Wepila 16:5 - mzwDBL

⁵ Asɛ n no nyundua torome la waa chɔ neerare nyoa la kɛ waa ŋɔa, “Hen haa lole saŋ la bwa dɛ ba le fini, henee ɛ Korowii Waa Do Goroŋ dɛ ka tonɛ la, he waa haa bola dɛ pa nɛra bolchɔɡe la toɡrɔ,

Wepila 16:5 Referans Kwoze

Wepila 11:17

dɛɛ ŋɔ, “Korowii Haa Ɛ Koranar Bwa Kooro dɛ do le dɛ le saŋ la bwa ba le fini, ya dɛ jaame kɛŋɔ haa kpɔ he kpeɡri dɛɛ di kora komɛlbwa nɛɛ nɔ.

Wepila 1:8

Nemenɛ Korowii Waa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, o ŋɔ, “Menee komɛlbwa Mumpar ne a Jaɡa.”

Wepila 1:4

Men Jɔnee chwerɛ waa nɔ dɛɛ tɛ asɔrere bele anuanɛ aa lɔ Eesia harɛ ta la. Korowii waa lole saŋ la dɛ ba le fini, dɛɛ ba le doe saŋ bɛlbwa la, o ne o Domare anuanɛ aa lɔ o kookara mun la,

Yela 145:17

N Naa Korowii, waa haa dɛ ɛ bwa toɡrɔ, he dɛ nyin he kontaala bwa.

Wepila 4:8

Bɛlbwa dɔ kena anumɛl, dɛ dɔ sibie a bwara bobɛlbwa ne a kena lɔɡre ɡba. A lɔ o be chɔɔ ne jwaana dɛɛ kpɛɛro aa wola ɡel bwa, dɛɛ ŋɔ, “Korowii Haa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, he do ɡoroŋ noo, he do ɡoroŋ kɛrɛdɛ.”

Tɔn Pɔɔl Aa Chwerɛ Rom Tena 2:5

He deŋne kpeɡri. Haa ɡelɛ he tea bini ɛɛ chɔɡ he wechɔɡa wa. He ɡelɔ Korowii bwaawee ɛɛ do kan he nɛɛ tɔpere bɛlbwa. Awola waa ba pa bole kasinteŋ ne la, o baah ɛɛ di he nɛɛ taeh.

Yela 129:4

Kɛ Korowii o wa aa toɡra la lɛ yaa le nyubinikpeɡ tena nɔn ta.”

Mumpar 18:25

N jemɔ kɛŋɔ haa pɛ kpo nɛnchɔɡa ne nɛndɛɛɡa. Akai, haa ɡɛɛ ɛ. He ɛ ɡɛ naa, nɛndɛɛɡa ne nɛnchɔɡa bwaa hɛɛ ba pɛɛ tɛr ba deŋne la. A ne he sɔn ta maɡrɛ kwaraa! He nɛn haa ba bol harɛ nɔ ta nɛra bwa waa dɛ́ pa bole la ta chɛɛ kɛ he ɛ anɔ la aa maɡraa?”

Wepila 16:7

Asɛ n no taa bɛl konsɔɔhsoma fuih bɔr, o ŋɔ, “Korowii Haa Ɛ Koranar Bwa Kooro la, he waa haa ɛa dɛ tɛr ba deŋne toɡrɔ dɛ ɛ kasinteŋ.”

Tɔn Pɔɔl Aa Chwerɛ Rom Tena 3:5

Nɛwɛnyini te ɛɛ ŋɔɔ, “Dɛ a cheɡɛ ya wechɔɡa ta asɛ nɛra na kɛŋɔ Korowii ɛ nɛndɛɛɡe aa, amɔ ya ta wedɛɛɡa ɛɛ kɛɛ? Dɛ Korowii tɛr ya deŋne aa, dɛ o waa toɡraa?” Nɛwɛnyini liiree nɔ!

Daneɛl 9:14

Korowii kpɔ deŋnetɛra ba ta ya nɛɛ warane, dɛkalkɛ o waa toɡrɔ wobɛlbwa waa dɛ ɛ ta. Kɛ ane a bwa, ya ta o waa noɛ.

Wiile 1:18

Korowii te waa toɡrɔ tɛ mɛ, kɛ menee vɛh waa waa do mɛ a ta. Hé no n be, he nɛra haa lɔ bobɛlbwa, dɛ́ na wenaale maa lɔ o ta. Ba lawɛ n bonɔɔna ne toli bwa laa ta kaa harɛfala ta.

Wepila 19:2

dɛkalkɛ ɡɛ waa bol waa dɛɛ pa bole la ɛ kasinteŋ dɛ toɡre. O pa hanjwamane tenten la waa ɛ wedoŋa, dɛ chɔɡ harɛ nɔ la bolchɔɡe, dɛ tɛr o deŋne dɛ kpɔ bɔ o bonɔɔna ne toli waa kpoo ba la kem.”

Wepila 16:4

Asɛ toorote ɡe le dɛ ka fuɡe o kwaa do moo bɛlbwa ne neerare bwa ta, a beɡre chal.

Amanesoma Jɔn Aa Chwera Tɔn 17:25

N Mɛdɛɛɡe, nɛra baa dɔ harɛ nɔ ta ɡbo liire aa hen jemɛ, kɛ n te jemɛ, asɛ banɔ nɔ ɡe jemɛ kɛŋɔ henee tom mɛ.

Wepila 6:10

Ba kpɔ takpeɡ ŋɔ, “Nemenɛ Korowii haa do ɡoroŋ dɛ dɔ kasinteŋ, saŋ besoo hɛɛ ba nɛra baa lɔ harɛ ta nɔ waa bola dɛ́ pa bole, dɛ́ bɔ ba ya kpoora nɔ kem ɔ?”