɛɛ di bisewee, he jaa sewɛ.

Ɛsekeɛl 32:9

Mɛɛ ɡeloo a ha harɛre ta nɛra, maa ba chɔɡe le ba baah ta la, harɛre haa wola an jemɛ la.

Wepila 11:8

ásɛ ba lala chɔ bwɛjen la ba fa aa kpo ba Dɔɔ daɡaɡre ta la fɔɡbaah. Baa wonoo dɛɛ yerɛ bela Sodom, dɛ́ berɛ won dɛɛ yerɛ bela Ijipt.

Wepila 16:19

Bwɛjen la peɡri atoro, asɛ harɛ nɔ ta bwɛɛre bwa paɡre. Korowii lii Babelɔnjen tena wechɔɡa la wa, dɛ ɡel ba nyɔ o danana nee a nyoa aa kpeɡa kohona kɛŋɔ seŋkpeɡa la.

Wepila 18:18

Baa na ɡɛ waa dɛ fuh, ásɛ chuu ɛɛ le la, baa kpɔ takpeɡ ŋɔ, “Jo bɛ le! Bwɛjen nɔ dɔŋ toole wɛɛ fuh ɡɛ la.”

Wepila 18:21

Belaa nyundua torome bokpeɡa te bɛl ɡɔɔ bwe bɛl waa do kan kɛŋɔ nambwejen, dɛ kpɔ ta mpo ta, dɛ ŋɔ, “Kenii baa ba bwɛjen Babelɔn la kpɔe dɛ́ ta kpeɡri nɛɛ baa wola on na kpa bwa.