Wepila 1:3 - mzwDBL

³ Naate waa kure tɔn nɔ bini wa, dɛ baɡle wa aa dɛ ba chiɡa nɛra no la, o na som. Banɔ la ɡe baa no waa baa kure la, dɛ́ ɛ waa waa baɡla la, ba ɡba na som. Tɔpere waa kaa ásɛ waa nɔ bwa chiɡ la aa kanɛ kpa.

Wepila 1:3 Referans Kwoze

Amanesoma Luk Aa Chwera Tɔn 11:28

Anee Yeesu ŋɔ, “Nɛra baa dɛ no Korowii Waa dɛɛ teŋɛ a ta laanee na som.”

Wepila 22:10

O ŋɔ n be ŋɔ, “Bɛ waa aa dɛ ba bala kerekere dɛ do tɔn nɔ bini kpɔ sɔh. Ka baɡla, dɛkalkɛŋɔ tɔpere la telo tonɛ kɛŋɔ waa nɔ bwa ba ɛ.

Tɔn Pɔɔl Aa Chwerɛ Rom Tena 13:11

Hɛ́ɛ nyin dɔŋa, dɛkalkɛŋɔ he jemɔ kɛŋɔ tɔpere la telo. He jemɔ kɛŋɔ a telo kɛŋɔ dɛ chɔe he chɔ a, he ir! Ya lɛɛ tɔpere la joɔ tonɛ taraken dɛ ɡwaa ɡɛ saŋ yaa kpɔ ya te tɛ Yeesu dɛ pa mun dɛɛ teŋɛ o nɛɛ la.

1 Pita 4:7

Wobɛlbwa jaɡa tɔpere la telo. Anomanta, hé nyiŋi kɛrɛdɛ, dɛ́ ɡel he sie chɔ harɛ, ásɛ dɛ won dɛɛ soŋe Korowii kɛrɛdɛ.

Sɛɡla 8:34

Nɛn waa dɛ no n waa la, o na som, nɛn waa dɛ so n dem doonyoa kɛɛ dɛɛ kpa bela la, o na som.

Wepila 22:12

Yeesu bolɔ ŋɔ, “Hɛ́ɛ no bonɔ! N dɛ ba taraken. N dɛ ba kembɔr maa dɛ ba nɛra tɛɛ la ne. Gɛ nomɛlbwa toma aa doa laanee mɛɛ ba on kem bɔe.

2 Pita 3:8

N dandɛɛɡa, he jemɛ kɛŋɔ tɔpebeŋkpoŋ ne bene kaɡboŋ bwa beŋkpoŋ Korowii be. Beŋkpoŋii a bwa o te be.

Wepila 22:20

Naate waa ɛ waa nɔ bwa danseɛ la ŋɔ, “Kpelaa, n dɛ ba taraken!” Aamen. N Dɔɔ Yeesu, ba warane!

Matiu 24:15

Yeesu berɔ ŋɔ, “Hé naate haa kure tɔn nɔ bonɔ la no a mun kɛrɛdɛ. Hɛɛ na konchɔɡechɔɡe Korowii keame Daneɛl fa aa bol o waa ŋɔ o dɛ paɡre bwɛɛ la cheɡa Korowii Dea boɡoroŋ bela.

Tɔn Pɔɔl Aa Chwerɛ Rom Tena 13:12

Tɔpere waa kaa bɔr chaah la aa kanɛ kpa. Tɔɔ perɔ tonɛ. Hé ɡel ya ɡel waa aa ɛ biro bini waa ɛɛ, dɛ́ kpɔ bochaah laala do dɛ́ won yo biro bini wa.

Wepila 3:11

N dɛ ba taraken. Hé lawɛ waa haa jema la bini kiŋkiŋ, ásɛ dɛ bɛ ɡel nomɛlbwa won neɡre heyaa he paŋɛ kompoŋ baa dɛ ba heyaa vɔwa he yoi dɛ le ta la.

Jeremia 51:61

N ŋɔ Seraya be ŋɔ, “He tel Babelɔn harɛ ta naa, na kɛŋɔ hɛɛ kure tɔn nɔ bini waa bwaa takpeɡ ne kohonaa ba no.