Wepila 14:11 - mzwDBL

¹¹ ásɛ chuu le bela baa dɛ na hɔhɔrɔwa la dɛɛ kaa nyundua saŋ bɛlbwa. Nɛra baa dɛ tomɛ olchɔɡe la ne kon la baa mao la, ne nɛra baa kpɔ o sɔn do ba nso la, baa hɔhɔrɔwa la taa le bwa, dɛ́ɛ na waa chɔɔ ne jwaana.”

Wepila 14:11 Referans Kwoze

Wepila 19:3

Ba berɔ si ja, “Hé kpɛɛ N Naa Korowii! Babelɔn chuu ɛɛ dɛɛ kaa nyundua saŋ bɛlbwaa.”

Aesaya 34:10

Wɛɛ dɛɛ fuuh webaŋa ne jwaana waa wola dime bwa, ásɛ o ninchuu ɡe teŋɛ tɛr dɛɛ kaa nyundua saŋ bɛlbwa. Harɛ la ɛɛ chɔ pɛɛpɛɛ saŋ bɛlbwa dɛɛ la, nomɛlbwa aa wola belaa kpɔ kpa bwa.

Wepila 20:10

Ba lawɛ Bɔnsam waa neɡ ba la ɡe, dɛ ta bela nii ne jebɔrɔwe aa yɛɛra chɔ kɛŋɔ moo la, bela olchɔɡe ne keame nyosonteŋna la aa lole la. Baa na hɔhɔrɔwa chɔɔ ne jwaanaa aa wola jaɡa dɔe.

Matiu 25:46

Banɔ te ɛɛ kaa weweele aa wola jaɡa dɔe bwa la taa, ásɛ wedɛɡ-ɛɛra la te dɔ Korowii mkpa aa wola jaɡa dɔe bwa la.”

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Wepila 18:18

Baa na ɡɛ waa dɛ fuh, ásɛ chuu ɛɛ le la, baa kpɔ takpeɡ ŋɔ, “Jo bɛ le! Bwɛjen nɔ dɔŋ toole wɛɛ fuh ɡɛ la.”

Wepila 14:9

Toorote ɡe iro teŋɛ banɛ la nɛɛ dɛ kpɔ takpeɡ dɛ ŋɔ, “Dɛ nomɛlbwa sɛoh dɛɛ tomɛ olchɔɡe la ne o chaa la baa mao la, dɛ ɡel ba doo nso o tile ta kɛɛ o nɔn ta naa,

Aesaya 33:14

Wechɔɡ-ɛɛra baa lɔ Jerusalam dɛ ɔmɛ, nɛra baa wola Korowii tomɛ la bwara dɛ sa. Ba ŋɔ, “Ya bini umee dɛ won so nii aa dɛ hɔ aa wola dime, dɛɛ chɔɡ kwaa nɔ jwɛh ɔ?”

Mumpar 19:28

O ta sie nyiŋi Sodom ne Gomoora pera, ne deŋɡarere dor harɛ waa chɔa kaa la bwa dɛ na chuu aa tɔ bela bwa kɛŋɔ kpɔɡjen bɛl aa dɛ fuh ken.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Wepila 7:12

dɛɛ ŋɔ, “Aamen! Korowii chɛ kpɛɛra ne jirima ne jam ne duure. Onee dɔ wejema ne kpeɡri, ne bokpeɡa saŋ bɛlbwa. Aamen!”

Hibru 1:8

O bol o Bie la waa ja, dɛ ŋɔ, “Korowii, he kora ɛɛ cheo saŋ bɛlbwa dɛɛ la. Kasinteŋii hɛɛ ba kpoŋa dɛɛ di kora he nɛra nɛ.

Yela 145:1

N Naa Korowii maa dɛ tomɛ, ne n kooro, mɛɛ jaame saŋ bɛlbwaa dɛɛ la.

Yela 10:16

N Naa Korowii, henee kooro saŋ bɛlbwa dɛɛ la. Nɛra baa dɛ tomɛ voɡa ɛɛ heo le he harɛ ta.

Kaala 15:18

N Naa Korowii, hɛɛ di kora saŋ bɛlbwaa dɛɛ la.”

Wepila 22:5

Bɔr aa belaa dɛɛ jo, baa kandea ne weeree hiah, dɛkalkɛ N Naa Korowii ɛɛ dɛɛ chaah ba nɛɛ, ásɛ baa di koraa saŋ te bɛlbwa.

Wepila 13:12

Loɡle olchɔɡe la kpɔ o kpeɡri bwa tɛo, o che o naa ta dɛɛ ɛ wejena, dɛ ɡel nɛra bwa baa lɔ harɛ ta la ɛɛ duu loɡle olchɔɡe la ba fa aa doo bol o sewɛ dɛ berɛ ir o bol la tonɛ la.

Matiu 11:28

He banɔ la he soɡa bini waa aa kana ɡwaa he nɛɛ la bwa, hé kpɔa ba n be ásɛ n lɛ heyaa he onɛ.

Joel 2:30

Mɛɛ ɛ nyokpowaa nyundua ne harɛ taa, ásɛ nɛra na chal ne nii ne ninchuu kohona.

Aesaya 57:20

Wechɔɡ-ɛɛra te do kɛŋɔ mpo nehɛma aa wola won bobeŋkpoŋ che, dɛ yon che doŋa bwa soo siwi baa ta la ken.

Mmarare 28:65

A ɡɛ harɛre nɛra la bini la, haa bosɔɔhnaa dɔ bobɛlbwa, haa onaa dɔ bobɛlbwa haa la. Wɛɛ ɡeloo he bambile chɔɡ, he sie che chiŋ he bwara yɔr.

Aesaya 34:8

Korowii le tɔpere bɛl cheɡ, dɛ́ ba lɛ Jerusalam tena, dɛ́ chɔɡ ba dɔma bɔ kem.

Daneɛl 3:6

Nomɛlbwa waa vɛh ɡuŋa dɛ́ duu voɡ la la, baa kpɔɔ ka do nii aa lɔ fononoo binii.”

Wepila 13:15

Baa mao tonɛ la, Korowii tɛ olchɔɡe la waa teŋa nɛɛ la ŋwɛnɛ o tɛ kon la baa mao la hweera o won dɛɛ bol wa. Olchɔɡe nɛɛte la ŋɔ bá kpoo nɛra baa wola sɛh dɛ́ tomɛ kon la baa mao la bwa.

Wepila 13:17

Dɛ nomɛlbwa ta nso la dɔe yaa, o ta ŋwɛnɛ dɔe kɛŋɔ ó yawɛ kon kɛɛ ó yoɡ komɛlbwa. Nso la ɛ namba waa cheɡa tɛ olchɔɡe la sɔn.

Wepila 18:9

Harɛ nɔ ta koranar ba ne waa dɛ bɔ jwamane dɛɛ di ba bwara la, baa ba na o chuu kɛ o dɛ fuh la, baa wiu dɛ́ɛ dooɡe lɔŋɔre.