Wepila 16:15 - mzwDBL

¹⁵ Hɛ́ɛ no. Mɛɛ piɡri heyaa kɛŋɔ ŋwɛɛ ken. Naate waa wola dom chɔ dɛ do o laala dɛ so dɛɛ kpa la na som. N balaa, waa mumɡbalee valɛ nɛra nao ásɛ sihiih kpoo.

Wepila 16:15 Referans Kwoze

Wepila 3:18

Hé ɡel n ŋɔ he be. A wer kɛ hé yawɛ suuɡaswɛm maa kpɔ nii laa o doŋa bwa kpɔ o ta la, ásɛ dɛ dɔ kwa, dɛ́ yawɛ yapoŋa n be dɛ́ tɔ, ásɛ dɛ laa sihiih kpɔ he nɛɛ he mumɡbal cheɡa ta. Hé ba yawɛ tɛɛɡa ɡe n be, dɛ́ ka do he sibie ta dɛ́ won dɛɛ na.

2 Pita 3:10

Ya Dɔɔ Yeesu bala tɔpere la, wɛɛ piɡruu kɛŋɔ ŋwɛɛ bala aa dɛ piɡri la ken. Awola tɔpere la, nyundua ɛɛ jiɡru kikikiki, dɛ́ nyoɡre nɛra siwi ta. Kwaa aa lɔ nyundua bwa ɛɛ fuuh dɛ́ mwɛɛ, ásɛ harɛ ne kwaa aa lɔ o ta bwa fuh.

Matiu 25:13

Yeesu aa bol ɡɛ tonɛ la, o berɛ ŋɔ, “Anomanta, hé ɡel he sie do le hɛɛ kpa, dɛkalkɛ haa tɔpere la ne ɡɛ saŋ maa dɛ ba bala la jemɛ.”

2 Kɔrent 5:3

ásɛ ya bɛ bwadabii nya.

Amanesoma Mak Aa Chwera Tɔn 14:38

Asɛ o ŋɔ ba be ŋɔ, “Hɛ́ɛ nyiŋi kɛrɛdɛ dɛɛ soŋe Korowii ásɛ Bɔnsam bɛ won neɡre heya. He bambile fe dɛ nyin wedɛɛɡa ɛɛ, kɛ he bwadabii pwɛre.”

We-ɛɛla 20:31

A waa n ŋɔ hɛ́ɛ nyiŋi kɛrɛdɛ ŋɔ he bɛ ba soh kɛ n fa aa lɔ he be bene atoro bwa dɛ yon dɛɛ ja heyaa Korowii waa ta tɔpebii te bɛlbwa, dɛ koh he waa dɛɛ wi la.

1 Tesalonika 5:6

Anomanta, ya bɛ bɔhwaah ɛ kɛŋɔ bane aa dɛ ɛ la, kɛ hé ɡel ya sie chɔ harɛ yaa nyiŋi kɛrɛdɛ.

Amanesoma Luk Aa Chwera Tɔn 21:36

Hé ɡel he sie chɔ harɛ hɛɛ kpa dɛɛ soŋe Korowii tɔpere bɛlbwa, dɛ dɔ bokpeɡa dɛ le a ɡɛ waa aa chiɡ la nyoa, asɛ dɛ won che Men Nɛn Bie sie.”

Matiu 26:41

Hɛ́ɛ nyiŋi kɛrɛdɛ dɛɛ soŋe Korowii, ásɛ Bɔnsam bɛ won neɡre heya. He bambile fe dɛ nyin wedɛɛɡa ɛɛ, kɛ he bwadabii pwɛre.”

Aesaya 47:3

Nɛra ɛɛ nae kɛŋɔ he cheɡɛ mumɡbal, baa na sihiih haa dia. Mɛɛ bɔe he wechɔɡa kemee, maa nomɛlbwa nɛɛ sune.”

1 Pita 4:7

Wobɛlbwa jaɡa tɔpere la telo. Anomanta, hé nyiŋi kɛrɛdɛ, dɛ́ ɡel he sie chɔ harɛ, ásɛ dɛ won dɛɛ soŋe Korowii kɛrɛdɛ.

Ɛsekeɛl 16:37

nomanta, n dɛ yerɛ nɛra baa dɛ nyini he kpɔ he te tɛɛ ba la bwa cheme. Nɛra haa dɛ nyin ne banɔ la haa hah ba bwa, ásɛ n foo he yale ba siwi ta he che mumɡbal ba baah ta.

Habakuk 2:15

Babelɔn tena, he bwɛɛlɛ! He tɛ he bala sen ba nyɔ dɛɛ, dɛ chɔ mumɡbal dɛ di sihiih.

Hosia 2:3

Dɛ ɡɛ laa, mɛɛ wuruu o che muŋɡbal kɛŋɔ awola baa lolɔ la ken. Mɛɛ ɡeloo ó do kɛŋɔ pua hɛŋle ɡbo harɛ, dɛ́ do kɛŋɔ harɛ waa hola, ásɛ nyɔɡre kpoo ó sewɛ.

Kaala 32:25

Mosis nao kɛŋɔ Arɔn ɡelɔ nɛra la kpaŋe baa wola won toɡ ba ásɛ ba dɔma mam ba.

1 Tesalonika 5:4

Kɛ yabala, he te toole biro ta, he sie chaah waa nɔ ta. Anomanta, Yeesu bala la aa heyaa piɡri kɛŋɔ ŋwɛɛ.

Wepila 3:11

N dɛ ba taraken. Hé lawɛ waa haa jema la bini kiŋkiŋ, ásɛ dɛ bɛ ɡel nomɛlbwa won neɡre heyaa he paŋɛ kompoŋ baa dɛ ba heyaa vɔwa he yoi dɛ le ta la.

Wepila 22:7

Yeesu ŋɔ, “Hɛ́ɛ no! N dɛ ba taraken. Nomɛlbwa waa lawɛ waa nɔ aa lɔ tɔn nɔ bini, dɛɛ baɡle waa aa dɛ ba bala kerekere la bini kpoŋe la na som.”