Wepila 10:5 - mzwDBL

⁵ Asɛ n berɛ na nyundua torome la n fa aa nao o naa bɛl do mpo ta, bɛl ɡe che baŋ la aa tɛr o nɔndiɡ pa nyundua,

Wepila 10:5 Referans Kwoze

Daneɛl 12:7

Nyundua torome la ir nɔɔra anɛ bwa nyundua, asɛ n no ɡɛ waa ŋwɛɛ Korowii Waa Lole Saŋ Bɛlbwa sɔn ta ŋɔ, “Aa ɛ bene atoro ne faah. Gɛ saŋ nɛra baa teŋɛ Korowii nɛɛ bonyɛɡa aa ba a jaɡa la, dɛ waa nɔ bwa ɡe chiɡo.”

Mmarare 32:40

Maa dɔa ɛ Korowii maa wola sewɛ nɔ, n ir nɔn dɛɛ ŋwɛɛ

Wepila 16:17

Asɛ nyundua torome waa teŋa nuanɛ la ɡe fuɡe o kwaa do peu ta. N no takpeɡ bɛl le kookara la te be Korowii Dea bela, o ŋɔ, “A tonɔ.”

Wepila 14:7

O kpɔ takpeɡ dɛ ŋɔ, “Hɛ́ɛ ɔmɛ Korowii dɛ́ɛ tɛo jirima, dɛkalkɛŋɔ tɔpere la telo kɛŋɔ ó bol nomɛlbwa waa dɛ́ pa bole. Hɛ́ɛ duu Korowii waa ta nyundua ne harɛ, ne mpo ne neerare bwa aa lɔ harɛ ta la.”

Wepila 10:2

O dɔ tɔnjeɡa bɛl waa pila do o nɔn ta, dɛ kpɔ o nadiɡ do mpo ta, o naɡal ɡe che baŋ,

Wepila 4:11

“N Naa Korowii haa dɔ komɛlbwa la, he chɛ kɛŋɔ nɛra bwa tɛɛ jirima dɛ́ duuri, dɛ́ sɛh kɛŋɔ hen dɔ kpeɡri bwa, dɛkalkɛŋɔ henee ta komɛlbwa, he tetoora taa a che a do le.”

We-ɛɛla 14:15

“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la.

Wepila 4:9

Saŋ bɛlbwa hweera kwaa anaarɛ la aa kpɔ jam dɛɛ tɛ naate waa soɡe kookara la ta dɛ do le saŋ bɛlbwa la, dɛɛ duuru, dɛɛ tɛo jirima la,

Wepila 1:18

Men lole saŋ bɛlbwa la. N fa sewɔ, kɛ taraken n iro, maa wola sewɛ saŋ bɛlbwa kpa, dɛ dɔ seo ne Lalabwɛɛ safoone.

Nehemia 9:6

He ɡboo Korowii, henee ta nyundua ne weweela bwa. Henee ta harɛ ne mpo, dɛ kwaa aa lɔ a ta bwa, dɛ ɡel a bwa do le. Kwaa aa lɔ nyundua bwa dɛ ɡuŋi.

Kaala 20:11

Tɔpera anumɛlee n kpɔ ta nyundua ne harɛ, mpo ne koŋkwaa aa lɔ o ta bwa, asɛ dɛ onɛ tɔpere waa teŋa nuanɛ la ta. A waa n ɡel Ona Tɔpere la ɛ tɔpedɛɛɡe dɛ ɡel o do ɡoroŋ.

Mumpar 14:22

Anee Abram chaŋo ŋɔ, “N ŋwɛɛ ntam, Nemenɛ Korowii waa ta nyundua ne harɛ la sie kɛŋɔ,

Hibru 6:13

Korowii baɡɛ Abraham nyoa. Waa baɡɔ nyoa la, komɛlbwa aa wola toole dɛ ɡwaalo la, o ɡbaɡbaa o ŋwɛɛ, dɛ ŋɔ,

Tɔn Pɔɔl Aa Chwerɛ Rom Tena 1:20

Dɛ́ le ɡɛ saŋ Korowii aa ta harɛ la, o bwara waa nɛwɛnyini aa wola wone dɛɛ na siwi ne, kɛŋɔ o kpeɡri aa wola jaɡa dɔe ne o dor bwa, o ɡelɔ nɛwɛnyini na a bwa. Nɛwɛnyini wono che Korowii kwaa waa taa ta, dɛ na o kpeɡri ne ɡɛ waa doa. Anomanta, nɛwɛnyini aa won ŋɔ baa jemɛ kɛ Korowii lole.

We-ɛɛla 17:23

dɛkalkɛŋɔ maa dɛ ɡaaɡe he bwɛɛ nɔ ta dɛ na bɔra haa dɛ tomɛ la, n na kon haa dɛ ɛ saraha o ta, dɛ na kɛŋɔ baa chwerɛ bobɛl ŋɔ, ‘Ya dɛ tomɔ, kɛ yaa on jemɛ.’ Kon haa wola on jemɛ dɛ ɡee tomɔ la, o waa mɛɛ bol he be la. O sɔne Korowii.

Ɛsekeɛl 20:5

dɛ́ ŋɔ Israel tena be ŋɔ men Nemenɛ Korowii bolɔ ŋɔ, ‘Awola maa le Israel tena tɛ n te la, n ir nɔn dɛ ŋwɛɛ baɡle Jekɔb naanar, dɛ kpɔ n te baɡ ba Ijipt harɛ ta kɛ menee Korowii baa dɛ tom mɛ la.

Yela 146:5

Nomɛlbwa waa kpɔ hwɛɡa do Korowii Jekɔb aa tomɔ nɛɛ wɛɛ chao la, o na som.

Kaala 6:8

N baɡɛ Abraham ne Aesek dɛ Jekɔb nyoa kpeɡri nɛ harɛ maa ŋɔa mɛɛ kpɔɔ tɛɛ ba la wa. Mɛɛ kpɔɔ tɛ heya ó ɛ he kon pi. Men Korowii bola.’ ”

Ɛsekeɛl 47:14

Bɔno kɛrɛdɛ bɛlbwa dɔ o kon, dɛkalkɛ n ir nɔn dɛ ŋwɛɛ kɛŋɔ he naawaa n kpɔ harɛ nɔ tɛ. Harɛ nɔɔ dɛ́ ɛ he kapɛrɛ kon.

Ɛsekeɛl 36:7

Dɛ ɡɛɛ a do tenaa, n ir nɔn dɛ ŋwɛɛ kɛŋɔ harɛre aa bar heyaa cheme nɔ nɛra ɡe ɛɛ di sihiih bá mam ba.

Ɛsekeɛl 20:42

Maa ba he ne Israel harɛ ta la, anee hɛɛ ba jema kɛŋɔ menee Korowii haa dɛ tom mɛ la, harɛ maa ir nɔn dɛ ŋwɛɛ ŋɔ mɛɛ kpɔɔ tɛ he naawa la.

Ɛsekeɛl 20:28

N laɡ ba ba harɛ maa ŋwɛɛra ŋɔ mɛɛ kpɔɔ tɛɛ ba la ta. Ba baa na deŋɡarejaŋa ne dajena aa dɔ papooni kohona dɛ ka ɛ sarahare bela. N baah di daawiile baa fuah a sɔɔh do som, ne sen sarahare baa ɛa tɛ voɡa la ta.

Ɛsekeɛl 20:23

N berɔ ir nɔn, dɛ ŋwɛɛ baɡ ba pua hɛŋle ɡbo harɛ ta bela kɛŋɔ, mɛɛ lɔ baa peɡre harɛ nɔ ta bwa,

Ɛsekeɛl 20:15

N berɔ ir nɔn pua hɛŋle ɡbo harɛ ta bela, dɛ ŋwɛɛ baɡ ba kɛŋɔ, maa ban kpɔ ba harɛ maa kpɔa tɛɛ ba la ta, harɛpare ondɛɛɡe dɛ ɡwaa harɛ bɛlbwa,