Biblia Todo Logo
Bib sou entènèt

- Piblisite -




Wepila 15:3 - mzwDBL

3 dɛɛ ɡo Korowii bonɔɔ Mosis ne Pebie la yel ŋɔ, “Oo, Korowii Haa Ɛ Koranar Bwa Kooro, he we-ɛɛla kan ɡa. Harɛ nɔ bwa Kooro, he ŋwɛnɛre toɡrɔ dɛ ɛ kasinteŋ.

Gade chapit la Kopi




Wepila 15:3
49 Referans Kwoze  

Waa Korowii aa dɛ ɛ dɔ nyokpoa, nɛra ba sie aa dɛ lɛ a ta kpɔa do ba liire ta dɛɛ lii saŋ bɛlbwa.


N dɛ kpɛɛre, he we-ɛɛla haa cheɡɛ a ta dɛ ta mɛ la bwa ɔma, dɛ dɔ nyokpoa kohona. N jemɛ a bwa kɛrɛdɛ ken.


N Naa Korowii, waa haa dɛ ɛ bwa toɡrɔ, he dɛ nyin he kontaala bwa.


Mosis aa ɛ Korowii bonɔɔ dɛɛ nyiŋi Korowii nɛra waa bwa ta la, dɛ o waa dɔ kasinteŋ taeh, kɛŋɔ bonɔɔ kasinteŋ te wa aa dɔ kasinteŋ o dɔɔ be la. Dɛ o dɛ bol waa Korowii aa ba bol kerekere la nɛra be.


Korowiirii dɛ́ bol ya wa, onee do Mmarare dɛɛ tɛ yaa, dɛ́ ɛ ya kooro. Onee dɛ́ lɛ yaa.


Umee wejereme ɔ? Naate ɛɛ jemɛ waa nɔɔ. Umee dɛɛ pese waɔ? Naate ɛɛ no a munii. Korowii ŋwɛnɛre toɡrɔ, nɛra ba wa aa toɡra dɛ teŋɛ a ta, kɛ deŋnekpeɡ tena dɛ lɔ naa a ta.


Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.


Mosis nɛɛ Korowii che dɛ ba Mmara la ne. Yeesu Kristo ɡe nɛɛ nɛn nɛɛ suna ne kasinteŋ bwa che dɛ ba harɛ ta.


Korowii waa wer, o nyina waa dɛ nyin yaa ne o kasinteŋ lole saŋ bɛlbwa dɛɛ la.


Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.


dɛkalkɛ ɡɛ waa bol waa dɛɛ pa bole la ɛ kasinteŋ dɛ toɡre. O pa hanjwamane tenten la waa ɛ wedoŋa, dɛ chɔɡ harɛ nɔ la bolchɔɡe, dɛ tɛr o deŋne dɛ kpɔ bɔ o bonɔɔna ne toli waa kpoo ba la kem.”


Nɛra la cheɡɛ Korowii kookara ne hweera kwaa anaarɛ la ne nomonome la be dɛɛ ɡo yelfale bɛl, nomɛlbwa aa wola won hweli yel la, nemenɛ nɛra kaɡboŋa lafa fifraanaarɛ dɛ banaarɛ Korowii aa lɛɛ ba harɛ nɔ ta nɛra bwa bini la ɡbo.


Ate, Mosis baɡle yel la bini waa tɛ Israel tena bwa baa chema la ba no.


Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”


dɛɛ ŋɔ, “Korowii Haa Ɛ Koranar Bwa Kooro dɛ do le dɛ le saŋ la bwa ba le fini, ya dɛ jaame kɛŋɔ haa kpɔ he kpeɡri dɛɛ di kora komɛlbwa nɛɛ nɔ.


Bɛlbwa dɔ kena anumɛl, dɛ dɔ sibie a bwara bobɛlbwa ne a kena lɔɡre ɡba. A lɔ o be chɔɔ ne jwaana dɛɛ kpɛɛro aa wola ɡel bwa, dɛɛ ŋɔ, “Korowii Haa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, he do ɡoroŋ noo, he do ɡoroŋ kɛrɛdɛ.”


Waa dɛ bɛne bɔɔ la la, o bambile chɔɡɔ o kpɔ takpeɡ dɛ yerɛ Daneɛl ŋɔ, “Daneɛl, Korowii waa lole saŋ bɛlbwa la bonɔɔ, Korowii haa dɛ tomɔ kasinteŋ ne tɔpere bɛlbwa la wono ba lɛɛ le nyujentena la be naa?”


Hé cheme, dɛ́ bol he waa kɔɔto, ásɛ nɛra baa kpɔ waa daɡ ba la le jina dɛ́ kpɔ liire. Umee bol waa aa chiɡa taraken nɔ bil wubwa nɔ? Umee le saŋ la bwa dɛ bola ɔ? Men Korowii maa ɛ he Lɛɛ la laa aa? Dɔɔ bɛlbwa toole.


Baa bol he kpeɡri ne he we-ɛɛla aa do ɔma kohona waa, ásɛ n bol he kan haa doa wa.


Korowii ɛ kooro, dɛ dɔ kpeɡri kohona, dɛɛ nyin waa aa toɡra, o ɡelɔ kasinteŋ do Israel harɛ ta. O ba wa aa toɡra dɛ do wer ne.


Sɔn bɛl dawɛ o yal ne o hwii ta. Gɛ sɔn laanee koranar bwa kooro ne dɔɔranar bwa dɔɔ.


Korowii ta lɔ bwɛjen la bini, o waa toɡrɔ, waa wola wedoŋa nyin. Tɔpere bɛlbwaa wɛɛ di o nɛra kasinteŋ, waa wola habɔɔ le saŋ bɛlbwa, kɛ ane a bwa, sihiih aa wechɔɡ-ɛɛra baa lɔ o ta la kpo.


Hɛɛ teŋɛ kasinteŋ ne he nyina aa wola jaɡa dɔe taa, dɛ́ sune Jekɔb ne Abraham naanar nɛ, ɡɛ haa baɡɛ ya naawa nyoa saŋ la.


Hé lii o nyokpowaa waa ɛa, o wejena ne o waa aa dɔ kasinteŋ la wa,


O ɛ nyokpowaa ba naawa siwi ta, Soan harɛ waa chɔa kaa dɛ do Ijipt harɛ ta.


Wejena haa wola won no a munii Korowii ɛɛ ɛ, nyokpowaa haa wola won kuraa wɛɛ ɛ.


Anomanta, o yerɛ Sɔfonomoa Jehoiada dɛ ŋɔ o be ŋɔ, “Ɛrɛɛ he ta nyiŋe Lewi dea tena la Juda ne Jerusalam, dɛ ka lɛ benanyoa bɛlbwa toɔ, Korowii bonɔɔ Mosis ne Israel tena bwa aa ŋɔa bá ka lɛ ba kwaa Korowii Dea Cheremibɔr laɔ?”


Arɔn ne o naanar ɡboo dɛ́ kpɔ saraha kwaa baa fuah ba kon baa dɛ fuh saraha o ta, dɛ́ kpɔ ane ɡe ba kon baa dɛ fuh daawiile o ta la ta. Banee dɛɛ ɛ Boɡoroŋ Tenten bela toma, dɛ́ soŋe Israel tena wechɔɡa Korowii be ó kpɔ kɛ ba, ɡɛ Korowii bonɔɔ Mosis aa do ba la.


Nyundua torome nɛɛte ɡe iro teŋɛ onɔ la nɛɛ dɛ ŋɔ, “O paɡrɔ! O paɡrɔ! Babelɔn bwɛjen la waa ɡela pɛlchɔɡa ne wedoŋa dɛɛ harɛ nɔ ta bwa nɛra kɛŋɔ sen asɛ ba waa fuh Korowii baah la paɡrɔ.”


Ya Israel tena bwa koni he Mmara la, dɛ vɛh kɛŋɔ yaa no he waa. Asɛ he ɡel taahna waa baa ŋwɛɛ ntam dɛ chwera he bonɔɔ Mosis Mmara la ta la ba ya nɛ, dɛkalkɛ ya ɛ wechɔɡa dɛ jo he nɛ.


He ŋɔ báa di he Ona Tɔpera a do ɡoroŋ, dɛ che he bonɔɔ Mosis nɛɛ kpɔ he Mmarare tɛɛ ba.


Anomanta, Korowii bonɔɔ Mosis sewɛ Moab harɛ ta bela ɡɛ Korowii aa ŋɔa waa ɡel o la harɛ la ta la.


Korowii sɔnee mɛɛ ba yera, ásɛ o nɛra kpɔ duure tɛo o kan waa doa wa!


Hé nyiŋi kɛrɛdɛ dɛ bɛ Mmara Korowii bonɔɔ Mosis aa do heyaa a ta la soh. O ŋɔ hé nyin N Naa Korowii dɛɛ teŋɛ o Mmarare bwa ta, dɛɛ tomɔ he bambile bwa, ne he hweera bwa ne.”


Lii dɛ kpɛɛro kohona o we-ɛɛla wa, ɡɛ nɛra aa ɡo yela kpɛɛro a waa la.


Korowii te, o ŋwɛnɛre bwa wer, o waa bwa toɡrɔ. O do kɛŋɔ ɡbemɡbe, dɛɛ tɛ nɛn waa chwaa baa marɔ.


N Naa Korowii, he waa haa dɛ ɛ kan, he wejema ta jaɡa dɔe.


O waa waa dɛ ɛ bwa dɔ kasinteŋ dɛ toɡre. Waa waa dɛ do nɛra a ta bwa wer, baa hwɛɡɛ a ta.


Yá kpɔ duure tɛ Koojen la o Kora dii aa wola jaɡa dɔe, waa wola sewɛ bwa, baa wola won on na, o ɡbo aa ɛ Korowii la, dɛɛ ɡuŋu harɛ fini ne tɔpere bɛlbwa. Aamen.


Nemenɛ Korowii Waa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, o ŋɔ, “Menee komɛlbwa Mumpar ne a Jaɡa.”


Swiv nou:

Piblisite


Piblisite