Wepila 11:10 - mzwDBL

¹⁰ Nɛra baa lɔ harɛ nɔ ta ɛɛ koh ba seo la waa ba sie lɛ ba baah sɔɔh ba. Baa chemoo dɛ́ lɛ sie, dɛ́ kɛ dɔŋa kwa, dɛkalkɛŋɔ a ɡɛ Korowii toroma banɛ la fa kpɔ wahala ta ba nɛɛ taeh.

Wepila 11:10 Referans Kwoze

1 Koranar 18:17

Kooro Ahab aa baa na Elaeja la, Kooro ŋɔ, “Nɛn haa ba waa ne ba ta Israel harɛ ta laanee nɔ naa!”

Wepila 3:10

Haa noa tɛ mɛ, dɛ lawɛ bambile dɛ na wahala nomanta, mɛɛ lɛ heyaa le wahala aa dɛ ba harɛ nɔ ta nɛra bwa nɛɛ dɛ́ ba daah ba la ta.

We-ɛɛla 5:33

Nomonome la aa no Yeesu toroma la waa nɔ la, ba bwaawee iro kohona, ba fe ɛɛ nyin kɛŋɔ ba kpoo ba.

Amanesoma Jɔn Aa Chwera Tɔn 7:7

Heyaa harɛ nɔ ta nɛra aa wola haeh, kɛ ba hah n te, dɛkalkɛ saŋ bɛlbwaa mɛɛ bol ŋɔ ba we-ɛɛla aa were.

Matiu 10:22

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Maeka 7:8

Ya dɔma, he bɛ ɡel he sie lɛ. A lole kɛ ya cholo te, yaa iruu. Ya lɔ biro ta te, Korowiirii dɛ́ do kɛ kandea dɛɛ chaah yaa bɔr.

1 Koranar 22:8

Anee Kooro Ahab chaŋe ŋɔ, “Korowii keame beŋkpoŋ bɛl lole. Onee Imla bibaa Mikaya. Kɛ n ne waa somɛ, dɛkalkɛ o ta wobɛlbwa nae le Korowii be dɛ tɛ mɛ a ɛ wedɛɛɡa tɛ mɛ bwa, atane wechɔɡa ɡbo.” Kooro Jehosafat ŋɔ, “N naa kooro, bɛ ɡɛ ŋɔ.”

Wepila 13:14

Waa cheɡɛ loɡle olchɔɡe la naa ta dɛɛ ɛ wejena la nomanta, o wono neɡre nɛra baa lɔ harɛ nɔ ta dɛ ŋɔ bá ma komɛl kɛŋɔ olchɔɡe la ba fa aa kpɔ kere doo bol o sewɛ dɛ ir la.

Wepila 13:8

Harɛ nɔ ta nɛra baa wola ba sɔna chwerɛ Pebie la baa kpoo la Mkpa Tɔn la bini harɛ mumpar bwa la, ba bwa ɛɛ duu olchɔɡe laanee kɛŋɔ Korowii ken.

1 Kɔrent 13:6

Kasinteŋii dɛɛ lɛ o sie. O sie aa wechɔɡa ta lɛ.

Amanesoma Jɔn Aa Chwera Tɔn 16:20

Kasinteŋ, n dɛ ŋɔ he be, he loo ɛɛ kuu he wi, ásɛ nɛra baa dɔ harɛ nɔ ta ɡbo liire sie lɛ. He tea bini ɛɛ chɔɡoo, kɛ he tebinichɔɡ la ɛɛ berɛ heyaa silɛɛ.

Jeremia 38:4

Belaa nomonome la ŋɔ Kooro Sedekia be ŋɔ, “Baa nɔ chɛ kpoe. O dɛ chɔɡ laa tena baa ka bwɛjen nɔ ta, ne nɛra la bwa liire o wobol ne. Ba kɛrɛdɛ laa wɛɛ nyin, ka ja ba chɔɡa ta.”

Sɛɡla 24:17

Waa pu he dɔm aa, bɛ ɡel he sie lɛ, o lɔ harɛ naa, bɛ ɡel a do he som.

Yela 89:42

He ɡelɔ o dɔma pɔ o nɛ, dɛ ɡel ba bwa sie lɛ.

Yela 13:4

a ba ɡɛ naa, n dɔma ɛɛ ŋɔɔ ba pɔ n nɛ, n horaa, baa hɛɡroo.

1 Koranar 22:18

Belaa Kooro Ahab ŋɔ Kooro Jehosafat be ŋɔ, “N ta he be ŋɔe ŋɔ o ta wedɛɛɡa bolɛ n be bwa atane wechɔɡa ɡbo aa?”

1 Koranar 21:20

Kooro Ahab na Elaeja dɛ ŋɔ o be ŋɔ, “N dɔm, he na mɛ.” Elaeja ŋɔ, “Gɛɛ, he ta he nyu dɛ ɛ wechɔɡa Korowii siwi ta.

Wepila 16:10

Onɔ la waa teŋa nue la ɡe leɔ, dɛ ka fuɡe o kwaa ta olchɔɡe la kookara ta, asɛ bɔr bir nɛra waa dɛ di kora ba nɛɛ la bwa nɛ, asɛ baa menɛ nyoa ba bonyɛɡa la wa,

Wepila 12:13

Korowii aa kpɔ kontuuɡi damanta la ta harɛ la, o iro dɛɛ ti haah la waa lolɛ bibaa la.

Obadia 1:12

A fe ta chɛɛ kɛ he sie lɛ he lolanar baa lɔ Juda harɛ wenaale wa. A ta chɛɛ kɛ he hɛɡre ba chɔɡa wa, kɛɛ dɛ mam ba ba sibeɡra tɔpere wee.

Jeremia 50:11

Korowii ŋɔ, “Babelɔn harɛ tena, he baa pa n nɛra laala laa ta kaa, asɛ he sie lɛ hɛɛ hɛɡre kɛŋɔ nao waa dɛ tiɡri mea, kɛɛ jaɡ-bala aa dɛ dooɡe lɔŋɔre ken.

Yela 35:19

Bɛ ɡel nɛra baa hah mɛ pɛɛpɛɛ la di n loro, bɛ ɡel ba sie lɛ, n suna maa dɛ di nɔ ta.