Wepila 16:16 - mzwDBL

¹⁶ Kwaa aa dɛ ir nɛra nɛɛ la lawɛ koranar bwa cheme bobɛl Hibru tena aa dɛ yerɛ bela Amaɡɛdɔn la.

Wepila 16:16 Referans Kwoze

Sekaria 12:11

Awola tɔpere la, wii waa do Jerusalam la ɛɛ do kanee, kɛŋɔ Hadad Remɔn tena wii baa wi Meɡido deŋɡare doa harɛ waa chɔa kaa ta la.

Sitɔɔla 5:19

Koranar balɔ dɛ ba yo, Keenan harɛ ta koranar balɔ dɛ ba yo. Ba baa yo Taanak waa bɛne nenabɔɔ Meɡido, kɛ ba ta wone kpɔ suuɡapoŋa kɛɛ komɛlbwa laa la ta.

Wepila 9:11

A dɔ a kooro. O ɛ Bɔnsam torome waa dɛ nyiŋi Bɔnsam Bɔluŋ la ta. Hibru tena dɛ yerɔ Abadɔn, Grik tena ɡe ɛɛ yerɔ Apoleɔn. O sɔn la munii “Nɛn waa dɛ chɔɡ kwa.”

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

Amanesoma Jɔn Aa Chwera Tɔn 19:13

Paelet aa no ɡɛ la, o kpɔ Yeesu le buse dɛ ba so bela waa soɡa dɛɛ bol waa dɛɛ pa bole la. Bwea nee ba mao o ir nyundua. Juu tena wobol ta, baa dɛ yerɛ bela ‘Gabata’.

We-ɛɛla 26:14

Belaa ya bwa choɡli harɛ, asɛ n no kɛŋɔ nomɛl aa kpɔ ya bwɛɛ Juu tena wobol dɛɛ bol waa n be, dɛ ŋɔ, ‘Oo, Sɔɔl! Ɛrɛɛ he che n nɛɛ ɡɛ nɔɔ? He ɡbaɡbaa hɛɛ ɛ la. He ne nao baa doo ŋwɛn dɛɛ teɡɔ o ta naa dɛɛ yaɡre o dɔɔ da bwa beŋkpoŋ.’

Amanesoma Jɔn Aa Chwera Tɔn 19:17

Ba kpɔ Yeesu le koodem bela dɛ ɡel o che daɡaɡre baa dɛ ba o kpaara pɛl o ta la, dɛ ba tel bobɛl baa dɛ yerɛ bela Nyuhoɡ Bɔr, asɛ Juu tena wobol ta, ba ɡe ɛɛ yerɛ bela Gɔlɡɔta.

Amanesoma Jɔn Aa Chwera Tɔn 5:2

Dɛ tam bɛl chɔ Jerusalam asɛ Juu tena ɛɛ yerɔ Bɛtsata Hibru wobol ta. O chɔɔ bɛne Peera Doonyojen la. Tam la nyoa la, ba ɛ soŋnibɔra bele anue dɛ tɔa.

Sitɔɔla 4:7

Korowii ɛɛ ba Kooro Jabin laa nomoa Sisera ne torɔɡore baa vɔwa pɛl jaɡre la ne o laa tena nee Kesɔn Moo la nyoa, ásɛ dɛ ɡel he pɔ ba nɛ.”

2 Webena 35:22

Ane a bwa, dɛ Kooro Josia ta dɛ nyin ó ka yo. O ta waa Korowii aa cheɡɛ Kooro Neko nɛɛ dɛ bol la ta teŋɛ, anomanta, o beɡre o te dɛ la ka yoo Meɡido harɛ waa chɔa kaa la ta.